JEREMIA 51:34 - Khumi Common Language Bible

³⁴ Babulon samrang ly Jerusalem mary ai ateng piupa iy cha vui bo. Ni ly huni mary ai chy-y kamta pakeu vui iy, tuireng nam kamta pajawn vui bo. Ni ly mymy i ngai nai ngierei la iy huni bo i nai ly aphi su nai ne.

JEREMIA 51:34 ပူးပေါင်းရင်းမြစ်များ

JOBA 20:15

Khumi hawi y nai ly my i paviu nai vawnsaichi paleu ali teang ai. Hunichi ai Tameuh ly ni i taku theung i nai patheu pi vui ai.

SAM 74:13

Nang ly nangmy i sa thai naira hawimy, pangli ai akhawi hai iy, tuireng namchi i luchi ai pakhau piu bo.

LEU KACHENG 1:12

Vai, nichi ly no-na by y naimy heng u teu i py, nichi ai achi my padei vui nai khala ly tavau saleaung y tym u ai!

ISAIA 34:11

Huni pri ly beaungkuchi hawi o-achi awm naira lawm ai. Khaileaung palum y rai nai khala i kamta, Areng ly huni pri ai khaileaung ka-keu pui lawm hai ai.

ISAIA 42:22

Na i py vai, mymy i khumichi ly tiu lawm nai avum u bo. Nichi ai kaveng takunchira y, saw atleang iy heu vui bo. Atleu ai nai khumi leaungrei py by y i, nichi ly tiu lawm nai avum u nai ne.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 50:7

Nichi ly mychi hawi avum nai khumi bawibawichi my tiu nai avum u nai ne. Nichi i paleung ka-echi my, ‘Huni khumichi ly Areng i tlang tleaung y tamang u nai deaungkho y, nichi ai kaichi i sa nai sai ly tamang y; nichi i amsi pajochi ly Areng ai ym nai khumichi ne nai deaungkho y, mymychi kypkyp py mymy i tlang tleaung y ka-ym awm ai tla nai ne,’ nanai thui u bo.

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

JEREMIA 51:49

Babulon mary molam y Israela cheng neangneangchi py, Khaileaung pri verei i khumichi py, dei u nai deaungkho y, vai Babulon mary ly anawi ai nai tla. Hini ly kai, Areng i thui nai leu ne,” napi.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

TANGAM NAI LEU 2:16

Nang i paleung ka-e bawibawichi ly nang ai panui hai iy, niu ngai y nai paleung hawimy, khen u kalingie bo. Nichi ly labeaung pi naimy notareang mie iy, “Ni ai achi my taphra veng bo! Hini kani ly achi i ajeng jo nai kani ne he!,” nanai thui u nai ne.

Ezekiela 36:3

“Huna nai y sa thai naira angym nai kai, Areng my leu pei nai thui pi. Pri deaungpachi my tiu vui nai khala, khumi luteng my ly Israela chengchi ai panui hai u nai ne.

HOSEA 8:8

Israela pri ly takhra prichi hawi takhra lawh y. Teaung ai ngo y nai laawm ka-kawi hawi atawm.

AMOS 8:4

Nangchi i pri theung y kajeu alam naichi ai chiu piupa iy, khumi kamawnchi ai ana nai khumichi awi, hini leu tangai u.

NAHUM 2:2

(Areng ly Israela chengchi ai paleung ka-echi my tiu y rai khala i awm nai kamta, awm ali teang nai neng tym hai ai.)

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.