JEREMIA 6:17 - Khumi Common Language Bible

¹⁷ Baw eng iy pany hai nai katyn tangai ai nai Areng ly tamcheaungchi khai pi bo. Na i py nichi my, “Kaichi tangai ai nai ngai y,” napi u.

JEREMIA 6:17 ပူးပေါင်းရင်းမြစ်များ

ISAIA 21:11

Hini leu pei nai ly Edom pri i vui ne. Edom pri i khumi leaungrei my kai teng y, “Aw tamcheaung awi, dym tengsa kheih ai nai mana tanrei kra ai mo, mana khala y tem ai mo, nanai kai ai thui pi ba,” nanai aeu naimy deng bo.

ISAIA 56:10

Mymy ly “Kai i khumichi teng y pany hai yb ai avo nai khumichi napi nai, lu sa nai keungchi ly mei paju u pawn bo! Nichi ly ati sai py pany u y. Nang si y nai yhm typ uichi hawi atawm. Nichi ly i ham ala nai khumichi ne u lawh ly!

ISAIA 58:1

Areng my, “Baw katyn pajeng thai ryrei eng nai kamta aeu! Kai i khumichi teng y mychi i kamngo nai sai thui pi!

ISAIA 62:6

Aw Jerusalem mary, kai ly nang i mary apaichi salo y, tamcheaung risachi khai nai ne. Nichi ly vum kanithun, neng tleirei awm py thai ai ny y. Nichi ly Areng ai mymy i adeu nai leuchi pany jo ai nai sa ai. Mana khala py tami y ai nai pany hai pi ai.

JEREMIA 18:12

Huna nai khala nichi my, “Kaichi ly amtlau vui pajau y leang; ati mana nai amtlau vui ai mo? Kaichi ly kaimychi ngai ngai paleung tang naimy, hawi y nai kasa u ai,” nanai thui u ai.

JEREMIA 25:4

Areng ly mymy i miseaung amochi ai, nangchi teng y avaw avawrei ang pato pi teu i py, nangchi ly nichi i leu tangai u y, tahm py khai u y.

JEREMIA 6:18

Hunai deaungkho y Areng my, “Nangchi khumi cheng cheaungkhangchi awi, tangai u. Nangchi pany hai nai keung bawibawichi awi, kai i khumichi tlang tleaung y tym ai na khym taham si ai dawn u cham.

JEREMIA 7:28

Nichi ly mychi i Areng Tameuh i leu tangai u i, pajeng naira avum nai y, amtiu naira nga ai nai khumi cheng ny y, nanai nichi teng y thui pi. Leu meitang ly tama veng bo. Leu kateng katheu u y leang bo.

JEREMIA 8:5

Kai i khumichi awi, nangchi ly ati mana nai y kai teng i nai amphri vui iy jeu teang y lawh mo? Nangchi ly li-tapawp naira y paleung apei thleng nai deaungkho y, kai teng y ali teang ai nai akhi u bo.

Ezekiela 3:7

Na i py mani Israela khumichi ly nang i leu tangai u ai ny y. Nichi ly kai i leu ai malawn py tangai u ai ny y. Nichi bawibawi ly paleung tang iy leu atangai y nai khumichi ne.

HOSEA 8:1

Areng my, “Baw eng iy pany hai ba! Paleung ka-echi ly ahmtlau kamta, kai i pri y ang nih u bo! Kai i khumichi ly kai hawi asa nai Leu Maikawm ai taphra iy, kai i khumichi ly kai hawi reita ai khai u su bo.

HABAKKUK 2:1

Kai ly angdeangra chang salo y lyn iy ajeng naimy, Areng my kai i thui ai nai leu mana thui pi na mo, kai i amti pi nai ai mana pathang pi na mo, nanai ajeng ai.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

ZEKHARIAH 7:11

“Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.

HEBRAI 13:17

Nangchi ai peang nai keungchi i leu tangai u ly, nichi i ngaingai awm u; ati mana nai mo nabaly nichi ly mymychi i sa nai sai thui pi cham ai nai tla nai keung kamta, nangchi i phailo ai ang typ pi nai ne; huni ly paleung mawn nai tarawi y ny y naimy, amo theu nai tarawi y so u sy; huni ny y baly nangchi i vui kamran by y leang bo.