JEREMIA 5:12 - Khumi Common Language Bible

¹² Areng i khumichi ly mymy i satang tengtang y naimy thui u nai ne. Nichi my, “Mymy ly ati sai py ang dawn hai ai ny y. Achi py ngari kamtang avum u ai ny y. Tavai ka-jeira hawi takang py avum ai ny y,” nanai thui u.

JEREMIA 5:12 ပူးပေါင်းရင်းမြစ်များ

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

SAM 10:6

“Kai ly mana khala py sum y ai; mana khala py patang ai ny y,” nanai amy tlairei katheu reng.

SAM 14:1

Khumi ka-khumchi my, “Tameuh by y,” nanai dawn iy athang khai u nai ne. Nichi bawibawi ly sa nai sai hawi y i, amso ngai nairachi sa u; kahawi sa nai khumi leaungrei py by y.

LEU KACHENG 30:9

Kai ly ngai nai tleaung y nga panawi lawh teu baly, nang ai khai su lawh na. Kamawn lawm lawh teu baly kangviu kasa ai i, kai ly Tameuh i amyn amso ngai hai lawh ai.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

JEREMIA 28:4

Kai ly Jehojakim i chapo Juda samrang Jehojakhin ai py, Juda pri i dengdairei Babulon pri mang y abawi jo nai, langheng hawi nai khumichi hawi vanrei, kahawi ali teang ai. Ne, Babulon samrang i sa thai naira kataphra takengkei ai. Hini ly kai Areng i thui nai leu ne,” napi.

JEREMIA 4:10

Huna nai khala kai ly “Aw Areng, nang ly Jerusalem mary i khumichi ai li-tapawp vui lawh ly! Tlamsa naira nga ai, nanai nangmy leu pei i py, vai ly nichi i kaneaung y haisau padawi lawh bo,” napi.

JEREMIA 43:1

Kai ly khumichi teng y thui pi ai nai nichi i Areng Tameuh my pato iy taviu nai leuchi thui pi chum nai khala y,

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 6:14

Nichi ly kai i khumichi i tamo kalemchi ai, tahm pateng pi y naimy hawi sa pi. ‘Ati mo ra py amsym y pui naimy, amsyn teu,’ napi u bo.

Ezekiela 13:6

Nichi i paleung mei y niu naichi ly kateng ny y iy, nichi i thui yb nai amo leuchi py ka-chawi leuchi ne. Areng i leu pei nai ne, nanai thui u i py, huni leu ly kaimy pei nai ny y leang. Na teu i py nichi thui nai kamta tym khyp ai, nanai athang khai u lawh ly!

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

Leu Thui Nai 29:19

Vaini hini leu pei naichi thai u nai bo y, amy i kangai sa veangveang nai ly ati cheaungkhangra y hawi nga ai, nanai ym nai khumi awm moh sy; na i py nangchi theung y khumi kahawi py, khumi hawi y nai py, bawibawichi ly tama rau ai.

I JOHAN 5:10

Tameuh i Chapo ai ym nai khumi ly amy teng y huni pany hai naira awm; Tameuh ai ym y nai khumi ly Tameuh my mymy i Chapo i satang pany hai nai ly ym y nai deaungkho y, ni ai ly ka-chawi thui nai keung palawn nai teu.

1 SAMUELA 6:9

Ka-ri ly mani mang y chei mo, nanai khen u patawm; Beth Sheme mary mang y chei lawh baly, Israela chengchi i Tameuh ly achi tlang tleaung y, ka-jei awm parai nai no mi tym hai ai, nanai pany u; na i py ka-ri ly huni mary mang y chei y lawh baly, mymy ly achi teng y no mi tym hai ai ny y; no mi ly mymy ngai ngai ang tym nai ne, nanai achi pany u ai,” napi.