JEREMIA 50:1 - Khumi Common Language Bible

¹ Areng ly Babulon mary hawi huni pri i khumichi molam y, kai teng y leu ang pei nai ne. Mymy ly

JEREMIA 50:1 ပူးပေါင်းရင်းမြစ်များ

ATITI AWM ANGCHEI NAI 10:10

Mymy i peang angchei nai khu theung y ly Babulon mary, Erech mary hawi Akad Marychi abawi nai ne.

ATITI AWM ANGCHEI NAI 11:31

Terah ly chapo Abram, katu Lotachi hawi lengngo Saraichi ai hawi iy, Kanan pri y chei ai nai Babulon pri Ura mary i dengdairei amsa i, Haran mary y tym iy, huni mary y khuteng sa.

ATITI AWM ANGCHEI NAI 11:9

Areng my khumichi ai leu athli hai piupa vui nai deaungkho y huni mary pui ai ly Babulon, nanai palau bo. Hu i dengdairei nichi ai khaileaung pri verei y ahei hai akyhkyh vui nai ne.

2 SAMUELA 23:2

Areng i phailo ly kai mang dengdairei leu pei bo; mymy i leu ly kai i labeaung teng y awm.

2 ARENG KEH 17:24

Asuria empara samrang ly Babulon mary, Kuth mary, Ivah mary, Hamath mary hawi Sepharvai marychi ra i khumichi ai ly pri pala naira avum nai Israela chengchi i marychi ra y awm hai bo. Nichi ly Samari pri marychi ai peang iy, hu y khuteng sa u nai ne.

JOBA 1:17

Huna nai huni khumi ny thui pi i, leu tem y rai khala my takhra miseaung leaungrei tym bi i, “Khalidedamra kamkawm thomrei ly kaichi ai ang tiu i, kula-iuchi la pawn bo; nang i miseaungchi ai padei pawn nai deaungkho y, kaimy leaungrei naini tleaung khyh i, areng nang teng y kang jeu iy, satang kang thai hai nai ne,” napi.

ISAIA 14:4

Huna nai kamta mymy sa nai khala y, nichi ly Babulon samrang ai panui hai iy, “Pahyp y naimy ana nai samrang ly dei bo! Ni ly vai mo mang y amimi ai py ana ai nai nga bi ai ny y!

ISAIA 23:13

(Turu mary ai daichi mawichi awm naira lawm hai nai khumichi ly Asuria chengchi ny y, Babulon chengchi ne. Nichi ly amtangra mary, angdeangrachi sa chum baly, amtangrachi ai panawi naimy Turu mary ai taphra iy khai su bo.)

JEREMIA 25:12

Naibaly kai ly Babulon samrang hawi khumichi teng y, mychi i sa tamang nai kamngo molam y pajeng ai. Nichi i pri ai taphra iy deungtasarei phra naimy awm hai ai.

JEREMIA 27:7

Ni i pri phra nai neng tym y ryrei ly khumi cheng cheaungkhangchi ai ni i miseaung y py, ni i chapo hawi ni i katu i miseaung y py achei hai ai. Naibaly ni i khumi cheng ly sa thai naira len nai chengchi hawi samrangchi i miseaung y achei u ai.

DANIELA 1:1

Juda samrang Jojakim my peang nai pa-thom saneng y, Babulon samrang Nebukhadnezar ly Jerusalem mary ai tiu i, katanmeuh bo.

AMTAW 7:4

Hunaibaly mymy ly Kaldai khumichi pri i dengdairei theu i, Haran avang y awm bo; naibaly mymy i ampo dei nai bo y hu i dengdairei vai hini nangchi i awm nai pri y Tameuh my ni ai angpyn hai bo.

II PETERA 1:21

Thui rym nai leu ha py khumi i kangai y theu vai y leang: huni ny y naimy Phailo Kachai my khumichi ai dawn hai iy Tameuh teng i dengdairei thui nai ne.

AMTENG HAI NAI 14:8

Naibaly huni bo y kani pri i amtaw thau nai takhra pa-nyh i nai ly, “Babulon avang kalen pui, cheng bawibawichi ai mymy i angai naira deaungkho y kado theu naira kreip athai hang nei hai nai ly anawi veng bo, anawi veng bo,” napi.