JEREMIA 49:16 - Khumi Common Language Bible

¹⁶ Nangchi i amlyh am-e naira my, nangchi ai ang tapawp bo. Nangchi i athang khai nai kamta, ami py nangchi ai jei u y leang. Nangchi ly mawi saleungra i lengseaung ka-sang salo y awm u nai ne. Na i py hunai kamta ahmtlau tanrei ka-sang y awm u teu i py, Areng ly nangchi ai pala kathiu ai. Hini ly Areng i thui nai leu ne.

JEREMIA 49:16 ပူးပေါင်းရင်းမြစ်များ

2 ARENG KEH 14:7

Amazia ly palawi leaunghawira y Edom tavaimi leaung 10,000 reichi ai padei. Ni ly Selah mary py peang vui iy mary amyn py palai vui i, Jothela mary nanai vaini khrairei palau jo nai ne.

JOBA 39:27

Amhmtlau ly mawi ka-sangchira y tabu sa ai nai molam, nang i leu pei nai ajeng reng a?

LEU KACHENG 16:18

Amlyh am-e parai nai ly phra naira mang py, paleung len naira ly atlym naira mang py, pahawi nai ne.

LEU KACHENG 18:21

Nang i katheu nai leu ly heng hai ai nai, dei hai ai nai sa thai naira awm. Hunai deaungkho y nang ly nangmy i katheu nai leu kamta hawi nai hawi y nai avum ai.

LEU KACHENG 29:23

Amlyh am-e parai nai khumi ly tahm by y ai. Na i py paleung apanem nai khumi ly tahm asang naira nga ai.

Solomon i khulym 2:14

Nang ly lengseaung sala y abyh nai amprym buhu hawi atawm. Khrei ai hawi parai nai nang i meimai khen kyh rai si; raawi kahawi tangai kyh rai si.

ISAIA 10:14

Khaileaung pri y awm nai prichi ly tavo tabu hawi atawm i, kai ly huni pri i yhmtheaung katuichi ai tavo kaduichi kamta, jadeu naimy kalapi veng bo. Ami py pakhi takhym y, labeaung ang u vam y!,” nanai amlyh lawh!

ISAIA 2:21

Khaileaung amchyh hai ai nai Areng jeu nai khala y, khumichi ly mymy i kado theu nai, sa thai naira hawi nang parai naira i nai law tleaung ai nai khaileaung angawmchi hawi lengseaung tapiuchira y aheu u ai.

ISAIA 49:25

Areng my, “Vai tym ai nai leaungsai ly hina nai kamta ne. Tavaimi risa my patiu iy langheng hawi naichi ai kaimy patleaung vui ai. Samrang hawi y naichi i nga nai vawnsaichi ai, kaimy pakym vui ai. Kai ly nang ai tiu nai khumichi ai tiu iy, nang i cho chanauchi ai atleu ai.

JEREMIA 48:14

Moba neampachochi awi, nangchi ly ati mana nai y nangmychi kypkyp ai khumi soraichi, tavai keung i soraichi, nanai thui u lawh mo?

JEREMIA 49:15

Areng ly nangchi i pri ai atho bai hai iy, ami py nangchi ai tahm ang khai u ai ny y.

JEREMIA 50:29

“Babulon mary y tiu ai nai thailiho pa nai khumichi ai thui pi u. Thailiho teaung kawp nai khumi ngiereichi ai pato u. Mary ai katan u meuh; leaungrei py tleaung moh sy. Huni mary i khumichi ai vawitheung tha u. Nichi ly khumi takhrachi ai sa nai kamta, nichi ai py so u teang. Ati mana nai mo nabaly nichi ly Israela chengchi i chai parai nai keung kai ai amlyh am-e naimy ka-awi sa u nai ne.

JEREMIA 51:53

Babulon mary ly kani y angteu na pa-rei, amtangra yhm ka-sang sa pajau lawh teu i py, kai ly huni mary y taphra ai nai khumichi pato ai. Hini ly kai Areng i thui nai leu ne,” napi.

AMOS 9:2

Khaileaung y angawm tai iy tavau pri y aheu teu i py, kai ly nichi ai ngo y nai nga pa-rei patiu ai. Kani mang y lyn kalau teu i py, nichi ai atheu kathiu ai.

HABAKKUK 2:9

Nangchi ly taham si u! Athorei my tiu naira i nga nai yhmtheaung katuichi hawi, nangchi ly nangmychi i dengtheungchi ai nang chawn hai bo. Atho sa iy mychi i tabu ai ka-sangra y sa nai tavo kamta, mymychi i yhm ai phrumai by y pa-rei sa u bo!

MALAKHI 1:3

Esaw hawi ni i katu chanauchi ai ly niu ngai y. Kai ly Esaw i mawi aheung khu ka-peang phra hai iy, kasuichi i vui khai su bo,” nanai pathang.