JEREMIA 52:13 - Khumi Common Language Bible

¹³ Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

JEREMIA 52:13 ပူးပေါင်းရင်းမြစ်များ

1 ARENG KEH 9:8

Hini Achura Yhm py phra seaungkhrang nai yhm lawm ai. Huni sahawi mang tako nai khumi bawibawichi ly khri pa-rei lyh u ai i, ‘Areng ly hini pri hawi hini Achura Yhm ai, ati mana nai y hina nai kamta sa lawh mo?,’ nanai deng u lengleang ai.

2 ARENG KEH 25:9

Achura yhm, samrang yhm hawi aly len nai khumi bawibawichi i yhmchi ai, mai leng pawn nai ne.

2 NENG SATANG 36:19

Ni ly Achura yhm hawi mary ai mai leng iy, Jerusalem mary apaichi py taphra bo. Samrang yhmchi hawi vang kateng vawnsaichi hawi vanrei, mai leng pawn nai ne.

SAM 79:1

Aw Tameuh, nang i pri theung y Tameuh ai pany y nai khumichi ang kun u miuh bo; nichi ly nang i Achura yhm kachai ai chai hai y bo; Jerusalem mary ai py taphra u veng nai ne.

JEREMIA 19:13

Jerusalem mary y awm nai yhmchi hawi Juda samrang hawi samrang i yhmchi, mychi i yhm amphu salo y ka-si taukichi ai mui katui leng patlum nai yhmchi hawi, tameuh takhrachi ai kreip hang leih iy talam nai yhm ngiereichi ly Topheth mary kamta chai y nai meingtymchi lawm ai,” napi.

JEREMIA 21:10

Kai ly hini mary ai law tleaung hai y naimy taphra vui ai nai adawn yb bo. Hunichi ai Babulon samrang i kiu y au ai i, ni my py hini mary ai mai leng iy taphra ai. Hini ly kai, Areng i thui nai leu ne,” napi.

JEREMIA 21:14

Na i py nang i sa naichi molam y kang pajeng ai. Kai ly nang i samrang yhm y mai kang hai ai. Huni mai ly tengpang sahawi y awm nai ngiereichi kang bebe ai. Hini ly kai Areng i thui nai leu ne,” napi.

JEREMIA 22:14

Salo sambeura y takun puichi hawi kai ly kaimy awm ai nai yhm pui harei kasa ai, nanai thui nai khumi ly taham si. Ni ly huna nai thui chum baly my i yhm y thaibeng pa-khochi tleh bo. Saitleang keung hawi khangpuichi dang naira sa iy, an kamsen pathym nai ne.

JEREMIA 32:29

Hini mary ai tiu nai Babulon khumichi ly jeu iy mai leng u ai. Yhm amphuchi salo y Bala tameuh teng y mui katui leng patlum nai molam py, tameuh takhrachi i vui y kreip hang talam nai molam py, khumichi my kai ai kado patheu nai yhmchi hawi vanrei, hini mary verei kang ai.

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 38:23

Huni bo y kaimy, “Babulon chengchi ly nang i ajuchi hawi cho chanau bawibawichi ai hawi pawn ai. Nangmy kypkyp py nichi kiu i nai tleaung ai ny y; Babulon samrang my ang patiu ai. Hini mary py mai y kang vui ai,” kanapi.

JEREMIA 6:5

Vum y achi tiu u sina. Jerusalem mary i amtangrachi taphra u sina,” nanai thui u nai ne.

JEREMIA 7:14

Hunai deaungkho y nangchi ym u keh nai hini kai i Achura yhm ai, Siloh avang y kamta kasa teang ai. Nangchi i amsi pajochi hawi nangchi ai kang pei nai, hini meingtymchi ai ly Siloh avang y kamta kasa teang ai.

TANGAM NAI LEU 2:5

Areng ly paleung ka-e kamta, Israela chengchi ai taphra bo. Nichi i amtangrachi hawi samrang i yhmchi py, phra seaungkhrang naimy awm hai bo. Mymy ly Juda pri khumichi i tlang tleaung y, paleung mawn naira tem y pa-rei tym hai na bo.

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.

TANGAM NAI LEU 2:7

Areng ly mymy i maicham ai py, Achura yhm Kachai ai py, khai su iy paleung ka-echi teng y, Achura yhm dengpangchi panawi pawn ai nai pei. Nichi py achi amo theu parai naimy chiu nai meingtym y, eaung naira nga nai aeu u sau na bo.

TANGAM NAI LEU 2:8

Areng ly Zion mary apaichi panawi vui ai nai dawn yb nai deaungkho y, hunichi phra takengkei pawn ai nai siju hawi pata. Vai ly lengseaung yhm ka-sangchi hawi mary apaichi ly phra seaungkhrang mei bo.

Ezekiela 16:41

Nichi ly nang i yhmchi ai mai leang pawm iy, nang i pajeng naira avum nai sai ai, neampachy neangneangchi teng y patei ai. Nang i bima kalop hawi neampachochi teng y langseaung pei nai py, kaimy anawn hai ai.

Ezekiela 24:21

mymy ly mymy i leu pei nai ai nangchi Israela chengchi teng y thui pi ai nai kai ai pato nai ne. Nangchi ly Achura yhm khaw nai ai amlyh u bo. Achura yhm khen ai nai ngai, Achura yhm y chei ai nai ngai; na i py Areng ly huni Achura yhm y chai hai y ai. Jerusalem mary y awm rai nai nangchi i yhm dengtheung cho chanauchi py, tavai keung y dei u ai.

AMOS 2:5

Hunai deaungkho y kai ly Juda pri salo y mai kani nai hai iy, Jerusalem mary i amtangra yhmchi ai maidym satlawi palawn vui ai,” napi.

AMOS 6:11

Areng my leu pei nai deaungkho y, yhm katheang kalenchi ly phra seaungkhrang ai.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

ZEKHARIAH 11:1

Aw Lebanon, nang i saitleang keungchi ly mai my kang ai nai nang i apai katheu pa-khochi paeaung ba.

MATTHAI 24:2

Naibaly mymy ly nichi teng y, “Hunichi bawibawi ly niu u lo-oh? Meitang khyp kang thui pi, panawi y nai lengseaung tleangleang nai ly hi y ha py awm ai ny y,” napi nai pathang.