JOBA 1:1 - Khumi Common Language Bible

¹ Uz pri y Joba napi nai khumi leaungrei awm; ni ly hawi naira angym i, Tameuh ai jei kaji nai khumi, hawi y naira asyn ai nai pany nai khumi ne.

JOBA 1:1 ပူးပေါင်းရင်းမြစ်များ

ATITI AWM ANGCHEI NAI 10:23

Aram i kangpreangchi ly Uz, Hula, Kether hawi Mesekachi ne.

ATITI AWM ANGCHEI NAI 17:1

Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.

ATITI AWM ANGCHEI NAI 22:12

Kani pri amtaw thai naimy, “Deaungdi cho ai no pei moh; ni ai ati sai py so hai moh. Vai nang ly Tameuh i leu tangai, tahm py khai, nanai kang pany bo. Ati mana nai mo nabaly nang ly nangmy i chapo leaungrei awm khyh nai ai pasai y nai deaungkho y ne,” napi.

ATITI AWM ANGCHEI NAI 36:28

Disan ly Uz hawi Aran nupaichi i amsi pajo ne.

ATITI AWM ANGCHEI NAI 42:18

Pa-thom kani y Josepha my nichi teng y, “Kai py Tameuh ai jei iy tahm khai nai khumi ne; naibaly hina nai sa baly nangchi lawira nga ai nai kang sa pi ai.

ATITI AWM ANGCHEI NAI 6:9

Hini ly Nova i satang ne. Nova ly Sema, Hama, Japheth napi nai chapo leaung thomrei awm. Ni ly kamngo by y iy, huni deung i khumi bawibawichi theung y ni leaungrei naini khumi kahawi ne. Ni ly Tameuh hawi amkawm iy heng bo.

2 ARENG KEH 20:3

“Aw Areng, kai ly nang i kalop ai ka-ym awm naimy sa. Nangmy sa hai ai ngai nai kamta sa nai ai pany pi ba,” nanai chiu sa iy khri pa-rei vo bo.

1 NENG SATANG 1:17

Shem i chapochi, napi nai Elam, Ashura, Apashad, Luda, Aram, Uz, Hula, Kether hawi Meshechi ly mychi i amyn pathi nai chengchi i amsi pajochi ne.

JOBA 1:8

Areng my, “Khaileaung pri y hawi angym iy kai, Tameuh ai jei kaji nai, hawi y naira ai asyn ai pany nai khumi, kai i miseaung Joba kamta leaungrei py by y, nanai pany bo a?” napi.

JOBA 2:3

Areng my, “Khaileaung pri y hawi angym iy kai, Tameuh ai jei kaji naimy hawi y naira asyn ai nai pany nai khumi, kai i miseaung Joba kamta leaungrei py by y, nanai pany bo a? Nang ly ni i vui hawi y ai nai atyhtyh naimy kai teng y takeng. Na i py Joba ly ka-ym awm tleaung awmra bo,” napi.

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

JOBA 4:6

Nang ly Tameuh ai chiu naimy ahihawi iy, kamngo thui bira by y na pa-rei, awm nai khumi ne nai deaungkho y, nang i paleung theung y ym iy, athang khai thai nai ka-dawn awm ai avo nai ne.

JOBA 9:21

Kai ly kamngo by y nai khumi ne; na i py kai ly ati sai py dawndan y leang bo. Heng nai sai ai kapaleih na. Ati sai py aly len y leang bo. Kamngo awm nai py ne sy, kamngo by y nai py ne sy, achi ai Tameuh my taphra pawn ai.

THEU NAI 18:21

Huni bo y nang ly khumi leaung sangrei kamkawm, leaung chungvairei kamkawm, leaung vui pangrei kamkawm, leaung horei kamkawmchi ai lu sa pajau nai khumichi ai vawi takhra; huni khumichi ly Tameuh ai jei kaji iy, ka-ym awm nai, un cho y naichi lawm ai nai tla.

LEU KACHENG 14:16

Khumi kachengchi ly tau awm i, ka-jeira ai en vui reng; na i py khumi hawi y naichi ly dawndan y naimy sa tamangtang reng.

LEU KACHENG 14:2

Neaung hawi nai khumi ly Areng ai tahm khai nai khumi ne; neaung hawi y nai khumi ly mymy ai mei aniu y nai khumi ne.

LEU KACHENG 16:17

Khumi kahawichi ly hawi y naira lam mang y tako vai y; na i py amy i tako ai nai lam dawn ryhpatyh nai khumi ly mymy tlang ai akry nai ne.

LEU KACHENG 16:6

Ka-ymra leu meitang ai tahm khai nai khumi ly kamngo pahenra nga ai. Areng ai jei kaji nai khumi ly hawi y nai ai en vui reng nai ne.

LEU KACHENG 20:7

Neaung hawi nai ly kateng sa reng. Ni i katu chanauchi ly taham hawi.

LEU KACHENG 3:7

Nang ly nangmy i cheng naira y paleung len moh. Areng i leu ai tangai iy, teng y naira y ly en vui ba.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

TANGAM NAI LEU 4:21

Edom pri hawi Uz pri y awm nai khumichi awi, panui u; nangchi amo theu pajau nai neng y, amo theu naimy awm u. Nangchi avum ai nai patang nairachi py, ang tym ai mang; nang py ateaung by y naimy atlym khikha iy, kangji nga ai.

Ezekiela 14:14

Huni pri y Nova, Daniela hawi Joba nichi leaung thomrei awm u lawh teu i py, nichi i hawi naira my nichi ai naini atleu iy takhra khumichi ai ly atleu pajau ai ny y,” napi. Hini ly sa thai naira awm nai Areng i thui nai leu ne.

Ezekiela 14:20

sa thai naira angym nai kai, Areng ly sa khyp nai Tameuh kangheng ne nai deaungkho y, Nova, Daniela hawi Joba nichi leaung thomrei ly huni pri y awm teu i py, nichi ly mymychi i cho chanauchi ai malawn py atleu u pajau ai ny y; mymychi i hawi naira my naini mychi ai atleu u pajau ai,” napi.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

Leu Thui Nai 18:13

Nangchi ly Areng ai paleung hawi verei ym u,” napi.

JAKOB 5:11

Khen cham achi ly kham pajau tanga nai keungchi ly tahm hawi, napi. Joba kham pajau nai sai py nangchi thai u bo, naibaly Areng i kangkhym y sa nai sai py nangchi niu u bo, Areng ly pahen naira hawi neaung hawi naira my kawi.

I PETERA 3:11

Kamngo ai hi veng iy atiti kahawi so sy; Aly naira hau iy hui veangveang sy.