JEREMIA 51:6 - Khumi Common Language Bible

⁶ Babulon mary i nai theu u! Nangchi ly kangheng tleaung ai nai theu u! Babulon mary i kamngo molam y dei u atyhtyh moh. Vai kai ly nichi hawi amlau nai kamngo pajeng iy vawitheung katha nai ne.

JEREMIA 51:6 ပူးပေါင်းရင်းမြစ်များ

SAM 94:1

Aw Areng, nang ly kamngo pajeng ai nai aly peang nai Tameuh ne; nang i kado theu nai amteng hai ba!

LEU KACHENG 13:20

Khumi kachengchi hawi amkawm nai khumi ly khumi kacheng lawm ai. Khumi hawi y naichi hawi amkawm nai khumi ly phra ai.

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 63:4

Kai ly kaimy i khumichi ai atleu ai nai neng tym bo. Nichi i paleung ka-echi ai pajeng ai nai adawn yb veng bo.

JEREMIA 25:14

Khumi neangneangchi hawi sa thai naira awm nai samrangchi teng y miseaung achei u ai. Kai py nichi ai mychi i hawi y sa nai kapatlai ai,” napi.

JEREMIA 25:16

Huni kado theu naira hang nei u nai khala y, nichi ly kaimy pato nai tavai ka-jeira deaungkho y pavui u ai i, tliu charum charei u ai,” napi.

JEREMIA 27:7

Ni i pri phra nai neng tym y ryrei ly khumi cheng cheaungkhangchi ai ni i miseaung y py, ni i chapo hawi ni i katu i miseaung y py achei hai ai. Naibaly ni i khumi cheng ly sa thai naira len nai chengchi hawi samrangchi i miseaung y achei u ai.

JEREMIA 46:10

Vaini ly ati cheaungkhang sa thai nai keung Areng i kani ne. Mymy ly vaini my vawitheung tha ai. Mymy ly paleung ka-echi ai vaini my pajeng ai. Mymy i haisau ly nichi ngan bym pa-rei cha iy nichi i thi bym pa-rei nei ai. Vaini ati cheaungkhang sa thai nai keung ly Euphrat tavo sahawi tosyh ngan mang y, tawnbawichi apathyp nai ne.

JEREMIA 48:6

Nichi my, ‘Nangchi tleaung u ai nai angpreng u kaliki! ‘Khutaha daichi ka-vymra i keaungngo kano kasau karam kamta angpreng u!,’ nanai thui u bo.

JEREMIA 50:15

Mary tengpang sahawi y tavai atiu nai katynchi aeu u! Vai Babulon mary ly kasum apei veng bo. Mary apaichi ly anawi seaungkhrang veng bo. Kai ly Babulon chengchi ai vawitheung katha nai ne i, nangchi ly nichi i tlang tleaung y vawitheung tha u. Khumi takhrachi ai nichi my sa nai kamta, nichi ai py so u teang.

JEREMIA 50:28

(Babulon pri i dengdairei law tleaung nai tavai kamtangchi ly Jerusalem mary y tym u iy, mymy i Achura yhm ai Babulon khumichi my taphra nai molam y, achi i Areng Tameuh ly nichi ai ati mana vawitheung tha mo, nanai thui pi u bo.)

JEREMIA 50:31

“Aw Babulon mary, nang ly amlyh am-e naira y kyh chawn nai deaungkho y, ati cheaungkhang sa thai nai keung Tameuh, kai Areng ly nang ai ka-awi sa ai! Nang ai kaimy pajeng ai nai neng kani ly tym bo.

JEREMIA 50:8

“Aw Israela khumichi awi, Babulon mary i dengdairei preang u! Huni mary i nai theu u! Theu kasa u!

JEREMIA 51:11

Areng ly Babulon mary y taphra ai nai tau nai deaungkho y, Media samrangchi ai kachyh nai ne. Huna nai kamta Areng ly mymy i Achura yhm taphra vui nai molam y vawitheung tha ai. Atiu thym nai tavaimi kamkawm miteaung kehchi my,” Nangchi i thailiho chynchi pasui u! Khopuichi py angvei u!

JEREMIA 51:36

Hunai deaungkho y Jerusalem mary i khumichi teng y, “Kai ly nangchi hawi ai nai molam, vawitheung tha pi ai. Babulon pri i tuikanchi hawi tavo micheaungchi kang hai ai.

JEREMIA 51:45

Israela khumichi awi, huni mary i dengdairei theu u! Khumi bawibawichi kangheng tleaung ai nai, kai i khri pa-rei kado theu naira i nai preang u pawn jau.

JEREMIA 51:50

Areng my Babulon mary y awm nai mymy i khumichi teng y leu pei nai ly “Nangchi ly deira i nai law tleaung u bo! Vaimy theu u! Kaneu u moh! Nangchi ly nangmychi i pri hawi palo parai teu i py, nangchi i Areng napi nai kai ai pany u. Jerusalem mary ai py pany u.

JEREMIA 51:56

Nichi ly Babulon mary taphra ai nai ang tym u bo. Babulon tavaimichi ai ly patiu vui iy, nichi i thailihochi py tleu pawn bo. Kai ly hawi y sa nai khumichi ai parip reng nai Tameuh ne. Babulon mary ai avo nai kamta kamngo pajeng ai.

JEREMIA 51:9

Cheng takhra khumichi my, ‘Achi ly Babulon mary ai sabawm ai nai atho sa i py, patyh ala veng bo. Jeu u ly huni mary i nai theu iy achi i pri y vawi u teang sina. Tameuh ly ati cheaungkhang sa thai nai hawimy, Babulon mary ai kamngo pajeng iy taphra chauchau bo,’ nanai thui u nai ne.”

TANGAM NAI LEU 3:64

“Aw Areng, nichi i sa nai sai molam y, nichi ai pajeng kyh ba.

Kati Nai 16:26

Ni ly khumi mipuichi teng y, “Hini khumi aso y naichi i taichi hawi kamlo y asyh u; nichi i vawn sai ha harei py abi u moh. Kai i leu tangai y baly nangchi ly nichi i kamngo molam y nichi hawi vanrei phra u ai,” napi.

Leu Thui Nai 32:25

Tavai takai deaungkho y khumichi ly lamchira dei u ai; yhmchira y ka-jei awm naichi avum ai. Thawndeangchi anglochi py dei u ai; deaungdicho kanu nei thym naichi hawi miteaung maichochi py tleaung y ai.

Leu Thui Nai 32:41

Kai ly sadi nanai haisau kata iy, meitang naimy tara chih ai. Kai i paleung ka-echi ai vawitheung tha iy kai ai niu ngai y naichi ai ly pajeng ai.

Leu Thui Nai 32:43

“Cheng theaung khumichi awi, Areng i khumichi ai palo u; mymy ly mymy i khumichi ai padei nai keung ngiereichi ai ly pajeng ai. Mymy ly mymy i paleung ka-echi ai vawitheung tha ai, mymy ly mymy i khumichi i kamngo pahen pi ai,” napi.

I TIMOTHEI 5:22

Ami i tlang tleaung y kiu tamam praw moh ly, khumi takhrachi i kamngo naira y py abawi moh; chai parai naimy awm thai ai nai hawihai palai atyp ly.

AMTENG HAI NAI 16:19

Naibaly avang pui my ly phy thomrei lawn i, cheng cheaungkhangchi i avangchi py anawi be bo; naibaly mymy i kado theu nai ka-teng ny y nai kreip athai hang khau ly huni teng y tuih ai nai, Babulon avang pui ly Tameuh i mo y pany jo nai awm bo.