JEREMIA 49:36 - Khumi Common Language Bible

³⁶ Kani mang khuteng taki palyhra i dengdairei aho nai ali ly Elam pri mang y aho hai iy, khumichi ai meingtym tleirei y ahei hai ai. Huni patang nai khumichi tym y nai pri harei py awm ai ny y.

JEREMIA 49:36 ပူးပေါင်းရင်းမြစ်များ

SAM 147:2

Areng ly Jerusalem mary ai sa palum teang iy, pri takhra y awm u nai Israela chengchi ai palau ali teang bo.

ISAIA 11:12

Mymy ly amprei phro nai Israela khumichi ai py, ahei phro nai Juda khumichi ai khaileaung taki palyh dengdairei kachu ali teang nai ai py, pany hai ai nai Areng my patei nai tamkhawn theaung ai.

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 56:8

Mymy i khumichi ai pri pala naira i dengdairei, mychi i pri y palau ali teang nai Areng ly takhra khumichi ai py, huni khumichi hawi vanrei amkawm iy awm ai nai pahawi ai.

JEREMIA 30:17

Nangchi i paleung ka-echi my, ‘Zion mary ai ly nyn va veng bo. Huni mary ai ami py dawndan y leang bo, nanai thui u i py, kai ly nangchi ai hawi hai ali teang ai. Nangchi i tamo kalemchi tha hai ai. Hini ly kai Areng i thui nai leu ne,” napi.

JEREMIA 49:32

“Nichi i kula-iuchi hawi tawnbawichi lo u! Kai ly sam kadawi vau naichi ai meingtym tleirei y ahei hai iy, meingtym tleirei y ka-jeira avum hai ai.

Ezekiela 5:10

Naibaly Jerusalem mary i amhm ampochi ly mymychi i cho chanauchi ngan cha u ai; cho chanauchi my py mychi i amhm ampochi i ngan cha u teang ai. Nangchi i dei kamthumchi ai py kai ly pajeng iy, meingtym tleirei y ahei hai ai.”

Ezekiela 5:12

Nangchi theung i phy thomrei y phyrei khumichi ly marychi theung y no kanghawi, kajeu kanglam y dei u ai. Takhra phy thomrei y phyreichi ly mary angam mang y haisau tamo y dei u ai. Huni bo i phy thomrei y phyrei ai ly ali theung y pakheang pawn iy kaimy haisau hawi tleh ai.

DANIELA 11:4

Na i py ni i sa thai naira khri pa-rei len nai thym khala y, empara pri ly phra iy phy palyhrei lawm vui ai. Ni i kangpreang ny y nai khumichi ly huni pri y peang u ai. Na i py nichi ly huni samrang tanrei, sa thai naira awm ai ny y.

DANIELA 8:22

Huni taki tleu vui nai khala y sai nai taki palyhreichi ly huni pri i dengdairei amprei ai nai pri palyhreichi ne. Na i py huni prichi ly angchei i pri tanrei, sa thai naira awm u ai ny y.

DANIELA 8:8

Mi-i ly paleung len tleaung len ra bo. Na i py ni i sa thai naira len parai nai neng tym nai khala y, ni i taki ly tleu vui i huni taki meingtym y, khuteng taki palyhrei mang y lyh ai hawi nai taki palyhrei sai bo.

AMOS 9:9

“Paho tleaung y chohnei alai nai kamta, kai i leu hawi Israela khumichi ai alai vui ai. Khumi cheng cheaungkhang theung y alai chum baly, ataing y nai khumi ngiereichi ai ly kaimy charyh vui ai.

ZEKHARIAH 6:5

kani pri amtaw thau naimy, “Hunichi ly ali amjy palyhreichi ne; huni alichi ly khaileaung pri verei y peang nai keung Areng mo i dengdairei vai, theu u naichi ne,” nanai pathang.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.

AMTENG HAI NAI 7:1

Huni bo y kacheng y hawi, pangli y hawi, dengkeaung ngierei y py ali my hm y ai nai, khaileaung i ali palyhrei paka naimy kani pri i amtaw thau nai leaung palyhreichi ai ly khaileaung taki palyhrei y angdo nai kaniu.