JOBA 1:8 - Khumi Common Language Bible

⁸ Areng my, “Khaileaung pri y hawi angym iy kai, Tameuh ai jei kaji nai, hawi y naira ai asyn ai pany nai khumi, kai i miseaung Joba kamta leaungrei py by y, nanai pany bo a?” napi.

JOBA 1:8 ပူးပေါင်းရင်းမြစ်များ

2 ARENG KEH 23:25

Vaichi khala y, samrang Joseah kamta Mosi i Reita leu pei nai bawibawichi sa patawm iy, paleung, phailo hawi verei, ham parai naimy Areng ai chiu nai keung, samrang leaungrei py awm vai y leang. Ni bo y py awm ai ny y.

NEHEMIA 5:15

Kai ny y rai khala i peang nai samrang i bangtang kalenchi ly mipuichi ai myn ji hai bo. Nichi teng i cha nei vawn hawi kreip hang i vui kanirei y tangka chang vui palyhrei hnei nai ne. Huni samrang i bangtang kalenchi i miseaungchi malawn py, mipuichi ai pahyp y naimy ana u bo. Na i py kai ly Tameuh ai jei kaji naimy tahm khai nai deaungkho y, huna nai kamta kaso y.

JOBA 1:1

Uz pri y Joba napi nai khumi leaungrei awm; ni ly hawi naira angym i, Tameuh ai jei kaji nai khumi, hawi y naira asyn ai nai pany nai khumi ne.

JOBA 12:4

Vai ly kai i ahawi ka-dawichi my malawn py, kai ai ang panui hai bo. Kai ly hawi nai ne iy, kamngo by y nai khumi lawm i py, kai ai nichi my panui hai. Na i py vaichi khala, Tameuh ly kai i chiu sa hnei takeng nai ang tangai pi reng nai ne.

JOBA 2:1

Areng i mo y kani pri mang ichi, ahihawi nai neng kani tym bi nai khala, setan py nichi hawi vanrei abawi teang bi nai ne.

JOBA 2:3

Areng my, “Khaileaung pri y hawi angym iy kai, Tameuh ai jei kaji naimy hawi y naira asyn ai nai pany nai khumi, kai i miseaung Joba kamta leaungrei py by y, nanai pany bo a? Nang ly ni i vui hawi y ai nai atyhtyh naimy kai teng y takeng. Na i py Joba ly ka-ym awm tleaung awmra bo,” napi.

JOBA 34:14

Tameuh my hengra la pi vui lawh teu baly,

JOBA 8:20

Na i py Tameuh ly mymy tlang tleaung y ka-ym awm naichi ai, mana khala py khai su ai ny y. Khumi hawi y naichi ai ly mana khala py sabawm ai ny y.

SAM 18:23

Kai ly kamngo by y nai khumi ne, nanai py, hawi y naira y amkyn nai py, mymy pany nai ne.

SAM 34:14

Hawi y nai ai en vui iy, hawi nai so u; tlamsa naira nga ai nai ham parai naimy atho so u.

SAM 36:1

Khumi hawi y nai i paleung theung y kamngo my ly kamsyh y dawn pasym pi bo. Huni khumi ly Tameuh ai khai su reng; mymy ai py jei vai y,

SAM 37:27

Hawi y nai ai en vui iy kahawi phai so; hunaibaly nang i katu chanauchi ly pri y awm ai nai nga u jojo ai.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

SAM 89:20

Kai i miseaung Davida ai asitui leih iy, kaimy samrang kapalyn nai ne.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

ISAIA 1:16

Nangchi i paleung chai pa-rei so u. Kai i mo y nangchi i sa tamang naichi anawn u. Hawi y sa naichi anawn iy

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

Ezekiela 40:4

Mymy ly kai teng y, “Nang khumicho awi, khen kalingie; nang ai kang thui pi nai ly hawihai tangai ly kaimy patei nai ngierei hawihai palai dawn kheng ba. Ati mana nai mo na baly kai ly nang ai hunichi patei ai nai, hini meingtym y kanghawi nai ne. Nang ly Israela chengchi teng y nangmy i niu nai saichi thui pi ai nai tla ai,” napi.

Kati Nai 12:3

(Mosi ly paleung apanem nai khumi ne; khaileaung pri y ni kamta paleung apanem nai khumi ami py by y.)

JOHAN 1:47

Isu ly Nathanaela ni teng y jeu ai tau nai niu i, “Khen cham, Israela khumi meitang, tapawp nai paleung den py by y nai ho,” nanai ni i satang thui pi.

JOSUA 1:2

“Kai i miseaung Mosi ly dei bo. Nang hawi Israela cheng bawibawichi ly Jordan tavo angpeang u iy, kaimy kang pei ai nai pri theung y kun ai nai vaimy angvei u rym.

JOSUA 1:7

Atho sa iy vam parai naimy awm ba. Kai i miseaung Mosi my pei nai reita bawibawichi ai takhawi y naimy kry ba. Reita leu pei nai ngierei ai ati sai py takhawi y naimy kry baly, nang ly nangmy dawn nai kamta eaung ai.