JEREMIA 9:24 - Khumi Common Language Bible

²⁴ Amlyh am-e ai ngai nai khumi leaung leaungrei awm lawh teu baly, huni khumi ly kai i satang pany naira naini amlyh am-e ai nai tla. Ati mana nai mo nabaly kai i tamen naira ly khaw parai iy, kai i sa nai kalop ly adyh adawi naira hawi, kahawi sa naira awm nai deaungkho y ne. Hini kalopchi ly kai i kangai ne. Hini ly kai Areng i thui nai leu ne,” napi.

JEREMIA 9:24 ပူးပေါင်းရင်းမြစ်များ

SAM 20:7

Phyrei khumichi ly mychi i tavai ka-ri hawi keaungngochi ai a-ym u. Na i py achi ly achi i Areng Tameuh ai a-ym u nai ne.

SAM 34:2

Kai ly mymy i sa nai leaungsaichi molam y mymy ai palo ai; Ana naira avum nai khumi bawibawichi ly thai iy, amo theu u sy.

SAM 34:3

Areng i nang parai nai ai, kai hawi vanrei aeu u; achi ly mymy i amyn vanrei palo u sina.

SAM 44:8

Kaichi ly nang ai palo jojo iy, kawn naimy deungtasarei palo ai.

SAM 44:9

Na i py vai ly nangmy kaichi ai khai su iy sum hai bo. kaichi i tavaimi kamkawmchi hawi vanrei, tavai thau hai y bo.

SAM 51:1

Aw Tameuh, nang i khaw parai nai tamen naira hawimy kai ai pahen kyh ba. Khri pa-rei pahen naira len parai nai hawimy kai i kamngochi palawi pi kyh ba!

SAM 91:14

Tameuh my, “Kai ai tamen nai khumichi ai kaimy atleu ai; kai ai Areng ne, nanai pany nai khumichi ai ly kaimy ama hai ai.

SAM 99:4

Sa thai naira len parai nai samrang awi, nang ly kateng lam ai khrei; nang ly Israela pri y leu meitang kawi hai; kateng lam hawi leu meitang ai khaw hai nai ne.

ISAIA 20:5

Ethiopia pri ai ym iy, Aikupta pri satang kamlyh leu katheu u nai khumichi ly athang khai naira tama ai i, paleung phra u ai.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 45:25

Kai, Areng ly Jakob i kangpreangchi ai atleu ai. Nichi py kai ai palo u ai.

ISAIA 61:8

Areng my, “Kai ly leu meitang adyh adawi nai ai kawn, lawm nai hawi pahyp y naimy ana nai ai ly niu ngai y. Kai i khumichi teng y ka-ym awm nai kawn vang pei ai Nichi hawi py deungtasarei leu maikawm asa ai.

JEREMIA 22:16

Ni ly khumi kamawnchi i ka-jo ka-thui padyh padawi pi nai deaungkho y, atitichira py aly naira nga bo. Hini ly Areng ai pany naira i hawi naira ne.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

ROM AVANGCHI TENG Y PAWLA I CHA PA NAI 5:11

Huni khyh py ny y leang, vai aly naira ang nga hai nai keung achi i Areng Isu Krista i saho y achi ly Tameuh y kawn teang nai ne.

I KORINTH 1:31

hunaibaly tajiu nai kamta ly, “Amlyh nai ngierei ly Areng y amlyh u sy,” nanai ne.

II KORINTH 10:17

Na i py amlyh nai ngierei ly Areng y amlyh sy. Amymy ai kahawi athui nai khumi ly palo naira ngo y leang;

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

KALATIA 6:14

Na i py kai naini achi i Areng Isu Krista i kraws ai ny y baly kai i amlyh ai naira awm moh sy, huni i saho y ly khaileaung pri ly kai i vui tahen nai awm bo, kai py khaileaung pri i vui y tahen nai kaawm teang nai ne.

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

1 SAMUELA 15:22

Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.