JOBA 11:19 - Khumi Common Language Bible

¹⁹ Nang ly mani paleung ka-e ai py, jei hyn ai ny y. Khumi mipuichi malawn py, nang teng y kasabawmra hnei u ai.

JOBA 11:19 ပူးပေါင်းရင်းမြစ်များ

2 NENG SATANG 20:30

Hunai deaungkho y Jehoshapha ly tlamsa naimy peang ai nai nga. Tameuh my ni i pri meingtym tleirei y chymme naira awm hai bo.

JOBA 11:18

Nang ly tlamsa naimy awm iy, athang khai naira awm ai. Tameuh ly nang ai ang kry iy, ka-kawm rym hai ai.

SAM 127:2

Tlang heng ai nai i vui khawn angthodyh ang thau iy, veng na nai pa-rei akawm parai naimy kalop sa nai py atyhtyh teu. Ati mana nai mo nabaly Areng ly mymy i tamen nai khumichi i nai thym khala, nichi i ngai nairachi pei pi nai deaungkho y ne.

SAM 4:8

Kai ly aseaung nai khala y awmnem naimy i nem bo; aw Areng, nang naini kai ai chymme naimy awm ai nai pei nai ne.

SAM 45:12

Turu pri khumichi ly nang teng y langseaungchi syn pi ai. Nang chawn nai khumichi ly nang teng i meimai nga ai nai atho sa u ai.

LEU KACHENG 19:6

Khumi luteng ly aly len nai khumichi teng i, meimai nga ai nai atho sa u reng. Khumi luteng ly paleung kangleng naimy pei nai khumichi hawi, ahawi kamrawi asa reng nai ne.

LEU KACHENG 3:24

Nang ly i angvyn nai khala, jeira awm ai ny y; vumtorei py i nem ai.

ISAIA 17:2

Suria mary ly khumi angso savai tlang jojo nai mary lawm ai. Huni marychi ly beramchi hawi si, painochi i vui sui tlai naira lawm ai. Huni tawnbawichi ai paryh pawn ai nai khumi awm ai ny y.

ISAIA 45:14

Areng my Israela chengchi teng y leu pei nai ly “Aikupta pri hawi Ethiopia pri i yhmtheaung katuichi ly nangchi nga u ai. Seba pri i khumi len ka-sangchi ly nangchi teng y miseaung achei u ai. Nichi ly sengkry hawi pakheng naimy, nangchi nithun abang u ai. Nichi ly nangchi i mo y lu meung naimy, hina nai thui pi u ai; ‘Tameuh ly nangchi hawi vanrei awm bo; mymy leaungrei naini Tameuh ne.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

Ezekiela 34:28

Khumi cheng cheaungkhangchi ly nichi ai mo mang y mana khala py tiu u bi ai ny y. Mawi kasichi my py kei bi ai ny y. Nichi ly chymme naimy awm u ai. Ami my py nichi ai pajei ai ny y.

Levi 26:6

“Kai ly nangchi i pri y tlamsa hai nai deaungkho y, nangchi ly vum y ka-jeira molam paleung mawn naira by y naimy, i nem ai nai nga u ai. Kai ly nangchi i pri i nai mawi kasichi paryh pi pawn ai. Tavai takai ly avum bi ai ny y.

MIKHA 4:4

Khumi luteng ly mymychi i kreip akho, mymychi i thaidu keung akho theung y jei y naimy, tlamsa nai awm ai nai nga u ai. Hini ly ati cheaungkhang sa thai nai Areng my pei nai leu ka-deu ne.

ZEPHANIAH 3:13

Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.

AMTENG HAI NAI 3:9

Khen cham, Juda tatang ny y naimy, ka-chawi thui iy Juda angam nai Setan i achu nai kamkawmchi ai ly, khen cham, nichi kypkyp ai ly nang teng y katym hai iy, nang i kheu keung y ambeu hai ai i, nang ai katamen, nanai nichi ai kang pany hai ai.