JEREMIA 5:24 - Khumi Common Language Bible

²⁴ Neng tleirei khuma kani hawi, kangkhym kani nai hai iy saneng tleirei, amti amjang pakym achu ai nai neng sa pi nai keung kai ai nangchi ly tahm khai u vai y.

JEREMIA 5:24 ပူးပေါင်းရင်းမြစ်များ

ATITI AWM ANGCHEI NAI 8:22

Khaileaung pri awm nai ryrei ly hlau sa nai neng, amti amjang pati nai neng, cho tyn nai neng, bi nai hawi savai nai, kaseih, kani pui, nicho, kani thun hawi vum awm jojo ai,” napi.

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

JOBA 29:23

Li hlau sa naichi ly kanipui tym en nai kanitui kadeaung nai kamta, khumi bawibawichi ly kai i leu ajeng naimy awm u nai ne.

JOBA 38:37

Khupanymchi ai kati ai nai spryh ai khaileaung akawi lawm hai ai nai,

JOBA 5:10

Mymy ly khaileaung y kani nai hai iy, li-prangchi salo y tui lei pi bo.

SAM 147:8

Mymy ly kani mang y khupanymchi hawi khiu; khaileaung y kani nai hai iy, mawichira y achachi prau hai bo.

SAM 65:9

Nang ly kanitui pala pi nai deaungkho y, khaileaung ai kry, nanai pany hai bo; khaileaung ai khaileaung kathau kawi hai na bo. Nang ly tavo micheaungchi ai tui kawi hai; khaileaung y amti amjangchi thawn hai bo. Nang i sa nai saichi ly hina nai kamta ne;

ISAIA 64:7

Nang i amyn y nang teng y leaungrei py chiu so y. “Sabawm kyh ba,” nanai leaungrei py hnei ai nai jeu y. Kaichi i kamngochi deaungkho y, nang ly meimai hi vui iy kaichi ai khai su bo.

JEREMIA 10:13

Mymy leu pei nai khala y kani khusang salo i tuichi ly katyn amsau na bo. Mymy ly khuteng taki i dengdairei, khupanymchi sau hai nai ne. Kani nai thym khala amlosadichi theu hai iy, mymy paeaung naira i alichi ai py aho hai bo.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JEREMIA 5:22

Kai ly Areng ne. Nangchi ly ati mana nai y kai ai jei u y nai mo? Kai i mo y ati mana nai y kaso theu u y mo? Kai ly pangli i vui khujyh, pangli tui sadawn pajau y ai nai khujyh kakhaw ly speungchi hawi jyh pi nai ne. Pangli ly tui sampyh len teu i py, huni khujyh ai ly sadawn pajau y. Tui sampyhchi ly amsau na teu i py, huni khujyh katlen pajau y nai ne.

JEREMIA 50:5

Nichi ly Zion mary mang y chei nai lam deng iy, huni mary mang y chei u tapai ai. Nichi ly kai hawi deungtasarei Leu Maikawm asa iy, huni Leu Maikawm ai mana khala py taphra u ai ny y.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

JOELA 2:23

“Aw Zion mary i khumichi awi, amo theu u; nangchi tlang tleaung y nangchi i Areng Tameuh my ang sa pi nai sai molam y amo theu u. Mymy ly nangchi ai kaseih kani angym pa-rei nai hai bo. Kaseih khei nai kani ai py, vaichi khala i kamta nai hai iy, kanipui kamteaung kani ai py, nangchi teng y nai hai bo.

AMOS 4:7

Nangchi i amti amjangchi i vui kanitui ngai keh nai neng khala y, kai ly kani khang hai vui bo. Mary hareira y naini kani nai hai iy, vai mary hareira y ly kani nai hai y nai keung ly kai ne. Li hareira y kani nai hai iy, vai li hareira y ly jengha nai ne.

ZEKHARIAH 10:1

Nisa theu nai khala y kani nai hai ai nai, Areng teng y hnei u. Khupanymchi pato ly kani nai hai iy khumi neangneangchi i vui, li hlauchira y amti amjang thawn hai nai keung ly Areng ne.

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

AMTAW 14:17

Na i py mymy i pany hai naira by y nai ly awm vai y leang, huna nai atiti kahawi ang sa pi reng, kani mang i dengdairei kani nai nai hawi, saneng pa-tiu kahawichi ang pei iy, cha ai nai hawi kawn naira hawi nangchi i paleung y ang kawi hai nai ly,” napi.

Leu Thui Nai 28:12

Mymy ly kani katheu paeaung iy kanikhu hawi hai ai i, nangchi i sa nai tleirei eaung hai nai deaungkho y, nangchi ly pri neangneangchi teng y piu paseng ai; na i py nangchi ly mani pri i py piu la ai ny y.

JAKOB 5:7

Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.

AMTENG HAI NAI 11:6

Naibaly nini leu thui hawi nai sala ryrei ly kani nai y ai nai kani khang hai thai nai sa thai naira awm hawi: naibaly nini i ngai nai neng tleirei y tui ai thi palawn ai nai hawi, khaileaung pri y ly patang hai naira cheaungkhang tym hai ai nai py sa thai naira awm hawi mei.