JEREMIA 50:11 - Khumi Common Language Bible

¹¹ Areng my leu pei nai ly “Babulon mary i khumichi awi, nangchi ly kai i pri ai lawm u bo. Nangchi ly choh ati nai si nu kamta py, hang nai keaungngo kamta py, amo theu naimy aki aleaung u teu i py,

JEREMIA 50:11 ပူးပေါင်းရင်းမြစ်များ

SAM 22:12

Kai i paleung ka-echi ly Bashan meingtym i ka-jei awm parai nai si kataichi kamta, kai ai ang taki na bo.

LEU KACHENG 17:5

Khumi kamawnchi ai panui pachem hai nai khumi ly nichi ai sa nai keung Tameuh ai thui tamawn nai ne. Amichi i khym taham kasi avum nai khala, amo theu reng nai khumi ly kamngo pajeng naira avum ai.

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

ISAIA 47:8

“Nang saw ala ai ngai nai khumi awi, amymy ai chymme bo, nanai khumi awi, hini leu tangai ba. Kai ly Tameuh tanrei len nanai py kai ka-tawm khumi ly by y, nanai py nang thui bo. Nang ly mana khala py lumai lawm ai ny y, mana khala py cho chanauchi alai vai ai ny y nanai py, nang ly athang khai bo.

JEREMIA 12:14

Areng my, “Kai i khumi Israela chengchi teng y amtym ai pei nai pri ai, phra seaungkhrang hai nai Israela pri yhm deaungpa prichi molam y kai thui ai nai awm. Kai ly huni khumi hawi y naichi ai tangjyn akheaung nai keungdichy kamta, nichi pri i nai akyn vui ai. Juda pri ai nichi kiu i nai atleu ai.

JEREMIA 46:20

Aikupta pri ly tosyh mang i saimawm my kei nai veung hawi nai si nu hawi atawm.

JEREMIA 46:21

Alai nai tavaimichi malawn py si chochi kamta jeaungmang u nai ne. Nichi ly amtang u y naimy angpreng u pawn bo. Nichi sum u ai nai kani, taham kasi avum ai nai neng kani ly tym dudu nai ne.

JEREMIA 5:28

Bym pa-rei cha ai nai nga iy veung py hawi u bo. Nichi ly hawi y naichi ai tem-ma by y pa-rei sa u nai ne. Nuro nukaichochi ai nichi i nga ai avo nai phychi py pei pi y. Pahyp y naimy ana naira avum naichi ai py, adyh adawi hai y.

JEREMIA 5:8

Nichi ly kajeu kawi iy po chiu nai keaungngo kasichi kamta, hang naimy yhm deaungpachi i ajuchi ai ngai tahau nai ne.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

TANGAM NAI LEU 1:21

“Kai i tangam nai raawichi tangai pi ba. Kai ai awmnem naira pei pajau nai khumi leaungrei py by y. Nang ly kai ai khri pa-rei ka-jeira avum hai nai deaungkho y, paleung ka-echi amo theu u nai ne. Nangmy i leu adeu nai neng kani tym hai kyh ba. Paleung ka-echi i tlang tleaung y kai kamta, patang naira avum hai kyh ba.”

Ezekiela 35:15

nang phra nai thym khala py, khaileaung pri verei amo theu u ai nai, kai ly nang ai khumi angso savai tlang nai meingtym lawm hai ai. Seira mawi napi nai Edom pri verei ly khumi angso savai tlang nai meingtym lawm ai. Huna nai khala kai ly Areng ne, nanai khumi lutengchi my pany ai,” napi.

Ezekiela 36:5

Sa thai naira angym nai kai, Areng ly tengpang prichi hawi, Edom pri tlang tleaung y khrikhri pa-rei kado theu hai i, hina nai leu thui bo. Nichi ly kai i pri y mei anui y nai paleung, amo theu seu nai paleung hawi sui tlairachi raurei, kai i pri la u vui nai ne.

HOSEA 10:11

“Vaichi khala Israela chengchi ly amtiu yb iy, choh ati ai nai khai yb nai si nu tanglo hawi atawm. Na i py kai ly ni i apu parai nai kaneaung y tamtleang tang iy kalop sa hai ai. Kai ly Juda chengchi ai li thawn hai iy, Israela chengchi ai khaileaung padyh hai ai.

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

OBADIA 1:12

Nang ly Juda pri i nangmy i amjo amnauchi, taham kasi avum nai ai paleung ateng hai ai nai avo y. Nichi phra nai kani y amo theu ai nai avo y. Nichi paleung bi u nai thym khala nang ly amlyh ai nai avo y.

HABAKKUK 1:15

Babulon chengchi ly khumichi ai ngo kamta sakawichi hawi patiu u bo. Nichi ly khumichi ai paleupychi hawi ryh iy patiu thai nai deaungkho y, amo theu nai aeu u sau bo!

ZEKHARIAH 14:12

Areng ly Jerusalem mary ai tiu nai khumi cheng cheaungkhangchi tlang tleaung y, ka-jei awm nai no kanghawi tym hai ai. Nichi ly heng nai thym khala y my, ngan tlangchi veaung ai. Nichi i meichi hawi palaichi py veaung ai.

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.