JEREMIA 8:6 - Khumi Common Language Bible

⁶ Kai ly hawihai palai katangai pi teu i py, nangchi ly leu meitang katheu u y. Nangchi theung y ami py nangmychi i hawi y nai molam y paleung mawn u y. ‘Kai ly ati hawi y nai kasa lawh mo?’ nanai ami py deng u y. Tavai keung y athorei my angpreng nai keaungngo kamta, khumi luteng ly amy ngai ngai sa u lawh.

JEREMIA 8:6 ပူးပေါင်းရင်းမြစ်များ

JOBA 10:2

Aw Tameuh, kai i kamngo pajeng moh kyh ba. Kai i kamngo nai sai thui pi kyh ba.

JOBA 34:31

Joba awi, nang ly amy i kamngochi, Tameuh teng y uikheih naimy amti pi iy, mo mang y kamngo so bi y ai nai adeu chum bo a?

JOBA 34:32

Nang i tamang naichi pany hai ai nai, Tameuh teng y amti pi bo a? Nang ly sa tamang bi ai ny y leang bo, nanai thui pi chum bo a?

SAM 14:2

Areng ly khumi kachengchi hawi mymy ai chiu nai khumichi awm mo, by y mo, nanai pany ai nai kani pri mang dengdairei khumichi ai khen kathiu bo.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 57:17

Kai ly nichi i kamngochi hawi, ngaiphi ala naichi molam y kado theu nai, nichi ai kapajeng iy, nichi teng i nai hi pi veng bo. Na i py nichi ly paleung tang naimy, mychi i kangai sa u veangveang nai ne.

ISAIA 59:16

Ana naira avum nai khumichi ai atleu ai nai khumi by y nai py niu i, lyh parai nai ne. Hunai deaungkho y mymy ly nichi ai sa thai naira hawi atleu iy, mymy i hawi nai saho y eaung naira nga u ai.

JEREMIA 23:25

‘Kai amang amang, kai amang amang,’ nanai mychi i amang mang y kai i leu pei nai thai, nanai kai i amyn y ka-chawi thui nai amochi i leu kai pany.

JEREMIA 3:5

Nang ly kado theu hai jojo y leang. Kai i tlang tleaung y deungrei kado theu hai ai ny y,’ nanai thui bo. Aw Israela, nang ly hina nai thui teu i py, amy sa thai nai ryrei hawi y naichi sa bo,” napi.

JEREMIA 5:1

Jerusalem mary i khumichi awi, nangmychi i lamchira y chei u! Tengpang sahawi y hau u! Adawn pasym u! Seng mang y chei iy hau u! Kahawi sa nai khumi, Tameuh i tlang tleaung y ka-ym awm ai nai atho sa nai khumi leaungrei niu pajau na a? Huni khumi ai nang avum lawh teu baly, Areng ly Jerusalem mary i kamngo lawi hai ai.

Ezekiela 18:28

Ni ly mymy i tamang nai adawn vau iy kamngo sa naichi khai su nai deaungkho y, pipi dei ai ny y, heng jojo ai.

Ezekiela 22:30

Kai ly kaimy i khumichi awm nai pri y kado theu nai hawimy taphra ai nai tau nai khala, huni pri y lengseaung apai tapang pajau nai keung hawi, mary apai sa naira y angdo iy amtang pajau nai keung ai kahau cham bo. Na i py leaungrei ai py avum y.

DANIELA 9:11

Israela cheng verei malawn py nang i reitachi ai tangai y i, leu pei naichi khai u su bo. Kaichi ly nang i tlang tleaung y kamngo sa u nai ne i, nang i miseaung Mosi i reita theung y tajiu nai vainengchi ly kaichi teng y lawi hai bo.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

ZEPHANIAH 3:7

Huni neng khala kai i khumichi ly kai ai jei kaji naimy tahm khai iy, kai i pei nai reita tanga u ai, nanai py, kai i parip naichi ai mana khala py tami u ai ny y, nanai py kai athang khai. Na i py nichi ly avaw avawrei, hawi y nai kalop ai sa tleaung sa u ra nai ne.

HAKAI 1:5

Ati mana mo, nanai nangchi niu y nai sai a?

HAKAI 1:7

Ati mana nai y hina nai tym nai mo, nanai nangchi niu u y nai sai a?

MALAKHI 3:16

Naibaly Areng ai jei kaji naimy tahm khai nai khumichi, mychi tengtawi arum u nai leuchi ai Areng ly tangai nai deaungkho y thai bo. Areng ly mymy ai jei kaji naimy tahm khai nai khumichi i amynchi ai, mymy mo i cha-iura y tajiu typ bo.

II PETERA 3:9

Phyreichi ly dawndan y nai dawn nai kamta Areng ly mymy i leu adeu naira molam y ly dawndan y nai ny y leang; ami ai py tama hai ai nai ngai y i, khumi bawibawichi uikhei ai nai ngai nai, nangmychi ai ang kham pi nai teu.

AMTENG HAI NAI 9:20

Naibaly huni patang hai naira y padei nai kamthomchi ly vawinamchi hawi, muku mynchi hawi, tangka mynchi hawi kheupaja mynchi hawi, lengseaung mynchi hawi, dengkeaung mynchi hawi, niu py niu thai y nai, thai py thai y nai, tako py tako thai y naichi ai chiu u y ai nai, mychi i kiu y atiti sa naichi uikhei nai by y leang: