JEREMIA 52:27 - Khumi Common Language Bible

²⁷ samrang ly Hamath khu ka-peang Riblah mary y, nichi ai khyh pakhau iy padei hai bo. Hunai deaungkho y Juda khumichi ai ly langheng y palawn iy mymychi pri i nai hawi vui nai ne.

JEREMIA 52:27 ပူးပေါင်းရင်းမြစ်များ

2 SAMUELA 8:9

Davida my Hadadeza i tavaimi bawibawichi ai tiu i, pajau vui bo nanai Hamath samrang To-i thai bo.

2 ARENG KEH 17:20

Areng ly Israela cheng bawibawichi ai khai su bo. Nichi ai mymy mei ka-niu i nai patheu vui iy, ana pumpi nai paleung ka-echi kiu y au nanai pa-rei pajeng bo.

2 ARENG KEH 17:23

Naibaly Areng ly nichi ai, mymy i miseaung amochi dengdairei pany hai nai leu pei nai kamta, mymy mei ka-niu i nai patheu vui bo. Hunai deaungkho y Israela chengchi ly Asuria pri y pri pala nai avum u i, huni pri y vaini khrairei awm u nai ne.

2 ARENG KEH 23:27

Areng my, “Kai ly Israela pri y sa nai kamta Juda pri y py sa ai. Juda khumichi ai kaimy i mei ka-niu i nai, kapatheu vui ai. Kaimy vawi takhra nai Jerusalem mary hawi, kai ai chiu ai nai meingtym kapalawn nai Achura yhm malawn py, kaimy khai su ai,” napi.

ISAIA 24:3

Khaileaung ly ahei seaungkhrang naimy phra ai. Hini ly Areng i leu pei nai ne i, hina nai kamta lawm ai.

ISAIA 27:10

Khaw parai pa-rei apai tapang nai mary ly phra seaungkhrang nai ne. Huni mary ly khumi angso by y nai daichi ka-vym kamta, savai tlang na veng bo. Huni ly si, painochi teicha cha iy anawn nai sui tlai naira meingtym lawm bo.

ISAIA 43:28

Nangchi i samrangchi ly kai i Achura yhm y chai hai ynai ne. Hunai deaungkho y kai ly Israela pri ai phra hai iy, kai i khumichi ai kangji nga hai bo,” napi.

JEREMIA 13:19

Tokalawi mang i Juda marychi ai katanmeuh pawn veng bo. Nichi teng y ami py chei pajau y. Juda khumi bawibawichi ai patiu iy, pri pala naira avum u bo,” napi.

JEREMIA 20:4

Ati mana nai mo nabaly Areng mymy kypkyp my, “Kai ly nang ai nangmy i vui py, nangmy i ahawi i vui py, ka-jei hawi nai khumi lawm hai ai. Huni khumi bawibawichi py paleung ka-echi i haisau y dei nai nang niu ai. Kai ly Juda khumi bawibawichi ai, Babulon samrang i kiu y au ai. Ni ly huni khumi phyreichi ai my i pri y langheng y hawi ai i, phyreichi ai ly padei ai.

JEREMIA 21:7

Tavai takai, tahum takang hawi no kanghawi y dei bawi y nai Juda samrang Zedekiah, ni i bangtangchi hawi khumichi ly mychi ai padei ai ngai nai paleung ka-echi hawi Nebukhadnezar i kiu y patiu hai ai. Nebukhadnezar my py nichi ai padei hai ai. Ami ai py kangheng khai ai ny y, ami ai py pahen pi ai ny y. Hini ly kai, Areng i thui nai leu ne,” napi.

JEREMIA 39:10

Ni ly ati sai py by y nai khumi kamawn phyreichi ai, kreip akhochi hawi li hlauchi pei iy Juda pri y daw jo bo.

JEREMIA 39:9

Kangkhym y tavailu areng Nebuzaradan ly mary theung y awm rai nai khumichi ai, mymy teng y preang u naichi hawi vanrei langheng palawn iy, Babulon mary y hawi vui nai ne.

JEREMIA 52:9

Paleung ka-echi ly Zedekiah ai patiu iy samrang Nebukhadnezar awm nai Hamath khu ka-peang, Riblah mary mang y hawi u bo. Huni meingtym y my Nebukhadnezar ly Zedekiah ai tara chih nai ne.

Ezekiela 33:28

Kai ly huni pri y khumi angso savai tlang nai meingtym lawm hai ai. Khumi mipuichi amlyhra lawm nai sa thai naira py tama vui ai. Amimi py aki aleaung thai y na pa-rei, Israela mawichi ly khumeung khuram lawm ai.

MIKHA 4:10

Jerusalem mary i khumichi awi, vaimy nangchi ly mary khai su iy, daichi theung y awm u ai nai deaungkho y, deaungdi tapen nai neampachy kamta, tlang a-i-eng iy tangam naimy awm u. Nangchi ly Babulon pri mang y chei u ai nai tla ai. Na i py huni meingtym y Areng ly nangchi ai paleung ka-echi teng i nai atleu ai.

Leu Thui Nai 28:36

“Areng ly nangchi hawi nangchi i samrang ai, nangchi hawi nangchi i amsi pajochi tym vai y nai pri takhra mang y ang hawi pawn ai; nangchi ly huni pri y dengkeaung, lengseaung hawi sa nai tameuhchi ai chiu u ai.

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.

Leu Thui Nai 4:26

Huna nai tamang u baly nangchi cheng ly huni pri i nai kra y naimy tama vui ai, nanai kai ly kani hawi khaileaung ai tau iy vaineng abeu bo. Nangchi Jordan tavo angpeang iy peang vui ai nai pri y kra parai pa-rei awm ai nai ngo y naimy, cheng verei tama vui ai.