JEREMIA 51:13 - Khumi Common Language Bible

¹³ Babulon mary ly tavo neangneang awm iy yhmtheaung katuichi nang chawn nai mary ne teu i py, phra ai nai neng tym nai deaungkho y, huni i hengra ly achai baw bo.

JEREMIA 51:13 ပူးပေါင်းရင်းမြစ်များ

ATITI AWM ANGCHEI NAI 6:13

Tameuh my Nova teng y, “Kaimy khumi angso bawibawichi ai tamyh vui ai nai dawn bo. Ati mana nai mo nabaly khaileaung pri ly khumichi i atho y khrukhra hai nairachi kawi nai deaungkho y kai ly nichi ai katamyh keng ai.

SAM 137:1

Zion mary ai adawn nai thym khala y, kaichi ly Babulon pri i tavo micheaungchi peang y ateh naimy kavo u bo.

ISAIA 43:14

Israela chengchi teng y chai parai nai Tameuh, nangchi ai atleu nai Areng my, “Kai ly nangchi ai atleu ai nai tavaimi kamkawmchi ai, Babulon pri y pato pi ai. Mary katheu pa-khochi taphra pi pawn ai. Hunira y awm nai khumichi aeu nai raawi ly vo nai raawi mang y lawm hai ai.

ISAIA 45:3

Vengpam naira y khai nai yhmtheaung katuichi hawi, ka-vymra y kryme nai vang katengchi, nang ai kang pei ai. Huna nai khala y kai ly Areng ne nanai, Israela chengchi i Tameuh ly nang ai vawi takhra iy khai nai ne nanai, nang pany ai.

ISAIA 57:17

Kai ly nichi i kamngochi hawi, ngaiphi ala naichi molam y kado theu nai, nichi ai kapajeng iy, nichi teng i nai hi pi veng bo. Na i py nichi ly paleung tang naimy, mychi i kangai sa u veangveang nai ne.

JEREMIA 17:11

Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

JEREMIA 50:31

“Aw Babulon mary, nang ly amlyh am-e naira y kyh chawn nai deaungkho y, ati cheaungkhang sa thai nai keung Tameuh, kai Areng ly nang ai ka-awi sa ai! Nang ai kaimy pajeng ai nai neng kani ly tym bo.

JEREMIA 50:37

Nichi i keaungngochi hawi tavai ka-richi taphra u! Alai nai tavaimi risachi ly dei u ai. Nichi ly khri pa-rei atho bai u na bo! Babulon mary i yhmtheaung katuichi taphra u; Hunichi ai lawm u.

JEREMIA 51:36

Hunai deaungkho y Jerusalem mary i khumichi teng y, “Kai ly nangchi hawi ai nai molam, vawitheung tha pi ai. Babulon pri i tuikanchi hawi tavo micheaungchi kang hai ai.

TANGAM NAI LEU 4:18

Paleung ka-echi ly kaichi ai ajeng i, khen patawm nai deaungkho y, kaichi ly lam y aki aleaung vam y. Kaichi i neng kanichi ly dym veng bo; kangkhym kani tym veng bo.

DANIELA 5:26

Kati, napi nai i awm nai sai ly Tameuh my nang i pri peang nai deung kati pi i, tem ai nai neng tym hai bo, nanai ne.

AMOS 8:2

Areng my kai ai, “Amo awi, ati niu mo?” nanai ang deng. Kaimy, “Thengthai kangmynchi khai nai takhu kaniu,” kanapi. Areng my kai teng y, “Kai i khumi Israelachi ly kangmyn du iy vui ai nai, kangkhym i neng tym bo. Kai ly nichi ai kapajeng y ai nai paleung amtlau vui ai ny y.

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

AMTENG HAI NAI 17:1

Naibaly khau saryhrei syn nai kani pri i amtaw thau nai leaung saryhrei theung i leaungrei ly kai teng y jeui, “jeu ly, tui neangneangra y ateh nai neampachy kamleaung ai tara chih nai ly kang khen hai ai.

AMTENG HAI NAI 17:15

Naibaly mymy ly kai teng y, “Neampachy kamleaung ateh nai meingtym i tui nang i niu naichi ly khumichi hawi, mipuichi hawi, chengchi hawi, leuchi py ne.

AMTENG HAI NAI 18:19

Naibaly nichi ly lu y spryh athi iy vo nai hawi paleung mawn naimy, ‘Huni avang pui ly taham si! taham si! Hunira y ly pangli paleaung keung ngiereichi ly huni i nang naira deaungkho y nang ra nang ra veng bo! Tanarei sala chy y huni ly ati sai py ny y nai palawn na ly,’ nanai aeu u bo.