JOBA 1:3 - Khumi Common Language Bible

³ Ni ly beram sang saryhrei, kula-iu sang thomrei, si paino sangrei hawi keaungngo kano kasau chungvai pangrei py nang nai ne. Miseaung neangneang py awm i, ni ly nisi pri verei y nangkeh nai khumi ne.

JOBA 1:3 ပူးပေါင်းရင်းမြစ်များ

ATITI AWM ANGCHEI NAI 12:16

Sarai i saho y samrang my Abram ai ly hawihai kry iy, kula-iuchi, mi-ichi, miseaungchi, keaungngo kano kasauchi, sichi, beramchi pei pi nai ne.

ATITI AWM ANGCHEI NAI 12:5

Abram ly aju Sarai ai py, amnau i chapo Lota ai py, nang nai yhmtheaung katuichi py, Haran y awm nai thym khala i nga nai miseaungchi py hawi iy, Kanan pri mang y tako u i tym u bo.

ATITI AWM ANGCHEI NAI 13:6

Hunai deaungkho y nini ly tawnbawi neangneang awm i, vanrei awm hawi ai nai sui tlaira meingtym akeaung y bo.

ATITI AWM ANGCHEI NAI 24:35

“Areng my kai i yhmkeung ai khri pa-rei amtheaung hai i, mymy ly nang chawn bo. Areng my ni ai ly beram kanghu, mi-i kanghu, muku, tangka, miseaung neampacho neampachy, kula-iu hawi keaungngo kano kasauchi amtheaung hai nai ne.

ATITI AWM ANGCHEI NAI 25:6

na i py mymy heng nai thym y aju takhrachi i tapen nai chapochi ai py yhmtheaung paji sei iy mymy i chapo Isaka hawi kamlo parai nai, nisi pri mang y pato pawn nai ne.

ATITI AWM ANGCHEI NAI 29:1

Jakob ly nisi pri mang y tako veangveang nai ne.

ATITI AWM ANGCHEI NAI 34:23

Nichi ai achi hawi vanrei awm hai ai nai ngai baly, nichi i tawnbawichi hawi yhmtheaung katuichi py achi i ne y a? Hunai deaungkho y nichi ly achi hawi vanrei awm thai ai nai achi ngai u sina,” napi.

2 SAMUELA 12:2

Khumi kanang teng y ly si hawi beram neangneang awm.

1 ARENG KEH 4:30

Solomon ly nisi mang i khumi kachengchi hawi Aikupta pri i khumi kachengchi tleaung y py cheng.

2 ARENG KEH 15:20

Menahem ly huna nai pei pajau ai nai Israela kanangchi teng i, leaungrei y tangka chang vuipangrei cheaung nai ne. Naibaly Tiklath Pilesa ly mymy i pri mang y vawi teang bo.

2 ARENG KEH 3:4

Moba samrang Mesha ly saneng tleirei Israela samrang teng y beramcho 100,000 rei hawi beram 100,000 rei ra i nga nai beram muichi ai kahm pei reng nai ne.

2 NENG SATANG 26:10

Samrang ly nidym mang mawi kheutangra awm nai mawi tangbiuchi hawi, angdymchira y si kanghuchi khawn nai deaungkho y, daichi ka-vymra i marychi ai angdeangrachi hawi vanrei apai tapang iy, tuikan neangneang tai u. Samrang ly li hlau sa ai nai paleung apei nai deaungkho y, mawi aheungchira y kreip akho sa naichi hawi khaileaung kahawichira y li, hlau sa naichi ai atho pei nai ne.

2 NENG SATANG 32:29

Areng ly ni ai hunichi bo y si, beramchi hawi takhra yhmtheaung katui neangneangchi py pei pi nai deaungkho y, ni ly mary neangneangchi palum bo.

JOBA 1:10

Nang ly ni hawi ni i yhm dengtheungchi ai py, ni i nang nai yhmtheaung katuichi ai py ama hai iy kry pi bo. Ni i sa nai ngiereichi ai amtheaung hai i, si painochi py kati leila pajau y na pa-rei, neangneang peung hai bo.

JOBA 1:4

Joba i chapochi ly akachu u iy, cha nei pawi kamki sa i, mychi i tuicho leaung thomrei ai py, huna nai pawira y jeu ai nai avawrei palau u reng nai ne.

JOBA 21:28

Nangchi my, “Huni kyh keh nai khumi hawi y nai i yhm ly vai, ma y awm mo?,” nanai deng u.

JOBA 29:25

Kai ly nichi i vui ka-vo sa pi iy, leu pacheang pi bo. Amy i tavaimichi ai lu sa lam patei pi nai samrang kamta, kai ly nichi ai lu sa iy lam patei pi bo. Nichi paleung phra atho di nai khala, kai ly nichi ai paleung pahawi pi nai ne.

JOBA 31:25

Yhmtheaung katui nang mang nai molam py, amlyh am-e vai y.

JOBA 31:37

Kai ly kaimy i sa nai leaungsai ngiereichi ai Tameuh teng y pany hai iy, mymy i mo y lu dengtheang ai.

JOBA 42:10

Huna nai Joba ly my i ahawi leaung thomrei i vui chiu sa pi chum nai khala, Areng ly ni ai nang chawn hai teang i, vaichi khala i tleaung y phy nyhrei, yhmtheaung katuichi pei pi nai ne.

JOBA 42:12

Areng ly Joba i heng nai deung, angchei i neng khala amtheaung hai nai tleaung y, pa-nyh i neng khala amtheaung hai keh. Joba ly beram 14,000, kula-iu 6,000, si paino 2,000, keaungngo kano kasau 1,000 rei nang nai ne.

LEU KACHENG 10:22

Areng i amtheaung hai nai saho y, nang ly nang chawn nai ne. Nang i angjeng atyp naimy ly huni tleaung y nang hai pajau y leang.

JEREMIA 49:28

Areng ly Babulon samrang Nebukhadnezar my tiu iy pajau vui nai Keda cheng theaungchi hawi Hazor prichi molam y, “Keda cheng theaungchi teng y chei iy tiu u. Huni nisi mang i cheng theaungchi ai tamyh u!

Kati Nai 23:7

Naibaly Balam ly hina nai kamta amo leu thui pi nai ne: “Moba pri samrang Balek my Suria pri nisi mang i mawi aheungchi dengdairei kai ai ang palau bo. Samrang my, ‘jeu ly Jakob i kangpreangchi ai pasawi ba,’ ‘jeu ly Israela chengchi ai thui tamawn ba,’ ang napi.

TARA CHIH NAI KEUNGCHI 6:3

Israela chengchi i amti amjang pati nai tleirei y, Midian chengchi ly Amalek chengchi, khutaha pri y awm nai khumi chengchi hawi vanrei jeu iy, tiu u reng nai ne.

TARA CHIH NAI KEUNGCHI 6:5

Nichi ly mychi i kanih yhmchi, beramchi, sichi hawi vawi u ali teang reng nai ne. Nichi i nawi nai sai ly akhutama kanghuchi kamta ne. Nichi hawi mychi i kula-iuchi py, kati pajau y na pa-rei nawi na; nichi ly jeu u iy awm nai ngierei ai taphra u.

TARA CHIH NAI KEUNGCHI 7:12

Midian chengchi, Amalek chengchi hawi, khutaha daichi ka-vymra y awm nai khumichi ly akhutama kanghuchi kamta, leaunghawira y i u bo. Nichi i kula-iuchi ly pangli peang y awm nai spryh jirei nawi nai ne.

TARA CHIH NAI KEUNGCHI 8:10

Zeba hawi Zalmuna ly my ni i tavaimichi hawi vanrei, Kakor mary y awm u bo. Daichi ka-vym y awm nai, nichi i tavaimi kamkawm pui theung i leaung 120,000 rei dei iy, leaung 150,00 rei awm khyh bo.

1 SAMUELA 25:2

Kaleb nupai theung i Mona mary y awm nai Nabala napi nai khumi leaungrei awm; ni ly Karamela mary sahawi y awm nai khumi kanang ne. Ni ly beram 3,000 rei hawi mi-i 1,000 rei awm nai deaungkho y, khri pa-rei nang nai khumi ne. Ni i aju Abikaila ly mo-cha hawi i, tau cheng nai neampachy ne. Nabala ly paleung akhum iy, amangrang nai khumi ne. Nabala ly Karamela mary y, beram mui vau naimy awm.

1 SAMUELA 27:9

Davida ly huni khumichi ai neampacho, neampachy takhawi y naimy padei chauchau i, beram, si, keaungngo kano kasau, kula-iuchi hawi baichu ateaung alangchi la pi pawn iy, Akhisa teng y vawi u ali teang reng nai ne.