JEREMIA 50:6 - Khumi Common Language Bible

⁶ “Kai i khumichi ly mawichira y beram typ keungchi my lam tama hai nai beramchi hawi atawm nai ne. Nichi ly mawichira y lyn kalau, ang vum kathiu naimy mychi i beram hai ai tami vui nai beramchi kamta, amki u bo.

JEREMIA 50:6 ပူးပေါင်းရင်းမြစ်များ

SAM 116:7

Aw kai i paleung awi, Areng ai ym kalingie ba; ati mana nai mo nabaly mymy ly kai ai pahen nai keung ne.

SAM 119:176

Kai ly tama nai beram kamta lam tamang bo; hunai deaungkho y jeu ly nang i miseaung kai ai hau kyh ba; kai ly nang i reita leu pei naichi ai tami y leang.

SAM 23:2

Mymy ly kai ai acha heng-a meingtymchira y anawn hai; Awmnemra tavo micheaung mang y ang pahawi bo.

SAM 32:7

Nang ly kai i abyh naira ne. Kai ai patangra i nai atleu kyh ba. Nang ly kai ai ama hai nai deaungkho y, kai ly nang i atleu pi nai satang tao pajeng parai naimy khulym kathui ai.

SAM 90:1

Aw Areng, nang ly deungtasarei kaichi i abyhra yhm ne.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

ISAIA 1:3

Si hawi painochi ly yhmkeung ai pany; keaungngo kano kasauchi py yhmkeung i keaungngo hai, mychi i yhmkeung my teicha patlai nai meingtymchi pany. Na i py kai i khumi Israela chengchi ly huna tanrei pany u y. Nichi ly pany thai u y na ly” napi.

ISAIA 30:15

Israela chengchi i chai parai nai Areng Tameuh my khumichi teng y, “Nangchi ly kai teng y vawi iy kajeaung kaji naimy kai ai ym u. Hunaibaly nangchi ly atho ham naira nga iy, atleu naira nga u ai,” napi. Na i py nangchi ly tangai u y!

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

JEREMIA 10:21

Kaimy, “Achi i lu sa naichi ly khumi aso y naichi ne. Areng i lam patei nai ai hnei y. Hunai deaungkho y nichi ly tau eaung naira ngo y i, achi i chengchi ly ahei u akyhkyh nai ne.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 2:32

Anglo ly mymy i amia lengseaungchi ai py, deaung vawi nai anglo ly mymy i apom nai ateaungchi ai py, tami vui thai na a? Na i py kai i khumichi ly kati pajau y nai neng kanichi neng khala, kai ai tami u veng bo.

JEREMIA 23:1

Mymy i khumichi ai taphra iy ahei hai phro nai peang nai keungchi i tlang tleaung Areng my khai yb nai tara chih naira ly mana tanrei jei ai hawi na mo ly!

JEREMIA 3:23

Mawi saleungchira chiu sa nai molam y, kaichi kasabawmra ngo u y. Israela chengchi i vui sabawm naira ly kaichi i Areng Tameuh teng i naini nga pajau khyh.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

JEREMIA 33:12

Ati cheaungkhang sa thai nai keung Areng my, “Khumichi hawi tawnbawichi by y iy khutaha daichi ka-vym hawi atawm nai hini pri y, beram typ nai keungchi my beramchi ai sui patlai nai meingtymchi awm teang ai.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 50:19

Israela khumichi ai mymychi i pri mang y kaimy pahawi ali teang ai. Nichi ly Karamela mawi saleung hawi Bashan meingtym y pati nai amti amjangchi cha u ai. Ephraim hawi Kilead khu ka-peangchira y prau nai amti amjangchi ai, bym pa-rei cha ai nai nga u ai.

Ezekiela 13:10

“Amochi ly cheaungkhangra y hawi angym bo, nanai thui iy kai i khumichi ai tapawp u bo. Ati cheaungkhangra y hawi angymbe y leang! Kai i khumichi ly angkadeng pajui y nai lengseaung mary apaichi sa i, amochi ly jeu iy theung kangleung pajui u bo.

Ezekiela 34:14

Mawi saleungra i acha baichi hawi, Israela pri apu parai nai sui tlaira y chymme pa-rei tlai hai ai. Sui kahawichira y ambeu hai iy acha heng-a nai sui tlaira y tlai hai ai.

Ezekiela 34:15

Kaimy naimy kaimy i beramchi ai typ iy nichi i ai nai meingtymchi hau pi ai. Hini ly sa thai naira angym nai kai, Areng i pei nai leu ne.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

MATTHAI 10:6

Samari khuhmichi i avang y py den py kun u moh; na i py Israela cheng, tama nai beramchi teng y phai chei u.

MATTHAI 15:24

Na i py mymy ly pathang i, “Israela cheng tama nai beramchi teng y ny y baly kai ai pato nai ny y leang,” napi.

MATTHAI 9:36

Na i py mymy ly khumi mipuichi ai niu iy typ nai keung by y nai beramchi kamta patang nai hawi ahei nai deaungkho y khrikhri pa-rei pahen bo.

I PETERA 2:25

Nangchi ly beram kamta lam tamang nai ne i, vai ly nangchi i phailo ai ang typ nai hawi peang nai keung teng y vawi ali u teang veng bo he.