JOBA 1:6 - Khumi Common Language Bible

⁶ Tameuh i mo y kani pri mang ichiahihawi nai neng kani tym nai khala, setanpy nichi hawi vanrei abawi teang.

JOBA 1:6 ပူးပေါင်းရင်းမြစ်များ

ATITI AWM ANGCHEI NAI 6:2

Kanicho phyreichi lyanglo hawi nai sai niu i, mychi ngai nai ngierei ai ly pom u bo.

ATITI AWM ANGCHEI NAI 6:4

Huni neng khala y hawi kangkhym i neng khala py, kanichochi hawi khaileaung i khumi neampachychi apom iy tapen nai kangpreangchi ly khumi py len, atho py awm; jangni i amyn amthang nai sorai theu nai khumichi ne.

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

1 NENG SATANG 21:1

Setan ly Israela khumichi ai patang hai ai ngai nai deaungkho y, Davida ai khumi amyn vuikanai la ai nai dawn hai bo.

2 NENG SATANG 18:20

Kangkhym y phailo harei ly Areng i mo y jeu iy, “Hini khumi ai kaimy li-tapawp ai,’ napi. Areng my, ‘Mana tapawp ai mo?,’ nanai deng baly

JOBA 2:1

Areng i mo y kani pri mang ichi, ahihawi nai neng kani tym bi nai khala, setan py nichi hawi vanrei abawi teang bi nai ne.

JOBA 2:3

Areng my, “Khaileaung pri y hawi angym iy kai, Tameuh ai jei kaji naimy hawi y naira asyn ai nai pany nai khumi, kai i miseaung Joba kamta leaungrei py by y, nanai pany bo a? Nang ly ni i vui hawi y ai nai atyhtyh naimy kai teng y takeng. Na i py Joba ly ka-ym awm tleaung awmra bo,” napi.

JOBA 38:7

Huni kani khutawimo neng khala, ka-sichi ly khulym raawi kangngeng thui u bo. Kani pri mang ichi py, amo theu parai naimy palo u.

SAM 103:20

Sa thai naira haiho len parai iy, mymy i leu pei naichi sa patawm nai, mymy i leu tangai nai kani pri amtaw thauchi awi, Areng ai palo u!

DANIELA 3:25

Samrang my, “Huna baly mai theung y khumi leaung palyhreichi aleaung nai ati mana kaniu lawh mo? Nichi ai kawm cheng nai py by y, nichi ai maimy kang nai py amny y. Huni bo i palyh i nai khumi ly angel hawi atawm,” napi.

ZEKHARIAH 3:1

Areng i kani pri amtaw thau nai mo y pathyp pi nai keung kalen keh Josua angdo nai ai, takhra paleung mei niu naira y Areng my patei pi bo. Naibaly Josua i sahawi y setanangdo. Ni ly Josua ai thui tamawn ai nai angvei yb bo.

MATTHAI 18:10

“Hini khumi theangchichy naichi theung y leaungrei ai pate y ai nai amkym u; nichi i kani pri i amtaw thau naichi my ly kani pri mang i Ngaai i meimai ly niu u jojo, nanai kang thui pi nai bo he.

LUKA 22:31

“Simon, Simon, khen cham, setan my choh alai nai kamta alai thai ai nai nangchi ai ang hnei na a;

LUKA 3:38

huni ly Kainan i chapo ne, huni ly Enosh i chapo ne, huni ly Setha i chapo ne, huni ly Adam i chapo ne, huni ly Tameuh i chapo ne.

JOHAN 6:70

Isu my nichi teng y, “Nangchi holai nyhreichi ai ly kaimy kang vawi nai ny y a? Nangchi theung i leaungrei ly vawinam ne ryp,” nanai pathang.