JEREMIA 51:30 - Khumi Common Language Bible

³⁰ Babulon tavaimi risachi ly tavai atiu u y naimy, mymychi i amtangrachi theung y naini awm u bo. Nichi ly paleung phra atho di naimy, neampachychi kamta lawm u nai ne. Mary apai katheuchi ly anawi pawn iy, yhmchi py mai y kang bo.

JEREMIA 51:30 ပူးပေါင်းရင်းမြစ်များ

SAM 107:16

Mymy ly kheupaja katheuchi ai taphra pi pawn iy, tamo atleangrachi ai py, tleu hai piupa pawn nai ne.

SAM 147:13

Mymy ly nang i mary apai katheu ai khaw hai iy, nang i mary khumichi ai amtheaung naira pei bo.

SAM 76:5

Paleung ka-echi i ham parai nai tavaimichi ly mychi teng y awm nai vawnsai ateaungchi chau i, vai ly dei u pawn bo; nichi i atho hawi kawp nai saichi py atyhtyh teu bo.

ISAIA 19:16

Aikupta chengchi ly neampachy kamta, jeisi nai neng kani tym ai. Ati cheaungkhang sa thai nai keung Areng ly nichi ai pajeng ai nai kiu pahyn naimy awm, nanai niu u nai khala y, nichi ly jei hyn u ai.

ISAIA 47:14

“Nichi ly choh-ali kamta lawm iy, mai ly nichi ai kang ai! Nichi ly mymychi ai malawn py atleu u pajau ai ny y. Mai kangveaungchi ly bi-um ai nai a-awm nai mai ny y i, nichi i vui ly khri pa-rei ango ai.

JEREMIA 48:41

Marychi hawi amtangrachi ai ly peang vui ai. Huni kani y Moba tavaimichi ly deaungdi tapen ai nai achai nai neampachy kamta, jei hyn u ai.

JEREMIA 50:15

Mary tengpang sahawi y tavai atiu nai katynchi aeu u! Vai Babulon mary ly kasum apei veng bo. Mary apaichi ly anawi seaungkhrang veng bo. Kai ly Babulon chengchi ai vawitheung katha nai ne i, nangchi ly nichi i tlang tleaung y vawitheung tha u. Khumi takhrachi ai nichi my sa nai kamta, nichi ai py so u teang.

JEREMIA 51:32

Paleung ka-e ly tavo angpeang nai lam ai peang vui chum baly, yhm ka-sangchi ai py mai leng pawn nai ne. Babulon tavaimi risachi py kaso tahyn theu u bo.

JEREMIA 51:57

Huni mary i peang nai keungchi, khumi kachengchi, lu sa naichi hawi tavaimi risachi ai pavui tapai hai ai. Nichi ly i ngym chum baly, mana khala py anglaw u ai ny y. Hini ly kai samrang i thui nai leu ne; Kai ly ati cheaungkhang sa thai nai Areng ne.

TANGAM NAI LEU 2:9

Mary apai katheuchi ly atleangra tleu piupa iy, anyn angso theung y a-up jo bo. Samrang hawi samrang i cho chanauchi ly vai ly pri takhra y pri pala naira avum u. Reita leu pei naichi amtiu nai py by y nai deaungkho y, amochi ly Areng i paleung mei y amteng pi naichi niu vai y leang bo.

AMOS 1:5

Kai ly Damaska mary apai katheuchi ai taphra vui iy, Avan leaunghawi hawi Betheden mary ai peang naichi ai tamyh ai. Suria khumichi ai Kira pri mang y langheng hawi vui ai,” napi.

NAHUM 3:13

Nang i tavaimi risachi ly neampachychi kamta lawm iy, nang i pri y awm nai apai katheuchi py, paleung ka-echi mo y amtang hai pajau y nai am-eaung su bo. Nang i mary apai katheu angtleangrachi ly mai my kang pawn ai.

AMTENG HAI NAI 18:10

Babulon avang pui, avang khaw parai nai ly taham si! taham si! Tanarei sala chy y nang i tlang tleaung y tara chih naira ang tym bo,’ nanai mymy i no patang nai sai jei nai deaungkho y kamlora y angdo naimy mymy i tlang tleaung y vo naimy paleung atum u ai.