JEREMIA 51:55 - Khumi Common Language Bible

⁵⁵ Kai ly Babulon mary tamyh vui ai. Huni mary i katyn katenchi py, savai tlang hai ai. Tavaimi risachi ly tui sampyh kamsauchi kamta athorei my tavai thau iy, tyn tukulu naimy tiu u ai.

JEREMIA 51:55 ပူးပေါင်းရင်းမြစ်များ

SAM 124:2

Achi ai paleung ka-echi my ang tiu nai thym khala y, Areng phai achi mang y awm pi y lawh ai nabaly,

SAM 124:4

Hunaibaly achi ly tui leaung nai kamrawi y amjau baw iy, tui my achi ai um meuh vui ai.

SAM 18:4

Deira vuinawnchi ly kai ai ang pi cheng na. Taphra naira tui sampyhchi ly kai i salo y um na bo.

SAM 65:7

Nang ly pangli tui amsau nai katyn hawi, tui sampyh katynchi rym hai bo; khumichi i khyh tukulu nai katynchi py anawn hai ai.

SAM 69:2

Kai ly thiu parai nai aneaung kapan theung y a-up bo; kheu amchynra khaileaung katang by y; kai ly tui kathiu mang y tym na bo; tui sampyhchi ly kai ai ang-um ai bo.

ISAIA 15:1

Hini leu pei nai ly Moba pri i vui ne. Ara mary hawi Kira mary ly vumrei y my phra nai ne. Moba pri py savai tlang na bo.

ISAIA 17:13

Huni pri i khumichi ly tui sampyhchi kamta, athorei my mo mang y lyn u bo. Na i py Tameuh my nichi deaungkho y khrikhri pa-rei thui parip nai khala y, nichi ly mawi para ra i spryhchi kamta py, ali tengkalengra y akheang nai choh-ali kamta py, athawn u veng bo.

ISAIA 47:5

Areng my Babulon mary teng y, “Tyn teng y nai vengra y ateh. Khumichi ly nang ai, khumi cheng cheaungkhangchi i samrangnu, nanai palau u bi ai ny y!

JEREMIA 25:10

Kai ly amo theu naimy aeu nai raawichi hawi apom pawira i katynchi py, sum sumjang katynchi py, savai tlang hai ai. Huni bo y maisi kangvang py padei vui ai.

JEREMIA 51:42

Pangli tui ly Babulon mary salo y atheng iy, tui sampyhchi my um biu vui bo.

Ezekiela 26:3

“Huna nai y vai sa thai naira angym nai kai, Areng my leu pei nai ly nang, Turu mary awi, kai ly nang i paleung ka-e ne. Nang ai tiu ai nai khumi cheng cheaungkhangchi ai kaimy kang hawi ai. Nichi ly pangli tui sampyhchi kamta, nang i awm naira mang y ang tym u ai.

LUKA 21:25

Naibaly kanito y py, lo y py ka-si y py ka-ma-ra awm ai, pangli tui kamsau hawi, tui sampyh len nai deaungkho y khaileaung pri y py cheng cheaungkhangchi teng y patang naira hawi, paleung bi naira py tym ai;

AMTENG HAI NAI 17:15

Naibaly mymy ly kai teng y, “Neampachy kamleaung ateh nai meingtym i tui nang i niu naichi ly khumichi hawi, mipuichi hawi, chengchi hawi, leuchi py ne.