JEREMIA 51:56 - Khumi Common Language Bible

⁵⁶ Nichi ly Babulon mary taphra ai nai ang tym u bo. Babulon tavaimichi ai ly patiu vui iy, nichi i thailihochi py tleu pawn bo. Kai ly hawi y sa nai khumichi ai parip reng nai Tameuh ne. Babulon mary ai avo nai kamta kamngo pajeng ai.

JEREMIA 51:56 ပူးပေါင်းရင်းမြစ်များ

ATITI AWM ANGCHEI NAI 49:24

Na i py Jakob i ati cheaungkhang sa thai nai Tameuh i sa thai naira hawi py, Israela ai ama hai nai beram typ nai keung i sabawm nai saho y py, ni i thailiho ly amchyh y iy, ni i kiubanchi py ham nai ne.

SAM 137:8

Aw Babulon mary, nang ly taphra naira avum ai. Kaichi ai nangmy sa nai kamta nang ai vawitheung tha nai khumi,

SAM 37:15

Na i py nichi ly mychi i haisauchi hawi naimy tleh nai avum ai. Nichi i thailiho py tleu pawn ai.

SAM 46:9

Mymy ly khaileaung pri verei y atiu naichi ai anawn hai bo; thailihochi ai khei vui iy, tivichi tameang pawn iy, khopuichi ai py mai y veang pawn bo.

SAM 76:3

Huni meingtym y mymy ly paleung ka-echi i thailiho, khupui, haisau hawi tavai ateaung bawibawichi ai taphra pawn nai ne.

ISAIA 21:2

Ana piupa nairachi, vaineng takan nai hawi taphra nairachi ai paleung mei y kaniu bo. Aw Elam tavaimichi awi, tiu u! Aw Media tavaimichi awi, marychi ai katanmeuh u! Tameuh ly Babulon mary i khumichi my pei nai ngari kamtang anawn hai ai.

ISAIA 34:8

Hini neng ly Zion mary ai Areng my atleu iy, huni mary i paleung ka-echi ai vawitheung tha ai nai neng ne.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 59:18

Mymychi i kamngo nai molam y pajeng ai. Mymy i paleung ka-echi ly kado theu naira avum iy hawi nai, hawi y nai kham ai. Pri kamlo y awm u nai khumichi malawn py, huni pajeng naira lawi lawh ai ny y.

JEREMIA 49:35

“Kai ly Elam pri ai sa thai naira len pa-rei palum nai keung thailiho pa nai bawibawichi ai tleh pawn ai.

JEREMIA 50:10

Babulon pri ly lawm naira avum ai. Lawm nai khumichi py mychi i ngai nai vawnsai ngiereichi la u ai. Hini ly kai, Areng i thui nai leu ne,” napi.

JEREMIA 50:36

Huni pri i tapawp nai amochi ly dei u ai; nichi ly khumi ka-khumchi ne! Huni pri i tavaimi risachi ly dei u ai. Nichi ly jei nai kaso theu u ai!

JEREMIA 51:24

Areng my, “Jerusalem mary ai Babulon mary i khumichi my sa nai hawi y nairachi molam y, kaimy vawitheung tha nai ly nangchi nui u ai.

JEREMIA 51:30

Babulon tavaimi risachi ly tavai atiu u y naimy, mymychi i amtangrachi theung y naini awm u bo. Nichi ly paleung phra atho di naimy, neampachychi kamta lawm u nai ne. Mary apai katheuchi ly anawi pawn iy, yhmchi py mai y kang bo.

JEREMIA 51:48

Tosyh ngan mang jeu iy tiu nai khumichi i kiu theung y Babulon mary tym vui nai khala, khaileaung salo y py, kani khusangra py, awm nai ngiereichi ly amo theu nai deaungkho y aeu u sau ai.

JEREMIA 51:53

Babulon mary ly kani y angteu na pa-rei, amtangra yhm ka-sang sa pajau lawh teu i py, kai ly huni mary y taphra ai nai khumichi pato ai. Hini ly kai Areng i thui nai leu ne,” napi.

JEREMIA 51:6

Babulon mary i nai theu u! Nangchi ly kangheng tleaung ai nai theu u! Babulon mary i kamngo molam y dei u atyhtyh moh. Vai kai ly nichi hawi amlau nai kamngo pajeng iy vawitheung katha nai ne.

TANGAM NAI LEU 3:64

“Aw Areng, nichi i sa nai sai molam y, nichi ai pajeng kyh ba.

Ezekiela 39:3

Naibaly ni i langvawi kiu i thailiho hawi, lamtang kiu i thailiho chynchi ai tabeang khei vui ai.

Ezekiela 39:9

Israela marychira y awm u nai khumichi ly mary angam mang y theu iy, paleung ka-echi i khai su nai tavai ateaungchi ai, theng palawn ai nai pakym achu ai. Nichi ly saneng saryh khrairei theng palawn ai nai khupui, thailiho, thailiho chyn, samtleang hawi tivichi nga u ai.

AMOS 2:15

Thailiho pa nai khumichi py khaw u pajau ai ny y. Khri pa-rei angpreng rang nai khumichi py law tleaung ai ny y; keaungngo tleaung i khumichi py, mychi i tlang tleaung u pajau ai ny y.

OBADIA 1:15

“Kai, Areng my khumi cheng cheaungkhangchi ai tara chih ai nai neng kani tym hai ai. Aw Edom pri awi, amichi ai nangmy i sa nai kamta amichi my nang ai ang sa u teang ai. Nang ly nangmy i pei nai kamta nga teang ai.

HABAKKUK 2:8

Nangchi ly pri neangneangchira i khumichi ai tiu iy lawm u bo. Vai dei kamthum khumichi ly nangchi my khumi ai padei nai molam py, khaileaung pri i khumichi hawi, marychi ai tiu nai molam py, nangchi ai tiu iy lawm u ai.

Leu Thui Nai 32:35

Areng ly paleung ka-echi ai pajeng iy vawitheung tha ai; nichi i sum nai neng tym ai; nichi myh ai nai neng ly kasa bo.

II THESALONIKA 1:6

Tameuh ai pany y nai hawi achi i Areng Isu Krista i Satang Kahawi tangai y naichi i tlang tleaung y tavawi thai ai nai,

AMTENG HAI NAI 17:16

Naibaly nang i niu nai taki horei hawi mawi kasi my py neampachy kamleaung ai niu ngai y ai i, ni ai ly ati sai py ny y nai hawi tlang ka-keu naimy khai ai, ni i ngan py cha u ai i mymy ai mai y kang hai bebe ai.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.

AMTENG HAI NAI 19:2

mymy i tara chih nai ngierei ly teng py teng, hawi py hawi; mymy ly neampchy kamleaung keh nai, ni i angai naira deaungkho y khaileaung pri ai kalu piupa nai keung ai ly tara chih iy, ni i kiu y mymy i miseaungchi i thi kavui y vawitheung tha pi bo,” napi nai kathai.

1 SAMUELA 2:4

Atho awm parai nai tavaimi risachi i thailihochi ly tleu pawn bo; na i py atho by y naichi ly atho awm lawh nai ne.