JEREMIA 6:28 - Khumi Common Language Bible

²⁸ Nichi bawibawi ly paleung tang nai langmeang thau naichi ne. Nichi ly kheupaja hawi tamo kamta tang u nai ne. Nichi ly aki aleaung iy leu pakei u reng nai, khumi hawi y naichi ne.

JEREMIA 6:28 ပူးပေါင်းရင်းမြစ်များ

SAM 14:1

Khumi ka-khumchi my, “Tameuh by y,” nanai dawn iy athang khai u nai ne. Nichi bawibawi ly sa nai sai hawi y i, amso ngai nairachi sa u; kahawi sa nai khumi leaungrei py by y.

SAM 50:20

Amy i amjo amnau kypkyp ai malawn py thui tamawn reng nai ne.

LEU KACHENG 10:18

Amy i niu ngai y nai paleung apha vui nai khumi ly ka-chawi thui nai khumi ne. Thui preaung reng nai khumi ly khumi ka-khum ne.

ISAIA 31:6

Areng my, “Aw Israela chengchi awi, nangchi ly kai i tlang tleaung y kamngo sa iy, ka-awi sa u. Na i py vai, kai teng y ali u teang jau!

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

JEREMIA 5:23

Na i py nangchi khumi mipuichi awi, nangchi ly paleung tang iy tiu ai nai lam amphri vui i, kai teng i nai theu u veng bo.

JEREMIA 6:30

Kai, Areng ly nichi ai khai su bo. Hunai deaungkho y nichi ai tangka chang ei, nanai palau ai,” napi.

JEREMIA 7:28

Nichi ly mychi i Areng Tameuh i leu tangai u i, pajeng naira avum nai y, amtiu naira nga ai nai khumi cheng ny y, nanai nichi teng y thui pi. Leu meitang ly tama veng bo. Leu kateng katheu u y leang bo.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

JEREMIA 9:4

Khumi luteng ly amychi i ahawi ka-dawichi ai amkyn ai nai tla. Ami mi py amy i amjo amnau ai ym ai nai aso y. Ati mana nai mo nabaly amjo amnau ne i py Jakob kamta tapawp iy Khumichi ly amy i ahawi ka-dawichi ai thui tamawn u reng nai deaungkho y ne.

Ezekiela 2:7

Nichi tangai i py ne sy, tangai y i py ne sy, kai i leu pei nai ngiereichi thui pi ai nai tla. Nichi ly atiu ham, nanai pany jo ba.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

Levi 14:43

Huni yhm i lengseaungchi kheaung iy angpangchi hi nai, angkadeng kangthachi pajui bi nai bo y, yhmsavi chawp taleang bi lawh baly,

Levi 19:16

Ami kangji nga ai nai leu ly ahei hai reng moh. Dei ai ataing nanai pa-rei tamang nai khumi ai tara chih nai thym khala, huni khumi mang y asa hai pajau nai pany naira awm lawh baly, apha y naimy pany hai pi ai nai tla. Kai ly Areng ne.

AMTENG HAI NAI 11:18

Naibaly chengchi ly kado theu u i, nang i kado theu nai ly tym teang; naibaly kadeichi ai tara chih ai nai hawi, nang i miseaung amochi teng y hawi, khumi kachaichi teng y hawi, nang i amyn tahm khai nai khumi katheang kalenchi teng y py mychi i kawn nai vang pei ai nai hawi, khaileaung pri ai taphra nai keungchi ai taphra ali teang ai nai neng ly ang tym bo,” nanai Tameuh ai chiu bo.

AMTENG HAI NAI 19:2

mymy i tara chih nai ngierei ly teng py teng, hawi py hawi; mymy ly neampchy kamleaung keh nai, ni i angai naira deaungkho y khaileaung pri ai kalu piupa nai keung ai ly tara chih iy, ni i kiu y mymy i miseaungchi i thi kavui y vawitheung tha pi bo,” napi nai kathai.