JEREMIA 50:7 - Khumi Common Language Bible

⁷ Nichi ly mychi hawi avum nai khumi bawibawichi my tiu nai avum u nai ne. Nichi i paleung ka-echi my, ‘Huni khumichi ly Areng i tlang tleaung y tamang u nai deaungkho y, nichi ai kaichi i sa nai sai ly tamang y; nichi i amsi pajochi ly Areng ai ym nai khumichi ne nai deaungkho y, mymychi kypkyp py mymy i tlang tleaung y ka-ym awm ai tla nai ne,’ nanai thui u bo.

JEREMIA 50:7 ပူးပေါင်းရင်းမြစ်များ

SAM 71:5

Ati cheaungkhang sa thai nai keung aw Areng, kai ly nang ai angdeang nai ne; deaungdichy khala i dengdairei, nang ai kang ym bo.

SAM 79:7

Huni khumichi ly nang i khumichi ai padei u. Nang i pri ai py phra seaungkhrang hai bo.

SAM 90:1

Aw Areng, nang ly deungtasarei kaichi i abyhra yhm ne.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

ISAIA 56:9

Areng ly cheng takhra khumichi ai mawi kasi kamta jeu ai nai palau iy, mymy i khumichi ai tleh hai bo.

ISAIA 9:12

Nisi mang i Suria pri hawi nidym mang i Philistia prichi ly Israela pri tamyh vui ai nai angvei u rym bo. Huna nai y Areng i kado theu nai ly rym y. Nichi ai parip ai nai mymy i kiu pheu nai ly awm jo rai nai ne.

JEREMIA 10:25

Nang ai kado theu hai iy, nang ai chiu y nai chengchi tlang tleaung y nang i kado theu naira leih pi kyh ba. Nichi ly nang i khumichi ai tleh u bo. kaichi ai py tamyh pawn iy, kaichi i pri ai py phra seaungkhrang hai bo.

JEREMIA 14:8

Nang naini Israela chengchi i vui athang khai naira ne. Kaichi ka-jeira avum nai khala y, atleu pi nai keung ne. Ati mana nai y nang ly kaichi i pri angvyn kamta, dymreichy jei khyh nai khuleaung angvyn amlawn lawh mo?

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

JEREMIA 2:3

Aw Israela chengchi awi, nangchi ai kaimy kang peang khyh nai ne. Nangchi ly kaimy peang nai vang teng naichi ne. Kai ly nangchi i tlang tleaung y no patang hai nai khumi bawibawichi ai ka-jeira hawi ngari kamtang tym hai bo. Hini ly kai Areng i thui nai leu ne.”

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

JEREMIA 33:15

Huni neng kani khala ly Davida kangpreang theung i leu meitang teaung nai leaungrei vawi patyp pi ai. Ni ly pri verei y leu meitang adyh adawi ai naichi sa ai.

JEREMIA 33:16

Huni neng tym nai khala y, Juda pri ly atleu naira nga ai. Jerusalem mary i khumichi py chymme naira nga ai. Mychi i mary pui ai, ‘Kaichi ai atleu nai keung Areng,’ nanai amyn palau ai.

JEREMIA 5:17

Nichi ly nangchi i thengthaichi hawi teicha teineichi cha nei iy, nangchi i cho chanauchi ai tleh u ai. Nichi ly nangchi i beram kanghu hawi si kanghuchi cha u ai. Nangchi i kreip keungchi hawi thaidu keungchi taphra pawn ai. Nichi i tavaimi kamkawm ly nangchi i a-ym nai amtangra mary kakhawchi taphra pi pawn ai.”

JEREMIA 50:14

“Thailiho pa nai khumichi awi, tavai pasau u ly Babulon mary ai tiu iy katanmeuh u. Babulon mary ly kai Areng i tlang tleaung y sa tamang u bo. Hunai deaungkho y nangchi i thailiho bawibawi hawi, huni mary mang y ko u.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 50:33

Ati cheaungkhang sa thai nai Areng my, “Israela hawi Juda khumichi ly ana patang naira avum u nai ne. Nichi ai patiu iy hawi jo nai khumichi my ly nichi ai hawi hai palai typ u bo.

Ezekiela 34:5

Beramchi ly beram typ nai keung by y nai deaungkho y, ahei khrikhra iy mawi kasichi i teicha lawm u bo.

Ezekiela 35:12

Huna nai khala Israela mawichi ly khumi angso savai tlang nai, huni meingtym ly kaichi my tiu lawm nai meingtymchi ne, nanai nangchi thui tamawn nai leuchi ai, kai Areng ly thai bo, nanai nangchi pany u ai.

DANIELA 9:16

Aw Areng, nang ly vaichi khala y kaichi ai kry nai ne. Hunai deaungkho y Jerusalem mary ai kado theu hai bi moh kyh ba. Huni mary ly nang i mary, nang i mawi kachai ne. Kaichi i kamngochi hawi amsi pajochi i sa tamang nai molam y, saleaung deaungpa prichira i khumi bawibawichi ly Jerusalem mary hawi nang i khumichi ai khen nau nai ne.

DANIELA 9:6

Kaichi ly kaimychi i samrangchi, samrang i cho chanauchi, amsi pajochi dengdairei mipui bawibawichi i tlang tleaung y, nang i miseaung amochi my nang i amyn y thui pi naichi kaichi ly tangai u y nai ne.

ZEKHARIAH 1:15

Kai ly kaimy i khumichi tlang tleaung y tym ai nai kado theu nai kam-yh nai thym y, tlamsa naimy awm ai nga u nai khumi bawibawichi ly kai i khumichi avum nai ngari kamtang panawi ra bo. Naibaly kai ly huni khumichi ai khri pa-rei kado theu hai nai deaungkho y,

ZEKHARIAH 11:5

Beram yhmkeungchi my huni beramchi ai tleh nai ly mana khala py kamngo tlo u y. Nichi ly beram mawi jo iy, ‘Kaichi ly nang chawn bo! Areng ly nang parai nai awm sy!’ beram typ keungchi malawn py mychi i beramchi ai pahen u y,” napi.

I TIMOTHEI 1:1

Achi ai paheng nai keung Tameuh hawi, achi i athang khai naira Krista Isu i leu pei nai kamta Krista Isu i amtaw thau nai Pawla my ly,