JEREMIA 51:25 - Khumi Common Language Bible

²⁵ Aw Babulon mary, nang ly khaileaung pri verei y taphra reng nai mawi hawi atawm; na i py kai Areng ly nang i paleung ka-e ne. Kai ly nang ai atheu iy khaileaung hawi vanrei padyh vui ai. Nang ai maidym lawm hai vui ai.

JEREMIA 51:25 ပူးပေါင်းရင်းမြစ်များ

ATITI AWM ANGCHEI NAI 11:4

“Vai ly achi khaileaung pri verei y ahei y ai nai hawi amyn amthang jo ai nai, mary pui hawi kani angteu nanai pa-rei asang nai yhm pui so u sina,” nanai arum u bo.

SAM 138:7

Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.

ISAIA 13:2

Mawi tabiuliu nai saleung y tavai tamkhawn theaung u! Paleung len amlyh nai mary pui katheu pa-khochi ai tiu ai nai aeu naimy, nangchi i kiu pheu iy tavaimichi ai leu pei u.

JEREMIA 25:12

Naibaly kai ly Babulon samrang hawi khumichi teng y, mychi i sa tamang nai kamngo molam y pajeng ai. Nichi i pri ai taphra iy deungtasarei phra naimy awm hai ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 50:25

Kai ly kado theu nai deaungkho y kaimy i tavai ateaung khaira takun paeaung iy, tavai ateaungchi kala bo. Ati mana nai mo nabaly Babulon mary y ati cheaungkhang sa thai nai keung kai, Areng my sa ai nai kalop awm nai deaungkho y ne.

JEREMIA 50:31

“Aw Babulon mary, nang ly amlyh am-e naira y kyh chawn nai deaungkho y, ati cheaungkhang sa thai nai keung Tameuh, kai Areng ly nang ai ka-awi sa ai! Nang ai kaimy pajeng ai nai neng kani ly tym bo.

JEREMIA 51:53

Babulon mary ly kani y angteu na pa-rei, amtangra yhm ka-sang sa pajau lawh teu i py, kai ly huni mary y taphra ai nai khumichi pato ai. Hini ly kai Areng i thui nai leu ne,” napi.

JEREMIA 51:58

Atho haiho awm nai Babulon mary i mary apaichi ly anawi ai. Asang parai nai mary apai katheuchi py, mai y kang pawn ai. Khumi cheng cheaungkhangchi i sa nai atitichi ly atyhtyh teu bo i, nichi i atho sa nai ngireichi py, mai kangveaung y chau be ai. Hini ly ati cheaungkhang sa thai nai Areng i thui nai leu ne,” napi.

JEREMIA 51:7

Babulon mary ly kai i kiu y syn nai muku khau hawi, khaileaung pri verei ai pavui hai nai kreip hang khau hawi atawm. Khumi cheng cheaungkhangchi ly huni khau i kreip hang nei iy, pathu tapai u be bo.

DANIELA 4:30

mymy ly angdeang i, “Babulon mary ly khri pa-rei len parai na ly! Hini mary y kaimy i sa thai naira, kaimy i nang parai naira patei ai nai, kaimy sa nai mary pui ne,” nanai thui bo.

ZEKHARIAH 4:7

Mawichi kamta khri pa-rei rai nairachi ly nang i mo y tama vui ai. Nang ly Achura yhm sa palum teang ai. Yhm taki i lengseaung tleangleang nai sa chum nai khala y, mipuichi my, ‘Apu parai na a, apu parai na a!’ nanai aeu u ai,” napi.

II PETERA 3:10

Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.

AMTENG HAI NAI 8:8

Naibaly kani pri i amtaw thau nai pa-nyh i nai ly eng i, mawi pui ka-tawm kang thym naimy pangli y aphi kathiu bo: naibaly pangli phy thomrei y phyrei ly thi lawn vui bo;