JEREMIA 51:35 - Khumi Common Language Bible

³⁵ “Kaichi i tlang tleaung y tym nai khrukhra nairachi ly Babulon mary y py tym sy!” nanai Zion mary i khumichi thui u sy. “Kaichi i tlang tleaung y tym nai patang nairachi ly Babulon mary y py tym sy!” nanai Jerusalem mary i khumichi thui u sy.

JEREMIA 51:35 ပူးပေါင်းရင်းမြစ်များ

ATITI AWM ANGCHEI NAI 16:5

Naibaly Sarai my Abram teng y, “Hakari my kai ai tahm khai y nai thui tamawn lawh nai ly nang i katamang teu. Kaimy hini neampachy ai nang teng kang pei nai ne; mymy ly deaungdi aniu khyp khala i dengdairei kai ai tahm khai y, thui tamawn lawh. Areng my ani sala y tara chih na sy!” napi.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 9:12

Tameuh ly patang naira avum naichi ai pany pi jo nai ne. Nichi i aeu nai raawi tami pi y leang. Nichi i tlang tleaung y hawi y sa nai khumichi ai pajeng nai ne.

JEREMIA 50:10

Babulon pri ly lawm naira avum ai. Lawm nai khumichi py mychi i ngai nai vawnsai ngiereichi la u ai. Hini ly kai, Areng i thui nai leu ne,” napi.

JEREMIA 50:29

“Babulon mary y tiu ai nai thailiho pa nai khumichi ai thui pi u. Thailiho teaung kawp nai khumi ngiereichi ai pato u. Mary ai katan u meuh; leaungrei py tleaung moh sy. Huni mary i khumichi ai vawitheung tha u. Nichi ly khumi takhrachi ai sa nai kamta, nichi ai py so u teang. Ati mana nai mo nabaly nichi ly Israela chengchi i chai parai nai keung kai ai amlyh am-e naimy ka-awi sa u nai ne.

JEREMIA 51:24

Areng my, “Jerusalem mary ai Babulon mary i khumichi my sa nai hawi y nairachi molam y, kaimy vawitheung tha nai ly nangchi nui u ai.

TANGAM NAI LEU 1:22

“Nichi ai mychi i hawi y nai cheaungkhang molam y pajeng kyh ba. Kai ai kaimy i kamngo molam y nangmy parip nai kamta, nichi ai py parip kyh ba. Kai i paleung py ka-dawn hawi y na bo.”

HABAKKUK 2:17

Nangchi ly Lebanon thengreungchi paliu u bo. Vai ly nangmychi kypkyp ai paliu nai avum u ai. Nangchi ly huni thengreung theung i amso tawnbawichi ai tleh u bo. Vai ly amso tawnbawichi my nangchi ai jei hyn hai ai. Nangchi my sa tamang nai khumi ai padei nai molam py, khaileaung pri y awm nai khumichi hawi marychira awm nai khumichi ai khrukhra hai naichi molam py, hina naichi tym ai.

ZEKHARIAH 1:15

Kai ly kaimy i khumichi tlang tleaung y tym ai nai kado theu nai kam-yh nai thym y, tlamsa naimy awm ai nga u nai khumi bawibawichi ly kai i khumichi avum nai ngari kamtang panawi ra bo. Naibaly kai ly huni khumichi ai khri pa-rei kado theu hai nai deaungkho y,

MATTHAI 7:2

nangchi i neh nai kamta py ang neh pi teang ai.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.

AMTENG HAI NAI 18:6

Huni i chih nai kamta khyp my chih u teang, mymy i atiti sa nai kamta ly phy nyhrei heung u ly:mymy i atiti katlen yb nai khau y ly mymy i vui y phy nyhrei katlen hai u.

AMTENG HAI NAI 6:10

naibaly nichi ly tao pajeng parai naimy, “Aw Areng, kachai hawi meitang, nang ly tara chih iy, khaileaung pri y awm naichi i tlang tleaung y kaichi i thi i kavui y vawitheung tha pi y nai ly majirei kra ai mo?” nanai aeu u bo.

TARA CHIH NAI KEUNGCHI 9:20

Na i py hini kalop ly teng y nai kalop ne lawh teu baly, Abimelek teng i mai kadeu theu iy, Sekhem mary hawi Bethamilo mary i khumichi ai kang hai na sy; Sekhem mary hawi Bethamilo mary khumichi teng i py mai kadeu theu iy, Abimelek ai kang hai sy,” napi.

TARA CHIH NAI KEUNGCHI 9:24

Hina nai kamta tym nai ly Kideon i chapo leaung vui saryhreichi ai padei ai nai atho pei nai, Sekhem mary i khumichi hawi Abimelek ai, kamngo vang heung teang nai ne.