JEREMIA 5:17 - Khumi Common Language Bible

¹⁷ Nichi ly nangchi i thengthaichi hawi teicha teineichi cha nei iy, nangchi i cho chanauchi ai tleh u ai. Nichi ly nangchi i beram kanghu hawi si kanghuchi cha u ai. Nangchi i kreip keungchi hawi thaidu keungchi taphra pawn ai. Nichi i tavaimi kamkawm ly nangchi i a-ym nai amtangra mary kakhawchi taphra pi pawn ai.”

JEREMIA 5:17 ပူးပေါင်းရင်းမြစ်များ

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

ISAIA 62:9

Na i py amti amjangchi ui iy pakym achu nai nangchi naini hunichi cha u naimy Areng ai palo u ai. Kreip athaichi kry iy athai jaw nai nangchi naini, kai i Achura yhm apai theung y, kreip hang nei ai nai nga u ai.”

ISAIA 65:22

Kreip hang py takhra khumichi nei ai nai nga u ai ny y. Kai i khumichi ly dengkeaung kamta heng sau u ai. Nichi ly mychi i kalop sa nai lawi bym pa-rei cha ai nai nga u ai.

JEREMIA 1:15

Kai ly tosyh mang i khumi cheng cheaungkhangchi ai kapalau bo,” nanai Areng my leu pei nai ne. Nichi i samrangchi ly jeu iy, mychi i samrang atehra ai Jerusalem mary ka-ki hawi, mary apai katheu pa-khochi sahawi y py, Juda marychi tengpang sahawi y py, khai u ai.

JEREMIA 4:26

Areng i khri pa-rei kado theu nai haiho molam y paitiu khuta hawi nai pri ly tui by y nai daichi ka-vym lawm iy, marychi py phra seaungkhrang veng bo.

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 5:18

Areng my, “Huni neng kanichi khala malawn py, kai i khumichi ai katamyh be ai ny y.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 50:7

Nichi ly mychi hawi avum nai khumi bawibawichi my tiu nai avum u nai ne. Nichi i paleung ka-echi my, ‘Huni khumichi ly Areng i tlang tleaung y tamang u nai deaungkho y, nichi ai kaichi i sa nai sai ly tamang y; nichi i amsi pajochi ly Areng ai ym nai khumichi ne nai deaungkho y, mymychi kypkyp py mymy i tlang tleaung y ka-ym awm ai tla nai ne,’ nanai thui u bo.

JEREMIA 8:13

“Li hlau sa nai khumi ly my i amti amjangchi pakym achu nai kamta, kai Areng ly kaimy i khumichi ai pakym achu ai nai ngai. Na i py nichi ly ngamchi ajawi iy athai by y nai kreip keungchi, athai y nai thaidu keungchi hawi atawm nai ne. Hunai deaungkho y kaimy kang pei nai pri ly cheng takhrachi kiu y tym hai veng bo.

JEREMIA 8:16

Paleung ka-echi ly tosyh mang y awm nai Dan mary tym pa-rei tym u i, nichi i keaungngochi i noseng eng nai katyn achi thai bo. Nichi i keaungngochi hang nai khala, pri verei kasotheu u nai ne. Nichi ly achi i pri hawi achi i pri y awm nai ngierei, achi i mary raurei, mary i mipuichi ai tamyh pawn ai nai ang tym u nai ne,” nanai thui u bo.

TANGAM NAI LEU 2:12

Nichi ly kajeu alam, tui ahai nai deaungkho y, amhmchi teng y vo u. Nichi ly tamochi nga nai kamta, lamchira y atlym u i, amhmchi i paleung tleaung y dei u dudu bo.

TANGAM NAI LEU 2:2

Areng ly pahen y naimy Juda avang bawibawichi ai taphra pawn iy, Juda pri ai khaw hai nai amtangrachi py, panawi seaungkhrang vui bo. Mymy ly hu y peang nai keungchi hawi, pri ai py tahm anem hai vui bo.

Ezekiela 36:4

Hunai deaungkho y Israela mawichi awi, sa thai naira angym nai kai, Areng i leu pei nai tangai u. Tengpang sahawi i prichi my tiu nai, panui hai naichi avum iy khumi angso savai tlang nai marychi, phra seaungkhrang nai meingtymchi, mawichi, tavo micheaungchi hawi leaunghawichi teng y, sa thai naira angym nai kai, Areng my hina nai leu pei nai ne.

HOSEA 2:12

Ni i tavawichi my langseaung palawn iy ni ai pei nai kreip keung, thaidu keungchi py, kaimy taphra pi vui ai. Kai ly ni i kreip akho hawi thengthai akhochi ai, daichi mawichi my taphra nai deaungkho y, kabeng aleng kawi nanai meingtym lawm hai ai.

HOSEA 8:14

“Israela khumichi ly samrang yhmchi sa u teu i py, mychi ai sa nai keung ai tami u bo. Juda khumichi ly khaw parai nai marychi sa u. Na i py kai ly nichi i samrang yhmchi hawi marychira y, mai tla iy kang hai ai.”

JOELA 2:3

Akhu-tamachi ly amti amjangchi ai mai kamta cha bo. Khaileaung ly nichi i mo y Eden akho hawi atawm iy, nichi i lawi ly amti amjang by y nai, khutaha meingtym hawi atawm. Nichi teng i dengdairei law tleaung nai amti amjang, nanai by y.

Levi 26:16

kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

ZEPHANIAH 3:6

Areng my, “Kai ly khumi cheaungkhangchi ai, kataphra be veng bo. Nichi i marychi ai kataphra pawn iy, mary apaichi, amtangrachi ai py phra seaungkhrang hai bo. Marychi ly khumi angso savai tlang iy, lamchi ra py aleaung ali nai by y, khumi leaungrei py by y leang bo.

MALAKHI 1:4

Esaw i katu chanau Edom khumichi my, “Kaichi i mary ly phra pawn teu i py, hunichi ai kaichi my palum teang ai,” nanai thui u lawh teu baly, ati cheaungkhang sa thai nai Areng ly” Nichi so u palai teang teu sy; huni marychi ai kaimy taphra teang ai. Khumichi ly huni khumichi ai “Kamngo chochi” nanai py, Areng my kado theu hai jojo nai chengchi, nanai py palau ai,” napi.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.