JEREMIA 50:26 - Khumi Common Language Bible

²⁶ Huni mary ai cheaungkhangra mang tiu u. Chohpaichi taphra u! Tiu lawmra i nga nai vawnsaichi ai, choh pakheng achu nai kamta pakheng achu u! Mary py taphra u! Ati sai py khai moh!

JEREMIA 50:26 ပူးပေါင်းရင်းမြစ်များ

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 14:23

Kai ly Babulon mary ai akai hai iy, beaungkuchi ly huni meingtym y awm u ai. Kai ly yhmpheu pasi nai khumi kamta, Babulon mary i awm nai ngiereichi ai taphra pawn ai. Hini ly ati cheaungkhang sa thai nai keung kai, Areng my thui nai leu ne,” napi.

ISAIA 25:10

Areng ly Zion mawi ai ama hai ai. Na i py Moba pri khumichi ly sieichi hawi angtlen nai chohphi kamta, ati piupa nai avum ai.

ISAIA 45:3

Vengpam naira y khai nai yhmtheaung katuichi hawi, ka-vymra y kryme nai vang katengchi, nang ai kang pei ai. Huna nai khala y kai ly Areng ne nanai, Israela chengchi i Tameuh ly nang ai vawi takhra iy khai nai ne nanai, nang pany ai.

ISAIA 5:26

Areng ly ka-ma-ra patei iy, kamlora awm nai cheng takhrachi ai palau ai. Mymy ly nichi ai khaileaung katem mang dengdairei jeu u ai nai, amsui sai hawi ka-ma-ra pei pi ai. Huni khumichi py huni meingtym y jeu u kaliki ai!

JEREMIA 50:10

Babulon pri ly lawm naira avum ai. Lawm nai khumichi py mychi i ngai nai vawnsai ngiereichi la u ai. Hini ly kai, Areng i thui nai leu ne,” napi.

JEREMIA 50:13

Kai i kado theu nai molam y Babulon mary y ami py awm ai nai nga u ai ny y. Huni mary ly phra seaungkhrang naimy awm ai. Huni sahawi mang tako nai khumi bawibawichi ly huni mary i avum nai leaungsaichi niu nai ly athengra iy kaso theu naimy lyh u ai.

JEREMIA 50:15

Mary tengpang sahawi y tavai atiu nai katynchi aeu u! Vai Babulon mary ly kasum apei veng bo. Mary apaichi ly anawi seaungkhrang veng bo. Kai ly Babulon chengchi ai vawitheung katha nai ne i, nangchi ly nichi i tlang tleaung y vawitheung tha u. Khumi takhrachi ai nichi my sa nai kamta, nichi ai py so u teang.

JEREMIA 50:23

Babulon mary my khaileaung pri verei ai tamo chaki hawi atum nai ne. Na i py vai huni tamo chaki ly tleu piupa veng lawh bo! Khumi cheng cheaungkhangchi ly Babulon mary i avum nai leaungsai niu i, athengra nai kaso theu u nai ne.

JEREMIA 50:41

“Tosyh ngan mang pri harei i khumichi ly ang jeu u ai. Huni ly kamlo ra i sa thai naira awm nai pri ne. Samrangchi ly tavai atiu ai nai angvei u rym bo.

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

JEREMIA 51:64

Hunaibaly, ‘Babulon mary ly hina nai kamta tym ai. Areng my phra hai ai nai deaungkho y huni mary ly tup jo ai i, amteng ali teang ai ny y,’ nanai thui pi,” napi. Hini ly Jeremia i taviu nai leuchi tem bo.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

MATTHAI 6:26

Salo mang i tavochi ai phai khen u cham; nichi ly cho py tiu y, tyn py tyn y, cho beu y py pakym achu y: na i py Ngampo kani pri mang y awm nai my ly nichi ai pacho reng. Nangchi ly nichi tleaung y teng keh y a?

AMTENG HAI NAI 14:19

Naibaly kani pri i amtaw thau nai my ly mymy i cheaungchen ly khaileaung pri y pala i khaileaung i kreip athai kala baw kala baw bo, naibaly kreip athai ati nai angawm, Tameuh i kado theu nai ati nai angawm y ly aphi be bo.

AMTENG HAI NAI 19:15

Naibaly cheng cheaungkhangchi ai tamo nga hai ai nai, mymy labeaung i dengdairei haisau kachiu theu bo; naibaly mymy ly nichi ai tamo cheaungvawi y peang ai: ni ly Atiti py Sa Thai Nai Tameuh i kado theu nai ka-teng ny y nai kreip athai ati nai angawm y ly ati nai ne.