JEREMIA 6:26 - Khumi Common Language Bible

²⁶ Areng my mymy i khumichi teng y, “Nangchi ly paisiu akhiu iy maidym theung y jawn y tlawntlai; chanau leaungrei dei keng nai molam y vo tangam nai kamta, paleung ama naimy vo u. Ati mana nai mo nabaly nangchi ai tamyh pawn ai nai keung ly vaimy ang jeu iy ang tiu praw ryp ai nai deaungkho y ne.

JEREMIA 6:26 ပူးပေါင်းရင်းမြစ်များ

ATITI AWM ANGCHEI NAI 21:16

hlaurei ka-khanra y ateh nai tarawi y, mymy ai mymy naimy, “Deaungdi dei nai ly kai khen vam y,” nanai thui iy vo bo.

JOBA 15:21

Ni ly ka-jei awm nai raawichi thai naimy, phrumai by y leaung bo, nanai athang awm nai neng khala y, kangviu damrachi my tiu nai avum ai.

JOBA 2:8

Joba ly my i angvawichi tahu ai nai laawm phei la iy, maidym theung y ateh.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

ISAIA 22:4

Vai ly kai ai, kaimy tlairei khrikhri pa-rei kavo ai nai pei kyh. Kai i khumi neangneangchi ly dei u pawn lawh bo i, kai ai paleung pahawi ai nai atho so moh jau ba.

ISAIA 3:24

Nichi ly rimui kamui amseaung y naimy, kaveaung kamui amseaung ai. Apu parai nai khobaichi jeng y, vuinawnchi teaung u ai nai tla ai. Khen apu parai nai samteungchi jeng y, lu tabiuliu nai awm u ai. Apu parai nai ateaung alangchi jeng y, ateaung kamawnchi ateaung u ai nai tla ai. Nichi i khrei ai hawi parai nai areaung py, kangji awm nai mang y amtlau vui ai!

ISAIA 30:13

Nangchi ly kamngo pajeng ai ataing naichi ne. Nangchi ly akoprei nanai lengseaung apai ka-sang pui kamta, vaimy anawi u ai.

ISAIA 32:11

Nangchi ly paleung kabi paleung ka-mawn by y iy, paleung savairu naimy awm u bo. Na i py vai ly jei hyn naimy awm u! Nangchi i ateaungchi aleng iy akeng y kanih kamawnchi apam u.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

JEREMIA 14:17

Kai i paleung mawn nai sai khumichi teng y, hina nai thui pi ai nai Areng my leu pei nai ne. “Kai i meichi ly vum kani avaw y naimy, meikatui tlo na sy. Kai i chengchi ly khri pa-rei tamo kalem nga iy, khri pa-rei no patang nai deaungkho y, mana khala py vo nai anawn y naimy awm sy.

JEREMIA 15:8

Kai ly nangchi i neampachychi ai lumai lawm hai i, pangli spryh tleaung y py nawi bo. Kai ly deaungdichi ai hawi thym khala my kapadei pawn nai deaungkho y nichi i amhmchi ly vo tangam u bo. Nichi ly vaimy kaso theu u i, paleung bi, paleung mawn u nai ne.

JEREMIA 18:22

Nichi i yhm hlauchi ai lawm ai nai khrukhra hai nai khumi kanghuchi ai pato miu ba. Nichi ly jei hyn u naimy aeu u na sy. Nichi ly kai tla ai nai hum angawm tai u bo. Kai i vui deaung py pateung u bo.

JEREMIA 30:5

Areng my, “Kai ly jei naimy aeu nai raawi thai; huni raawi ly tlamsa nai raawi ny y; jei iy aeu nai raawi ne.

JEREMIA 4:11

Khutaha daichi ka-vymra i ali kabi ly aho ai, nanai Jerusalem mary i khumichi thai u nai neng kani ly ang tym ai. Huni ali ly choh ali pakheang ai nai aho nai ny y.

JEREMIA 4:20

Ka-jeira ly harei bo baly harei tym dudu nai ne. Pri verei py phra seaungkhrang naimy awm bo. Achi i taichi ly tlenrei khyhmy anawi pawn iy taira i kanih jang naichi py aseih piupa veng bo.

JEREMIA 4:8

Hunai deaungkho y paisiu akhiu iy vo tangam u. Ati mana nai mo nabaly Areng i khri pa-rei kado theu nai ly Juda pri mang y patyp jo rai nai deaungkho y ne.

JEREMIA 6:14

Nichi ly kai i khumichi i tamo kalemchi ai, tahm pateng pi y naimy hawi sa pi. ‘Ati mo ra py amsym y pui naimy, amsyn teu,’ napi u bo.

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

JEREMIA 8:21

Kai i chengchi ly tamyh naira avum u nai deaungkho y, kai i paleung ly phra piu veng bo. Kai ly vo tangam naimy khri pa-rei phailo seaung na bo.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

TANGAM NAI LEU 1:16

“Hunai deaungkho y kai i meichira i, mei katuichi leaung bo. Kai ai ami py awmnem naira pei pajau y. Ami py paleung atho ham pa-rei pei pajau y. Paleung ka-echi ly kaichi ai ang pajau u vui bo. Kai i khumichi teng y py, yhmtheaung katui ati sai py by y leaung bo.”

TANGAM NAI LEU 1:2

Ni ly vumtorei vo naimy awm; meikatui ly my i tangbeng y leaung na bo. Vaichi khala mymy i ahawi kamrawi bawibawichi theung y, ni ai awmnemra pei ai nai leaungrei py by y leang bo. Ni i amsawi amnai asa naichi py, atakai vui veng bo. Vai ly nichi my ni ai paleung ka-e khai u.

TANGAM NAI LEU 2:11

Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

TANGAM NAI LEU 3:16

Mymy ly kai i meimai khaileaung y ang kata iy, kai i hochi ai py lengseaung salo y patleu bo.

TANGAM NAI LEU 3:48

Kaichi i khumichi myh kang pawn nai deaungkho y, kaichi i mei theung i mei katuichi ly tavo tui kamta leaung na bo.

TANGAM NAI LEU 4:10

Kai i khumichi i avum nai khri pa-rei patang nai ly ka-jeira hawi parai nai ne. Tamen naira hawi pahen naira awm nai amhmchi malawn py, mychi i cho chanauchi ai byh iy cha u nai ne.

TANGAM NAI LEU 4:3

Kasuinu malawn py my i chochi ai kanu panei reng teu i py, kai i khumichi ly tavo kula-iuchi kamta, mymychi i cho chanauchi tlang tleaung y ana u bo.

TANGAM NAI LEU 4:6

Kai i khumichi ly Tameuh i kiu y vaimy phra seaungkhrang naira avum nai, Sodom mary tleaung y pajeng naira avum.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

JONA 3:6

Huni satang ai Ninevi samrang my thai nai khala y, samrang atehra i nai ang thau i, samrang ateaung aleng vui iy paisiu amchiu bo. Naibaly maidym theung y ateh nai ne.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

LUKA 7:12

Naibaly avang apai katheu ahawi y tym kha y khen cham, khumi kadei ai angjeaung nai theu, amhm i chapo leaungrei awm khyh nai ne, mymy ly neampachy lumai ne: naibaly avang i khumi neangneangchi ly mymy teng y awm teang.

JAKOB 4:9

Paleung mawn u ly, paleung si iy vo py vo u; nangchi i panui nai ly paleung mawn naira y lawn sy, nangchi i amo theu nai ly ngam naira y lawn sy.

JAKOB 5:1

Khumi kanangchi awi, khen cham, nangchi i tlang tleaung y ngari ang tym dudu nai deaungkho y vo py vo u ly, hang py hang u lengleang.