JEREMIA 50:16 - Khumi Common Language Bible

¹⁶ Babulon mary y ti hei ai nai pei u moh. Nichi ai amti amjangchi pakym ai nai pei u moh. Huni meingtym y awm u nai cheng takhra khumi ngiereichi ly vai, tavai thau nai tavaimichi ai jei nai deaungkho y mymychi i pri mang y vawi u ai.

JEREMIA 50:16 ပူးပေါင်းရင်းမြစ်များ

ISAIA 13:14

Mawi sarachi teng i dengdairei angpreng phro nai sisiuchi kamta, typ nai keung by y nai beramchi kamta, Babulon pri y awm nai cheng takhra khumichi ly mychi i saleaung khuteng mang y preang u ali teang ai.

JEREMIA 25:38

Khrangsi ly my i tapiu khai su nai kamta, Areng ly mymy i khumichi ai khai su veng bo. Ka-jei awm parai nai tavai takai hawi, Areng i khri pa-rei kado theu nai molam y, nichi i pri ly khutaha daichi ka-vym lawm veng bo.

JEREMIA 46:16

Nangchi i tavaimi risachi ly athei iy atlym u bo. Nichi leaung leaungrei ly ‘Jeu u kaliki! Achi ly amychi i saleaung khuteng pri mang y vawi u sina. Paleung ka-echi i haisau i nai tleaung ai nai angpreng u sina!,’ nanai thui u nai ne.

JEREMIA 51:23

Beram typ nai keungchi hawi beram kanghuchi ai tleh iy, li sa nai keungchi hawi nichi i keaungngochi ai py, samrangchi hawi bangtangchi ai py katamyh veng bo,” napi.

JEREMIA 51:9

Cheng takhra khumichi my, ‘Achi ly Babulon mary ai sabawm ai nai atho sa i py, patyh ala veng bo. Jeu u ly huni mary i nai theu iy achi i pri y vawi u teang sina. Tameuh ly ati cheaungkhang sa thai nai hawimy, Babulon mary ai kamngo pajeng iy taphra chauchau bo,’ nanai thui u nai ne.”

JOELA 1:11

Nangchi li, hlau sa naichi awi, paleung si tangam u; ati mana nai mo nabaly chohpui chomaw, chajai hawi amti amjang bawibawichi phra be veng bo. Naibaly nangchi kreip akho yhmkeungchi awi, vo tangam u.

AMOS 5:16

Hunai deaungkho y ati cheaungkhang sa thai nai Areng my, “Mary theung i lamchira y paleung si ai hawi nai vo raawi, seng meingtymchira y tangam nai raawi thai ai. Vo khulym kawp naichi hawi vanrei jeu iy, vo ai nai li sa keungchi ai palau ai.