JEREMIA 52:1 - Khumi Common Language Bible

¹ Zedekiah ly samrang lyn nai thym khala, saneng apom phai harei awm iy Jerusalem mary y saneng holai harei peang. Ni i amhm ly Libana mary y awm nai Jeremia i chaniu Hamutal ne.

JEREMIA 52:1 ပူးပေါင်းရင်းမြစ်များ

2 ARENG KEH 23:31

Joaha ly saneng 23rei awm nai khala y, Juda samrang lawm i, Jerusalem mary y lo thomrei peang nai ne. Ni i amhm ly Libana mary y awm nai Jeremia i chaniu Hamutal ne.

2 ARENG KEH 24:18

Zedekiah ly saneng 21rei awm nai khala y Juda samrang lawm i, Jerusalem mary y saneng holai harei peang nai ne. Ni i amhm ly Libana mary y awm nai Jeremia i chaniu Hamutal ne.

2 ARENG KEH 25:1

Zedekiah ly Babulon samrang Nebukhadnezar ai tiu nai ne. Hunai deaungkho y Nebukhadnezar ly my i tavaimichi hawi jeu iy, Zedekiah i peang nai saneng takaw, lo ho, kani horei kani y Jerusalem mary ai tiu bo. Ni ly mary angam mang y meingtym la iy, mary kamki abyhra angawmchi sa nai ne.

2 ARENG KEH 8:22

Huna khala i dengdai vai khrairei Edom pri ly Judachi i anui y awm y i, tlamsa nai pri lawm bo. Huni neng khala Libana mary i khumichi py tiu u teang nai ne.

2 NENG SATANG 36:11

Zedekiah ly saneng 21 rei awm nai khala y Juda samrang lawm i, Jerusalem mary y saneng holai harei peang nai ne.

ISAIA 37:8

Empara samrang ly Lakhisa mary i dengdairei theu iy, huni sahawi i Libana mary ai tiu bo, nanai thai nai khala y, Asuria tavailu areng ly samrang hawi avum ai nai, huni meingtym y chei bo.

JEREMIA 21:1

Juda samrang Zedekiah ly Melkhia i chapo Pashura hawi Maaseiah i chapo pathyp pi nai keung Zephaniah nini ai kai teng y pato iy,

JEREMIA 39:1

Juda samrang Zedekiah i samrang atheng nai takawrei saneng, lo horei khala, Babulon samrang Nebukhadnezar ly my i tavaimi kamkawm pui harei hawi tym iy, Jerusalem mary ai tiu nai ne.

JEREMIA 51:59

Maseja i katu, Neriah i chapo Seraiah ly samrang Zedekiah i atawn nai khumi ne. Juda samrang Zedekiah i samrang atheng nai palyh saneng y Seraiah ly Babulon mary mang y samrang hawi vanrei chei ai nai deaungkho y, kai ly ni ai tau maidenrei kapei nai ne.

HABAKKUK 1:17

Nichi ly mychi i haisau ai deungrei teaung iy, khumi cheng cheaungkhangchi ai, pahyp y naimy ana iy taphra u na a?

JOSUA 10:29

Naibaly Josua hawi Israela tavaimichi ly Makedah mary i dengdairei, Libana mary mang y tavai thau u bo.

JOSUA 15:42

Huni bo y Libana mary, Ether mary, Asen mary,