JEREMIA 52:12 - Khumi Common Language Bible

¹² Babulon samrang Nebukhadnezar i peang nai saneng holai takaw, pa-ngo lo, kani horei kani y samrang y tau pei nai bangtang hawi, tamcheaungchi i tavailu areng Nebuzaradan ly Jerusalem mary theung y kun bo.

JEREMIA 52:12 ပူးပေါင်းရင်းမြစ်များ

ATITI AWM ANGCHEI NAI 37:36

Hunai thym khala Midian khumichi ly Josepha ai Aikupta pri i Potiphar teng y jo vui bo: Potiphar ly samrang ai typ nai keung tavailu leaungrei ne.

2 ARENG KEH 24:12

Samrang Jehojakhin ly my i amhm, chapochi, tavai luchi, samrang yhm miteaung kehchi hawi vanrei, Babulon tavaimichi teng y tamawi aseih bo. Nebukhadnezar ly my i peang nai saneng tajarei awm nai khala y, Jehojakhin ai langheng hawi i,

2 ARENG KEH 25:8

Samrang Nebukhadnezar ly Babulon pri y peang nai saneng holai takawrei, lo pangrei, saryh kani y, samrang ai tau pei nai tavailu areng keh Nebuzaradan ly my i tavaimichi hawi Jerusalem mary y tavai amsa bo.

EZARA 5:12

Na i py kaichi i amsi pajochi ly kani hawi khaileaung sa nai keung Tameuh ai kado patheu u lawh nai deaungkho y, mymy ly kaichi ai Babulon samrang Nebukhadnezar teng y au bo. Achura yhm py phra i, khumi mipuichi ai ly Babulon pri mang y hawi vui nai ne,’ nanai ang thui pi.

NEHEMIA 2:3

“Samrang nang ly deungtasarei heng sau na sy; kai i amsichi ai up nai mary ly phra seaungkhrang bo i, mary apaichi py mai y kang pawn nai deaungkho y, kai ly mana nai meimai kahawi awm pajau ai mo?” kanapi.

SAM 79:1

Aw Tameuh, nang i pri theung y Tameuh ai pany y nai khumichi ang kun u miuh bo; nichi ly nang i Achura yhm kachai ai chai hai y bo; Jerusalem mary ai py taphra u veng nai ne.

JEREMIA 1:3

Areng ly Josia i chapo samrang Jehojakim deung y py, ni teng y leu pei bi bo. Naibaly mymy ly Josia i chapo Zedekiah samrang y lyn nai saneng holai ha, pa-ngo lo khala y, Jerusalem mary i khumichi pri pala nai neng tym pa-rei, ni teng y tlen neangneang leu pei nai ne.

JEREMIA 32:29

Hini mary ai tiu nai Babulon khumichi ly jeu iy mai leng u ai. Yhm amphuchi salo y Bala tameuh teng y mui katui leng patlum nai molam py, tameuh takhrachi i vui y kreip hang talam nai molam py, khumichi my kai ai kado patheu nai yhmchi hawi vanrei, hini mary verei kang ai.

JEREMIA 39:11

Babulon samrang Nebukhadnezar ly tavailu areng Nebuzaradan ai,

JEREMIA 39:9

Kangkhym y tavailu areng Nebuzaradan ly mary theung y awm rai nai khumichi ai, mymy teng y preang u naichi hawi vanrei langheng palawn iy, Babulon mary y hawi vui nai ne.

JEREMIA 52:14

Ni i risachi my py mary apaichi panawi u bo.

JEREMIA 52:29

samrang lyn nai tajarei saneng y Jerusalem mary i dengdairei leaung chungvai taja takaw phai palyh leaung nyhrei,

DANIELA 1:1

Juda samrang Jojakim my peang nai pa-thom saneng y, Babulon samrang Nebukhadnezar ly Jerusalem mary ai tiu i, katanmeuh bo.

DANIELA 2:14

Hunaibaly Daniela ly khumi padei naira y lu sa nai keung, samrang i tamcheaung typ nai tavailu Ario teng y chei i, Ario teng y, “Samrang ly ati mana nai y hina nai kamta, leu kaji pei lawh mo?” nanai tau awm naimy deng bo.

ZEKHARIAH 8:19

Palyh lo, pa-ngo lo, saryh lo hawi lo horei khala y sa nai biu hai nai pawichi ly Juda khumichi i vui amo theu naira lawm ai. Nangchi ly kateng lam hawi tlamsa naira ngai ai nai tla,” napi.