JEREMIA 51:18 - Khumi Common Language Bible

¹⁸ Hunichi ly ati sai py ny y i, amso ngai nairachi naini lawm bo. Areng ly kamngo pajeng ai nai jeu nai khala, huni mynchi taphra pawn ai.

JEREMIA 51:18 ပူးပေါင်းရင်းမြစ်များ

THEU NAI 12:12

“Huni vum y kai ly Aikupta pri verei y amki ai i, khumi i chapo chalu hawi tawnbawi cho chalu ngiereichi ai padei ai; Aikupta pri verei i tameuhchi ai py kapajeng ai; Kai ly Areng ne.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 46:1

“Hini ly Babulon tameuhchi i tem naira ne! Vaichi khala y khumichi ly Bala tameuh hawi Nebo tameuhchi ai chiu u. Na i py vai ly nichi ai keaungngo kano kasau tleaung y tang iy, akawm parai nai tawnbawichi my pho ai nai myn kajichi lawm u nai ne.

ISAIA 57:12

Nangchi ly nangmychi i sa nai kalop ly teng, nanai athang khai u. Na i py nangchi i sa nai kang tapheaung nai khala y, nangchi i mynchi ly nangchi ai asa hai pajau ai ny y.

JEREMIA 10:11

(Nangchi khumichi awi, kani khusang hawi khaileaung so y nai tameuh ai ly kani anui i py, khaileaung salo i py, tama pawn ai, nanai nichi teng y thui pi ai nai tla.)

JEREMIA 10:14

Hini atitichi ai niu nai deaungkho y khumichi ly mynkym vui iy, khumi ka-khumchi lawm u bo. Kheupaja ngan thip kawp nai bawibawichi ly mychi sa nai tameuhchi ly tameuh tatang ny y nai deaungkho y kaji u bo. Ati mana nai mo nabaly mynchi ly hengra by y nai deaungkho y ne.

JEREMIA 10:15

Hunichi ly atyhtyh teu iy, paso ai naira naini lawm bo. Areng ly pajeng ai nai ang jeu nai khala, hunichi taphra pawn ai.

JEREMIA 10:8

Nichi bawibawi ly ka-khum hawi khumi aso y naichi ne. Dengkeaung mynchi my ly nichi ai ati amtiu naira pei pajau ai mo?

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 46:25

Israela chengchi i Tameuh, ati cheaungkhang sa thai nai keung Areng my, “Kai ly Thebe mary y awm nai Ammon tameuh ai Aikupta pri, Aikupta tameuhchi, samrangchi hawi vanrei pajeng ai. Aikupta pri samrang hawi ni ai paleung pado nai ngiereichi ai pajeng ai.

JEREMIA 48:7

“Moba pri awi, nang ly nangmy i atho hawi nang chawn nai ai a-ym nai ne. Na i py vai nang ly sum naira avum ai. Nang i tameuh Khemosa py, ni i samrang chapochi hawi pathyp pi nai keungchi raurei, pri pala naira avum u ai.

JEREMIA 50:2

“Babulon mary ly phra vui bo! Huni mary i Marduk tameuh ly tleu piupa pawn veng bo! Babulon mary i amso ngai hawi nai mynchi ly kangji nga iy taphra naira avum u lawh bo ly! Hini satang ai khumi cheng cheaungkhangchi teng y thai hai u! Ka-ma-ra tamkhawn patei iy thai hai u! Huni satang ai apha hai vui moh!

Ezekiela 6:6

Israela chengchi i mary bawibawichi ly khumi angso savai tlang iy chiu sa naira meingtym ka-sangchi ai taphra nai deaungkho y, nichi i maichamchi hawi mynchi ly taphra piu iy kawi seaungkhrang pawn ai. Mui katui leng patlum nai maichamchi py kawi piupa pawn iy, nichi i sa nai ngiereichi ly tama pawn ai.

JONA 2:8

Ati sai py ny y nai mynchi y chiu nai khumichi ly nang i tlang tleaung y ka-ym by y naichi ne.

ZEPHANIAH 2:11

Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.