JEREMIA 51:29 - Khumi Common Language Bible

²⁹ Areng ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

JEREMIA 51:29 ပူးပေါင်းရင်းမြစ်များ

ISAIA 14:16

Khumi kadeichi ly nang ai khen mynkym u ai. Nichi my, “Khaileaung amchyh hai iy prichi ai khrukhra hai nai keung ly hini khumi lawh ai?

ISAIA 24:20

Khaileaung ly ali kamchai chawm nai tai kamta py, nei cha ala nai khumi kamta py, atlym khikha ai. Khaileaung pri ly kamngo mynji my tei nai deaungkho y, anawi vui ai; ang thau ali teang pajau ai ny y.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 50:13

Kai i kado theu nai molam y Babulon mary y ami py awm ai nai nga u ai ny y. Huni mary ly phra seaungkhrang naimy awm ai. Huni sahawi mang tako nai khumi bawibawichi ly huni mary i avum nai leaungsaichi niu nai ly athengra iy kaso theu naimy lyh u ai.

JEREMIA 50:36

Huni pri i tapawp nai amochi ly dei u ai; nichi ly khumi ka-khumchi ne! Huni pri i tavaimi risachi ly dei u ai. Nichi ly jei nai kaso theu u ai!

JEREMIA 50:43

Babulon samrang ly huni satang thai nai khala, mymy i kiubanchi py heang pajau y bo. Ni ly paleung bi naira tym i, deaungdi tapen nai neampachy kamta patang naira avum bo.

JEREMIA 50:45

Hunai deaungkho y Babulon mary i vui y kai i sa nai sai ai py, mary i khumichi i vui y kai i paran yb nai sai ai py tangai u. Paleung ka-e ly nichi i cho chanauchi ai malawn py, athorei my ryh phraiphro iy hawi vui ai. Niu nai khumi bawibawichi ly athengra iy kaso theu u ai.

JEREMIA 50:46

Babulon mary anawi nai khala, khri pa-rei katyn amsau nai deaungkho y, khaileaung pri verei amchyh nanai. Jei hyn naimy aeu nai katynchi ai py, khumi cheng cheaungkhangchi my thai u ai,” napi.

JEREMIA 51:26

Nang i phra seaungkhrang naira i awm nai lengseaungchi ai, yhm hlau sa naira y mana khala py teaung ali ai ny y. Nang ly khumi angso savai tlang nai daichi ka-vym kamta lawm jojo ai. Hini ly kai, Areng i thui nai leu ne.

JEREMIA 51:28

Media samrangchi, lu sa naichi hawi miteaung kehchi ai py, nichi i anui y awm nai pri bawibawichi ai py, Babulon mary y tiu ai nai angveirym hai u.

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

JEREMIA 51:43

Huni marychi ly kaso tahyn theu ai hawi naira lawm iy, khumi angso savai tlang naira, tui by y nai daichi ka-vym hawi atawm bo. Huni marychi mang y ami py khuleaung chei u y bo.

JEREMIA 8:16

Paleung ka-echi ly tosyh mang y awm nai Dan mary tym pa-rei tym u i, nichi i keaungngochi i noseng eng nai katyn achi thai bo. Nichi i keaungngochi hang nai khala, pri verei kasotheu u nai ne. Nichi ly achi i pri hawi achi i pri y awm nai ngierei, achi i mary raurei, mary i mipuichi ai tamyh pawn ai nai ang tym u nai ne,” nanai thui u bo.

JOELA 2:10

Nichi ang jeu nai neng khala, kaleih theu. Kani khusang py amchyh neung na. Kanito hawi lo ly veng na bo i, ka-si taukichi py angvang y bo.

AMOS 8:8

Hina nai kamngochi sa nai molam y kaleih pui theu i, pri verei i khumichi ly paleung si paleung mawn naira avum u ai. Pri verei ly Aikupta pri i Naing tavo tui kamta, anem lawh, asang lawh iy ahyn kanangkang na ai.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.