JOBA 12:10 - Khumi Common Language Bible

¹⁰ Heng nai amjy cheaungkhangchi i, hengra lam patei nai keung ly Tameuh ne. Khumi luteng i hengra ly mymy i kiu tleaung y awm.

JOBA 12:10 ပူးပေါင်းရင်းမြစ်များ

ATITI AWM ANGCHEI NAI 2:7

Naibaly Areng Tameuh ly khaileaung salo i khaileaung phyrei la iy khumi myn sa; notareang mang hengra kangho hm pi i, khumi ly heng amteaung bo.

ATITI AWM ANGCHEI NAI 6:17

Kaimy khaileaung i heng nai cheaungkhangchi tamyh ai nai khaileaung pri y tuibai tuitleng theu hai ai; naibaly khaileaung i heng nai cheaungkhang ly dei bebe ai.

JOBA 27:3

Na i py kai ai Tameuh my, taho ai pei nai ryrei ly

JOBA 27:8

Tameuh by y nai khumichi i hengra ai, Tameuh my la pi veng nai neng khala, nichi i vui ati athang khai naira awm ai mo?

JOBA 33:4

Tameuh i phailo ly achi ai sa iy, hengra py pei nai ne.

SAM 104:29

Nang ly nichi teng i nai meimai hi pi veng nai khala y, nichi ly jei hyn u bo; nang ly nichi i hengra la pi veng nai khala y nichi ly dei i, spryh lawm u ali teang nai ne.

SAM 104:30

Na i py nang ly nichi ai taho hai nai khala y, nichi ly sa palai teang naira nga bo; nang ly khaileaung pri ai kangtha lawm hai teang nai ne.

Parip nai leu 9:1

Kai ly hini leaungsai bawibawichi ai khri pa-rei adawn pasym nai khala y, Tameuh ly khumi kachengchi hawi khumi kahawichi i sa nai saichi kasum typ nai hawi, nichi i tamen nai paleung hawi niu ngai y nai paleung ai py kasum typ, nanai py kapany. Mo mang y tym ai nai atitichi ai py pany y, pany i py ati sai py ny y.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 57:16

Kai ly kaimy i khumichi ai heng ai nai kapei. Nichi ai thui tamawn bi iy, kado theu hai jojo y leang bo.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

Kati Nai 16:22

Na i py Mosi hawi Aron nini ly khaileaung y ambeu iy, “Aw Tameuh, nang ly khumi angso bawibawichi i hengra pakeung sangum ne. Khumi leaungrei i kamngo molam y cheng verei ai kado theu hai ai bo a?” nanai takeng.

JOHAN 3:6

Tlang y tapen nai ly tlang ne: Phailo y tapen nai ly phailo ne.

AMTAW 17:25

atiti avaw nai kamta ly khumichi i kiu y kalop sa pi nai py awm vai y leang, ati mana nai mo nabaly mymy naini ati cheaungkhangchi teng y hengra hawi, taho naira hawi, atiti bawibawi py pei nai keung ne;

AMTAW 17:28

mymy deaungkho y achi heng py heng, angto py angto, awm py awm nai teu; nangmychi i khulym paseang kakawp amichi mo py, ‘Kaichi py mymy i kangpreang ne teang, nanai thui nai kamta ly.