JEREMIA 5:31 - Khumi Common Language Bible

³¹ amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 5:31 ပူးပေါင်းရင်းမြစ်များ

1 ARENG KEH 22:6

Hunai deaungkho y Ahab ly amo leaung 400 virei ai palau iy, “Kai ly Ramoth mary y tiu ai nai avo a, avo y a?,” nanai deng. Amochi my, “Huni mary ai tiu ba; Areng my nang ai eaung hai ai mang,” napi u.

LEU KACHENG 17:4

Khumi hawi y naichi ly hawi y nai leu tangai u reng. Tapawp reng nai khumichi ly ka-chawi leu tangai u reng nai ne.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 20:6

Huni neng tym nai khala y Philistin tavo peang y awm nai khumichi ly “Kaichi ai Asuria samrang teng i nai ama hai ai nai, kaichi my paleung pado nai khumichi i avum nai sai ai khen u cham! Kaichi ly ati mana nai y dei y naimy katleaung u thai ai mo?,” nanai thui u ai.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 43:27

Nangchi i jangni i amsi pajoly kamngo sa nai ne. Nangchi i lu sa naichi my kai i tlang tleaung y kamngo sa bo.

ISAIA 47:7

Mymy ly samrangnu lawm jo naimy awm ai, nanai athang khai i, hini atitichi dawndan y. Hunichi ati mana tem ai mo, nanai py dawn y.

JEREMIA 12:4

Kaichi i pri ly jengha nai mana tanrei kra iy, li hlauchira i achachi py, mana tanrei kakra ngamchi ajawi ai mo? ‘Kaichi i sa nai ly Tameuh my niu y leang,’ nanai thui u nai hini pri khumichi i hawi y nai molam y, tavochi hawi daichi mawichi dei nai ne.

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 26:7

Pathyp pi nai keungchi, amochi hawi khumi bawibawichi ly Achura yhm theung y, kai i thui pi nai leuchi thai u nai ne.

TANGAM NAI LEU 1:9

Ni i chai y nai sai niu hawihai pajau teu i py, ni ly my i avum nai khym taham ai dawndan y. Ni i phra nai sai ly ka-jei hawi parai na. Ami my py awmnem naira pei pajau y. Ni ai paleung ka-echi my pajau vui nai deaungkho y, ni ly pahen naira nga ai nai Areng teng y hnei takeng bo.

TANGAM NAI LEU 2:14

Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.

TANGAM NAI LEU 4:13

Na i py huna nai tiu naimy kun nai ly tym chum veng bo. Ati mana nai mo na baly mary i amochi hawi pathyp pi nai keungchi ly kamngo sa tamang u iy, kamngo by y naichi dei u nai deaungkho y ne.

TANGAM NAI LEU 4:18

Paleung ka-echi ly kaichi ai ajeng i, khen patawm nai deaungkho y, kaichi ly lam y aki aleaung vam y. Kaichi i neng kanichi ly dym veng bo; kangkhym kani tym veng bo.

Ezekiela 13:10

“Amochi ly cheaungkhangra y hawi angym bo, nanai thui iy kai i khumichi ai tapawp u bo. Ati cheaungkhangra y hawi angymbe y leang! Kai i khumichi ly angkadeng pajui y nai lengseaung mary apaichi sa i, amochi ly jeu iy theung kangleung pajui u bo.

Ezekiela 13:6

Nichi i paleung mei y niu naichi ly kateng ny y iy, nichi i thui yb nai amo leuchi py ka-chawi leuchi ne. Areng i leu pei nai ne, nanai thui u i py, huni leu ly kaimy pei nai ny y leang. Na teu i py nichi thui nai kamta tym khyp ai, nanai athang khai u lawh ly!

Ezekiela 22:14

Nang ai kaimy pajeng chum baly, nang ly sorai paleung awm rai na a? Nang i kiu pheu ai nai atho awm rai na a? Kai, Areng my leu pei nai ne; kai ly kaimy i leu pei nai kamta kasa khyp ai.

HOSEA 4:9

Nangchi ly mipuichi kamta, pajeng naira avum ai! Kai ly nangchi ai pajeng ai. Nangchi ly nangmychi i kamngolai amtym u ai.

HOSEA 6:10

Israela khumichi i amso ngai nai kalop ai, kai ly niu nai ne. Kai i khumichi ly mynchi ai chiu u iy, mymychi ai chai nem hai y bo.

HOSEA 9:5

Nichi ly Areng ai tahm khai naimy palo ai nai, khai takhra nai pawi kanichi neng tym baly, ati mana sa u ai mo?

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

MIKHA 2:6

Khumichi my, “Kaichi teng y leu thui pi moh, huni satangchi thui moh, Tameuh ly kaichi teng y kangji kangai hawi taham si naira tym hai ai ny y leang.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

ZEPHANIAH 3:4

Amochi ly kalop so y nai, ka-ym by y naichi lawm u bo. Pathyp pi nai keungchi ly meingtym kachai y chai hai y i, Tameuh i reita leu pei naichi ai mymychi i vui hawi ai naira mang y pahi iy, thui pachai u bo.

Leu Thui Nai 32:20

Areng my, ‘Hini khumichi ly paleung tang iy, ka-ym by y naichi ne; kai ly nichi ai kasabawm y leang bo,’ ‘Naibaly nichi ati lawm u na mo, nanai kakhen cham ai.

Leu Thui Nai 32:29

Nichi ly ati mana nai y tavai sum u nai mo, nanai pany u y; ati mana nai deaungkho y mo, nanai py dawn pajau y.