JEREMIA 50:15 - Khumi Common Language Bible

¹⁵ Mary tengpang sahawi y tavai atiu nai katynchi aeu u! Vai Babulon mary ly kasum apei veng bo. Mary apaichi ly anawi seaungkhrang veng bo. Kai ly Babulon chengchi ai vawitheung katha nai ne i, nangchi ly nichi i tlang tleaung y vawitheung tha u. Khumi takhrachi ai nichi my sa nai kamta, nichi ai py so u teang.

JEREMIA 50:15 ပူးပေါင်းရင်းမြစ်များ

1 NENG SATANG 29:24

Miteaung kehchi hawi sorai risa bawibawichi hawi Davida i takhra chapochi ly samrang Solomon i tlang tleaung y, ka-ym awm ai, nanai adeu u bo.

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

SAM 149:7

nichi i samrangchi ai sengkry hawi pakheng iy nichi i lu sa nai keungchi ai tamo dengki thiu ai nai py,

SAM 94:1

Aw Areng, nang ly kamngo pajeng ai nai aly peang nai Tameuh ne; nang i kado theu nai amteng hai ba!

ISAIA 59:17

Mymy ly ka-dyh ka-dawi napi nai tamo baichu amchiu iy, atleu naira napi nai tamo lukhym adeung ai. Khri pa-rei tamen naira napi nai ateaung kangjiu ai py, khumichi i avum nai teng y nairachi molam y vawitheung tha naira hawi pajeng naira napi nai ateaung py amthyp ai.

ISAIA 59:18

Mymychi i kamngo nai molam y pajeng ai. Mymy i paleung ka-echi ly kado theu naira avum iy hawi nai, hawi y nai kham ai. Pri kamlo y awm u nai khumichi malawn py, huni pajeng naira lawi lawh ai ny y.

ISAIA 61:2

Areng ly mymy i khumichi ai atleu iy, paleung ka-echi ai taphra nai neng tym bo, nanai thai hai ai nai kai ai pato bo. Paleungsi tangam nai khumi bawibawichi ai awmnem naira pei ai nai,

ISAIA 63:4

Kai ly kaimy i khumichi ai atleu ai nai neng tym bo. Nichi i paleung ka-echi ai pajeng ai nai adawn yb veng bo.

JEREMIA 46:10

Vaini ly ati cheaungkhang sa thai nai keung Areng i kani ne. Mymy ly vaini my vawitheung tha ai. Mymy ly paleung ka-echi ai vaini my pajeng ai. Mymy i haisau ly nichi ngan bym pa-rei cha iy nichi i thi bym pa-rei nei ai. Vaini ati cheaungkhang sa thai nai keung ly Euphrat tavo sahawi tosyh ngan mang y, tawnbawichi apathyp nai ne.

JEREMIA 50:14

“Thailiho pa nai khumichi awi, tavai pasau u ly Babulon mary ai tiu iy katanmeuh u. Babulon mary ly kai Areng i tlang tleaung y sa tamang u bo. Hunai deaungkho y nangchi i thailiho bawibawi hawi, huni mary mang y ko u.

JEREMIA 50:25

Kai ly kado theu nai deaungkho y kaimy i tavai ateaung khaira takun paeaung iy, tavai ateaungchi kala bo. Ati mana nai mo nabaly Babulon mary y ati cheaungkhang sa thai nai keung kai, Areng my sa ai nai kalop awm nai deaungkho y ne.

JEREMIA 50:44

“Kai Areng ly Jordan tavo jeungrei ra y awm nai daichi kabeng theung i dengdairei, heng-a nai acha bai mang y theu piu nai khrangsi kamta, theu iy Babulon khumichi ai mymychi mary i nai, vaimy kaparyh ai. Huni bo baly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Mani samrang ly kai ai awi pajau ai mo?

JEREMIA 51:11

Areng ly Babulon mary y taphra ai nai tau nai deaungkho y, Media samrangchi ai kachyh nai ne. Huna nai kamta Areng ly mymy i Achura yhm taphra vui nai molam y vawitheung tha ai. Atiu thym nai tavaimi kamkawm miteaung kehchi my,” Nangchi i thailiho chynchi pasui u! Khopuichi py angvei u!

JEREMIA 51:14

Ati cheaungkhang sa thai keung Areng ly Babulon mary y tiu ai nai molam akhutama kanghu kamta, nawi parai nai khumichi ai kapalau ai, nanai mymy i amyn y vaineng abeu bo. Huni khumichi py eaung naira nga iy, aeu u sau ai.

JEREMIA 51:24

Areng my, “Jerusalem mary ai Babulon mary i khumichi my sa nai hawi y nairachi molam y, kaimy vawitheung tha nai ly nangchi nui u ai.

JEREMIA 51:25

Aw Babulon mary, nang ly khaileaung pri verei y taphra reng nai mawi hawi atawm; na i py kai Areng ly nang i paleung ka-e ne. Kai ly nang ai atheu iy khaileaung hawi vanrei padyh vui ai. Nang ai maidym lawm hai vui ai.

JEREMIA 51:30

Babulon tavaimi risachi ly tavai atiu u y naimy, mymychi i amtangrachi theung y naini awm u bo. Nichi ly paleung phra atho di naimy, neampachychi kamta lawm u nai ne. Mary apai katheuchi ly anawi pawn iy, yhmchi py mai y kang bo.

JEREMIA 51:36

Hunai deaungkho y Jerusalem mary i khumichi teng y, “Kai ly nangchi hawi ai nai molam, vawitheung tha pi ai. Babulon pri i tuikanchi hawi tavo micheaungchi kang hai ai.

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

JEREMIA 51:58

Atho haiho awm nai Babulon mary i mary apaichi ly anawi ai. Asang parai nai mary apai katheuchi py, mai y kang pawn ai. Khumi cheng cheaungkhangchi i sa nai atitichi ly atyhtyh teu bo i, nichi i atho sa nai ngireichi py, mai kangveaung y chau be ai. Hini ly ati cheaungkhang sa thai nai Areng i thui nai leu ne,” napi.

JEREMIA 51:6

Babulon mary i nai theu u! Nangchi ly kangheng tleaung ai nai theu u! Babulon mary i kamngo molam y dei u atyhtyh moh. Vai kai ly nichi hawi amlau nai kamngo pajeng iy vawitheung katha nai ne.

JEREMIA 51:64

Hunaibaly, ‘Babulon mary ly hina nai kamta tym ai. Areng my phra hai ai nai deaungkho y huni mary ly tup jo ai i, amteng ali teang ai ny y,’ nanai thui pi,” napi. Hini ly Jeremia i taviu nai leuchi tem bo.

TANGAM NAI LEU 5:6

Kaichi ly kaimychi heng ai nai i vui y, teicha teinei aleu pa-rei nga ai nai molam py, Aikupta pri hawi Asuria pri mang y chei iy cheaung ai nai tla bo.

Ezekiela 17:18

Huni samrang ly mymy i vaineng abeu nai ai tahm khai y iy ka-lyra leu sumneang akhai nai ai py taphra bo. Mymy ly vaineng abeu chum i py, hina naichi sa nai deaungkho y, ni ly vai law tleaung ai ny y,” napi.

Ezekiela 21:22

Huna nai khala, ‘Jerusalem,’ nanai tajiu nai ka-ma-ra thaicheng ly ni i lamtang kiu y tym bo. Huni thaicheng ly ni teng y mary apai taphra ai nai dengkeaung beangpuichi tai iy tiu ai nai leu pei nai tavai kachyh nai katyn aeu ai nai py, katheu taphra ai nai dengkeaung beangpui ai py, abyhra khaileaungchi taphum nai hawi abyhra amkeuchi tai ai nai py thaicheng my patei ai.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

MATTHAI 7:2

nangchi i neh nai kamta py ang neh pi teang ai.

LUKA 21:22

Satang tajiu nai bawibawi ly tym thai ai nai, huni kani ly vawitheung tha nai kani ne.

ROM AVANGCHI TENG Y PAWLA I CHA PA NAI 12:19

Ngai parai naichi awi, vawitheung atha u moh ly; “Areng my, ‘Vawitheung nanai ly kaimy tha ai nai tla, kaimy kaheung ai,’ napi,” nanai tajiu nai ne.

ROM AVANGCHI TENG Y PAWLA I CHA PA NAI 3:5

Na i py achi i hawi y naira ly Tameuh i hawi naira ai amteng hai ra baly, achi ly ati thui ai mo? Tameuh my khumi ai pajeng nai ly hawi y nai ne a? (Kai ly khumi i thui reng nai kamta kathui nai ne.)

Leu Thui Nai 32:35

Areng ly paleung ka-echi ai pajeng iy vawitheung tha ai; nichi i sum nai neng tym ai; nichi myh ai nai neng ly kasa bo.

Leu Thui Nai 32:41

Kai ly sadi nanai haisau kata iy, meitang naimy tara chih ai. Kai i paleung ka-echi ai vawitheung tha iy kai ai niu ngai y naichi ai ly pajeng ai.

Leu Thui Nai 32:43

“Cheng theaung khumichi awi, Areng i khumichi ai palo u; mymy ly mymy i khumichi ai padei nai keung ngiereichi ai ly pajeng ai. Mymy ly mymy i paleung ka-echi ai vawitheung tha ai, mymy ly mymy i khumichi i kamngo pahen pi ai,” napi.

II THESALONIKA 1:8

nangchi ai ngari patang hai nai keungchi ai ly ngari patang naira vawitheung tha ai nai hawi, nangchi ngari patang nai keungchi ai ly kaichi hawi anawn naira vawitheung tha ai nai ly Tameuh i mei ka-niu y ly meitang ne.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

JOSUA 6:20

Naibaly pathyp pi nai keungchi my baw eng phai eng baly, khumi bawibawichi ly tao pajeng parai pa-rei aeu u i, mary apaichi anawi seaungkhrang na bo. Israela cheng bawibawichi ly mary theung y rai y naimy kun u i, mary ai vym vui bo.

JOSUA 6:5

Naibaly pathyp pi nai keungchi ly baw raawi pajeng parai naimy tlenrei eng u ai nai tla. Huni baw katyn thai nai khumi bawibawichi ly tao pajeng parai naimy aeu u ai nai tla. Huna nai khala mary apai anawi ai i, tavaimi risa bawibawichi ly mychi awmra dengdairei, rai y nai my mary theung y kun ai nai nga u ai,” nanai leu pei bo.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.

AMTENG HAI NAI 18:6

Huni i chih nai kamta khyp my chih u teang, mymy i atiti sa nai kamta ly phy nyhrei heung u ly:mymy i atiti katlen yb nai khau y ly mymy i vui y phy nyhrei katlen hai u.

AMTENG HAI NAI 19:2

mymy i tara chih nai ngierei ly teng py teng, hawi py hawi; mymy ly neampchy kamleaung keh nai, ni i angai naira deaungkho y khaileaung pri ai kalu piupa nai keung ai ly tara chih iy, ni i kiu y mymy i miseaungchi i thi kavui y vawitheung tha pi bo,” napi nai kathai.

1 SAMUELA 15:33

Samuela my, “Nang i haisau hawi, amhm neangneangchi ly mychi i chanauchi sum u bo; huna nai y vai, nang i amhm py, my i chapo sum ai,” nanai thui i, Akad ai Kilakala mary i maicham mo y tawp piupa bo.