JEREMIA 51:48 - Khumi Common Language Bible

⁴⁸ Tosyh ngan mang jeu iy tiu nai khumichi i kiu theung y Babulon mary tym vui nai khala, khaileaung salo y py, kani khusangra py, awm nai ngiereichi ly amo theu nai deaungkho y aeu u sau ai.

JEREMIA 51:48 ပူးပေါင်းရင်းမြစ်များ

LEU KACHENG 11:10

Neaung hawi nai khumichi nang chawn nai khala, mary i khumichi ly amo theu u. Khumi hawi y naichi dei nai khala ly amo theu achaw u lengleang nai ne.

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 49:13

Kani khusang awi, khulym thui! Khaileaung awi, amo theu naimy khulym thui! Mawichi ly raawi pajeng parai naimy, khulym thui u sy! Areng ly mymy i khumichi ai, awmnem naira pei ai. Mymy ly ngari kamtang avum nai mymy i khumichi ai pahen ai.

JEREMIA 50:3

“Tosyh ngan mang i khumi cheng harei ly Babulon mary y tiu ai nai ang jeu iy, huni mary ai khutaha daichi ka-vym lawm hai ai. Khumi hawi tawnbawichi preang pawn ai i, huni meingtym ly khumi angso savai tlang naira lawm ai,” napi.

JEREMIA 50:41

“Tosyh ngan mang pri harei i khumichi ly ang jeu u ai. Huni ly kamlo ra i sa thai naira awm nai pri ne. Samrangchi ly tavai atiu ai nai angvei u rym bo.

JEREMIA 50:9

Kai ly tosyh ngan mang i atho len nai prichi ai kachyh iy, Babulon pri y tiu hai ai. Nichi ly tavai pasau iy huni mary ai tiu iy peang u vui ai. Nichi ly patyp naira y avawrei chawm khyp pa-rei ko pajau nai mawi sarachi kamta, mymychi i thailihochi ko u thai nai ne.

JEREMIA 51:56

Nichi ly Babulon mary taphra ai nai ang tym u bo. Babulon tavaimichi ai ly patiu vui iy, nichi i thailihochi py tleu pawn bo. Kai ly hawi y sa nai khumichi ai parip reng nai Tameuh ne. Babulon mary ai avo nai kamta kamngo pajeng ai.

Ezekiela 35:14

Sa thai naira angym nai Areng my, “Kaimy peang nai Israela pri phra nai thym khala, nang ai amo theu hai nai kamta,

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.