JEREMIA 51:26 - Khumi Common Language Bible

²⁶ Nang i phra seaungkhrang naira i awm nai lengseaungchi ai, yhm hlau sa naira y mana khala py teaung ali ai ny y. Nang ly khumi angso savai tlang nai daichi ka-vym kamta lawm jojo ai. Hini ly kai, Areng i thui nai leu ne.

JEREMIA 51:26 ပူးပေါင်းရင်းမြစ်များ

ISAIA 14:23

Kai ly Babulon mary ai akai hai iy, beaungkuchi ly huni meingtym y awm u ai. Kai ly yhmpheu pasi nai khumi kamta, Babulon mary i awm nai ngiereichi ai taphra pawn ai. Hini ly ati cheaungkhang sa thai nai keung kai, Areng my thui nai leu ne,” napi.

JEREMIA 25:12

Naibaly kai ly Babulon samrang hawi khumichi teng y, mychi i sa tamang nai kamngo molam y pajeng ai. Nichi i pri ai taphra iy deungtasarei phra naimy awm hai ai.

JEREMIA 51:29

Areng ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

JEREMIA 51:43

Huni marychi ly kaso tahyn theu ai hawi naira lawm iy, khumi angso savai tlang naira, tui by y nai daichi ka-vym hawi atawm bo. Huni marychi mang y ami py khuleaung chei u y bo.