JEREMIA 51:22 - Khumi Common Language Bible

²² Neampacho hawi neampachychi ai py, miteaungchi hawi deaungdichi ai py, neampacho deaungdichi hawi neampachy deaungdichi ai py padei nai ne.

JEREMIA 51:22 ပူးပေါင်းရင်းမြစ်များ

2 NENG SATANG 36:17

Hunai deaungkho y Areng ly Babulon samrang ai tiu hai nai ne. Huni samrang ly Juda thawndeang deaungdichi ai Achura yhm theung y tleh bo. Tameuh my miteaung deaungdi, neampacho neampachy, no naichi, no y naichi ai pahen y naimy, Babulon samrang i kiu y au nai ne.

ISAIA 13:15

Nichi theung i kangheng patiu naichi ly haisau hawi tleh nai avum u ai.

ISAIA 13:16

Nichi ly jeaungmang naimy khen u kalingie nai thym y, nichi i deaungdi chymplei naichi ly athyhteng iy padei nai avum u ai. Nichi i yhmchi ly lawm naira avum iy, nichi i ajuchi ly pajang nai avum u ai,” napi.

ISAIA 13:18

Mychi i thailihochi hawi thawndeang deaungdichi ai ko iy padei u ai. Nichi ly deaungdi chymplei naichi ai pahyp ai ny y. Deaungdichi ai py pahen ai ny y.

ISAIA 20:4

Asuria samrang ly hini pri nyhrei theung i patiu nai langhengchi ai, tlang ka-keu naimy hawi vui ai. Nichi ly miteaung, deaungdi takhawi y, phainai abawi y, mychi i kangji py tamym pajau y naimy tlang ka-keu abang u i, Aikupta pri ai kangji nga hai ai.

JEREMIA 44:7

“Hunai deaungkho y Israela chengchi i Tameuh, ati cheaungkhang sa thai nai keung kai, Areng my, nangchi ly ati mana nai y nangmychi i tlang tleaung y hina nai ka-jeira tym pa-rei, hawi y naichi sa u lawh mo? Nangchi ly nangchi i cheng myh ai nai neampacho, neampachy, deaungdichi hawi, kanu nei thym naichi ai tama hai ai nai ngai u lawh mo?

JEREMIA 50:37

Nichi i keaungngochi hawi tavai ka-richi taphra u! Alai nai tavaimi risachi ly dei u ai. Nichi ly khri pa-rei atho bai u na bo! Babulon mary i yhmtheaung katuichi taphra u; Hunichi ai lawm u.

JEREMIA 51:23

Beram typ nai keungchi hawi beram kanghuchi ai tleh iy, li sa nai keungchi hawi nichi i keaungngochi ai py, samrangchi hawi bangtangchi ai py katamyh veng bo,” napi.

JEREMIA 6:11

Aw Areng, kai ly nang i kado theu naira my kawi i, am-yh pajau y na bo,” napi. Naibaly Areng my, “Kai i kado theu naira ai, lam y awm nai deaungdi tlang tleaung y py, tleaungri ka-cheangchi amkheng achu nai tlang tleaung y py tym hai ba. Aju juvochi hawi khri pa-rei miteaung acheang nai khumichi ly tleaung u ai ny y.

TANGAM NAI LEU 2:11

Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

TANGAM NAI LEU 2:21

Miteaung deaungdichi ly lam y atlym iy dei u. Thawndeang anglochi ly paleung ka-echi i haisau tamo y dei u. Nang ly kado theu nai kani y pahen y naimy, nichi ai tleh chauchau bo.

Ezekiela 9:6

Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

Leu Thui Nai 32:25

Tavai takai deaungkho y khumichi ly lamchira dei u ai; yhmchira y ka-jei awm naichi avum ai. Thawndeangchi anglochi py dei u ai; deaungdicho kanu nei thym naichi hawi miteaung maichochi py tleaung y ai.

1 SAMUELA 15:3

Nang ly chei iy Amalek chengchi ai tiu; nichi i vawnsai ateaung awn nai ngierei, ati cheaungkhangchi ai py, taphra pawn ai nai tla; sorai ai py takhawi moh; khumi neampacho neampachy, deaungdi, deaungdi chymplei naichi, huni bo y awm nai sichi, beramchi, kula-iuchi hawi keaungngo kano kasauchi, hunichi ai tamyh pawn ba,” napi.