JEREMIA 50:10 - Khumi Common Language Bible

¹⁰ Babulon pri ly lawm naira avum ai. Lawm nai khumichi py mychi i ngai nai vawnsai ngiereichi la u ai. Hini ly kai, Areng i thui nai leu ne,” napi.

JEREMIA 50:10 ပူးပေါင်းရင်းမြစ်များ

ISAIA 33:4

Nichi i yhmtheaung katuichi ai py, tavai atiura i abawi nai vawnsaichi kamta palawn iy, lawm pi pawn nai avum u ai.

ISAIA 45:3

Vengpam naira y khai nai yhmtheaung katuichi hawi, ka-vymra y kryme nai vang katengchi, nang ai kang pei ai. Huna nai khala y kai ly Areng ne nanai, Israela chengchi i Tameuh ly nang ai vawi takhra iy khai nai ne nanai, nang pany ai.

JEREMIA 25:12

Naibaly kai ly Babulon samrang hawi khumichi teng y, mychi i sa tamang nai kamngo molam y pajeng ai. Nichi i pri ai taphra iy deungtasarei phra naimy awm hai ai.

JEREMIA 27:7

Ni i pri phra nai neng tym y ryrei ly khumi cheng cheaungkhangchi ai ni i miseaung y py, ni i chapo hawi ni i katu i miseaung y py achei hai ai. Naibaly ni i khumi cheng ly sa thai naira len nai chengchi hawi samrangchi i miseaung y achei u ai.

JEREMIA 50:26

Huni mary ai cheaungkhangra mang tiu u. Chohpaichi taphra u! Tiu lawmra i nga nai vawnsaichi ai, choh pakheng achu nai kamta pakheng achu u! Mary py taphra u! Ati sai py khai moh!

JEREMIA 50:37

Nichi i keaungngochi hawi tavai ka-richi taphra u! Alai nai tavaimi risachi ly dei u ai. Nichi ly khri pa-rei atho bai u na bo! Babulon mary i yhmtheaung katuichi taphra u; Hunichi ai lawm u.

JEREMIA 51:24

Areng my, “Jerusalem mary ai Babulon mary i khumichi my sa nai hawi y nairachi molam y, kaimy vawitheung tha nai ly nangchi nui u ai.

JEREMIA 51:35

“Kaichi i tlang tleaung y tym nai khrukhra nairachi ly Babulon mary y py tym sy!” nanai Zion mary i khumichi thui u sy. “Kaichi i tlang tleaung y tym nai patang nairachi ly Babulon mary y py tym sy!” nanai Jerusalem mary i khumichi thui u sy.

Ezekiela 11:24

Paleung mei y niu nai theung y, Tameuh i phailo ly kai ai kateang kalau iy, pri palara avum nai khumichi awm nai Babulon pri mang y ang tha ali teang. Naibaly paleung mei y niu nai ly jum dudu bo.

HABAKKUK 2:8

Nangchi ly pri neangneangchira i khumichi ai tiu iy lawm u bo. Vai dei kamthum khumichi ly nangchi my khumi ai padei nai molam py, khaileaung pri i khumichi hawi, marychi ai tiu nai molam py, nangchi ai tiu iy lawm u ai.

AMTENG HAI NAI 17:16

Naibaly nang i niu nai taki horei hawi mawi kasi my py neampachy kamleaung ai niu ngai y ai i, ni ai ly ati sai py ny y nai hawi tlang ka-keu naimy khai ai, ni i ngan py cha u ai i mymy ai mai y kang hai bebe ai.