JEREMIA 51:27 - Khumi Common Language Bible

²⁷ “Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.

JEREMIA 51:27 ပူးပေါင်းရင်းမြစ်များ

ATITI AWM ANGCHEI NAI 10:3

Koma i kangpreangchi ly Askenaza, Riphath hawi Tokarmah khumichi ne.

ATITI AWM ANGCHEI NAI 8:4

Lo saryhrei kani holai saryhrei kani y, paleaung pui ly Ararat mawi y apa rang bo.

2 ARENG KEH 19:37

Kanirei nai khala y ni ly my i tameuh Nisaro i achura yhm y chiu sa nai ne i, my i chapo leaung nyhrei, Adrammele hawi Sareza nini ly samrang ai haisau hawi tleh chum baly, Ararat pri mang y preang vui bo. Ni i chapo vai leaungrei Esarahadon ly ampo i meingtym amtym i, empara samrang lawm nai ne.

1 NENG SATANG 1:6

Koma i kangpreangchi ly Ashakena, Riphath hawi Tokarmahchi ne.

ISAIA 18:3

Khaileaung pri y awm nai khumi bawibawichi awi, khaileaung salo y awm u nai khumi bawibawichi awi, tangai u! Mawi saleungra y pado ai nai ka-ma-ra tamkhawn ai khen angdeang u!

ISAIA 37:38

Kanirei nai khala y ni ly my i tameuh Nisaroh i achura yhm y chiu sa; chiu nai thym khala, my i chapo Adrammele hawi Sareza nini ly samrang ai myni i haisau hawi tleh iy, Ararat pri mang y preang hawi veng bo. Takhra chapo leaungrei Esarahadon ly ampo i meingtym y atheng nai ne.

JEREMIA 25:14

Khumi neangneangchi hawi sa thai naira awm nai samrangchi teng y miseaung achei u ai. Kai py nichi ai mychi i hawi y sa nai kapatlai ai,” napi.

JEREMIA 46:23

Nichi ly thengreung pa-ngeaung nai kamta tiu u bo. Nichi i khumichi ly kati lei y na pa-rei nawi nai deaungkho y, nichi i tavaimi vuikanai ly akhuchi tleaung y malawn py nawi nai ne.

JEREMIA 50:2

“Babulon mary ly phra vui bo! Huni mary i Marduk tameuh ly tleu piupa pawn veng bo! Babulon mary i amso ngai hawi nai mynchi ly kangji nga iy taphra naira avum u lawh bo ly! Hini satang ai khumi cheng cheaungkhangchi teng y thai hai u! Ka-ma-ra tamkhawn patei iy thai hai u! Huni satang ai apha hai vui moh!

JEREMIA 50:3

“Tosyh ngan mang i khumi cheng harei ly Babulon mary y tiu ai nai ang jeu iy, huni mary ai khutaha daichi ka-vym lawm hai ai. Khumi hawi tawnbawichi preang pawn ai i, huni meingtym ly khumi angso savai tlang naira lawm ai,” napi.

JEREMIA 50:9

Kai ly tosyh ngan mang i atho len nai prichi ai kachyh iy, Babulon pri y tiu hai ai. Nichi ly tavai pasau iy huni mary ai tiu iy peang u vui ai. Nichi ly patyp naira y avawrei chawm khyp pa-rei ko pajau nai mawi sarachi kamta, mymychi i thailihochi ko u thai nai ne.

JEREMIA 51:12

Babulon mary apaichi panawi ai nai ka-ma-ra patei u. Nangchi i tamcheaung kamkawm khai panawi bi! Tamcheaungchi ai amo hai yb. Lampawm atheng ai nai tavaimi risachi ai tahyh u,” nanai leu pei u bo. Areng ly mymy i dawn yb nai kamta, Babulon khumichi ai pajei nai ne.

JEREMIA 51:14

Ati cheaungkhang sa thai keung Areng ly Babulon mary y tiu ai nai molam akhutama kanghu kamta, nawi parai nai khumichi ai kapalau ai, nanai mymy i amyn y vaineng abeu bo. Huni khumichi py eaung naira nga iy, aeu u sau ai.

JEREMIA 51:28

Media samrangchi, lu sa naichi hawi miteaung kehchi ai py, nichi i anui y awm nai pri bawibawichi ai py, Babulon mary y tiu ai nai angveirym hai u.

JEREMIA 6:1

Benjamin mipuichi awi, chymme naira mang y angpreng u! Jerusalem mary i nai theu u! Tekoa avang y baw eng u. Bethekarin avang y ka-ma-ra maiteaung to u. Ka-jeira hawi phra naira ly tosyh mang dengdairei ang tym ai.

JOELA 3:9

“Khumi cheng cheaungkhangchi teng y ‘Tavai atiu ai nai angvei u rym; tavaimi risachi ai palau u; tavaimi risachi ai pangym iy tavai thau u, nanai satang thai hai u.

AMOS 3:6

Mary theung y tavai baw eng nai katyn thai baly, mary i khumichi ly jei hyn y nai awm na a? Areng my pajeng khala naini, mary theung y patang naira tym nai ny y a?

ZEKHARIAH 14:2

Areng ly Jerusalem mary y tiu ai nai pangym iy hawi ai. Huni mary ai ly peang vui ai. Yhmchira i nai lawm vui ai i, neampachychi ai ly pajang u ai. Khumi phy ka-hyhrei ly pri pala naira avum u ai; huni bo i phy ka-hyhrei ly huni mary i nai asyh u ai ny y.

TARA CHIH NAI KEUNGCHI 6:5

Nichi ly mychi i kanih yhmchi, beramchi, sichi hawi vawi u ali teang reng nai ne. Nichi i nawi nai sai ly akhutama kanghuchi kamta ne. Nichi hawi mychi i kula-iuchi py, kati pajau y na pa-rei nawi na; nichi ly jeu u iy awm nai ngierei ai taphra u.