JOBA 10:14 - Khumi Common Language Bible

¹⁴ Nang ly kai i kamngo pahen y naimy khai ai nai, kai mana khala sa tamang ai mo, nanai khen ajeng ryry lawh nai ne.

JOBA 10:14 ပူးပေါင်းရင်းမြစ်များ

JOBA 14:16

Hunaibaly mymy ly kai i kheukan ngiereichi ai khen patawm nai ne. Na i py kai i kamngochi ai kheulawi padyh iy, ang khen patawm ai ny y.

JOBA 33:9

“Kai ly hawi y naira ati sai py kaso y, kai ly kamngo awm nai khumi ny y leang.

JOBA 34:22

Kamngo sa tamang nai khumi ai, Tameuh my niu pajau y ai nai pa-rei, veng hai nanai kaveng ly by y.

JOBA 7:20

Khumichi ai khen patawm nai keung, kai i kamngo my nang ai khrukhra naira tym hai lawh a? Ati mana nai y kai ai nang i cham nai amthiura kamta teaung lawh mo? Kai ly nang i vui khri pa-rei, ji nai myn kaji lawm lawh a?

JOBA 7:21

Nang ly kai i kamngo pahen pi pajau y a? Kai i sa tamang nai pahen pajau y nai sai a? Kra y naimy kai ly tapreaung angawm y kasatla ai; nangmy hau nai khala, kai kaawm ai ny y leaung bo.

SAM 130:3

Nang ly kaichi i kamngochi tajiu pi typ jo ai nabaly, kamngo pajengra i nai ami tleaung pajau ai mo?

SAM 139:1

Aw Areng, nang ly kai ai cham chum bo i, kai i satang pany bo.

SAM 90:8

Kaichi i kamngochi ly nang i mo y khai bo; kaichi i kangviu y sa nai kamngochi ai py, nangmy niu pajau nai meingtym y khai bo.

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

Kati Nai 14:18

“Kai Areng ly neaung hawi nai ne. Tamen naira hawi ka-ym awm nai keung ne iy, kamngo nai hawi tiu naichi ai pahen pi nai ne. Na i py amhm ampochi i kamngo nai y, nichi i katu chanauchi ai deung thom deung palyh khrairei kapajeng ai, nanai adeu nai kamta kasa ai.