JEREMIA 48:45 - Khumi Common Language Bible

⁴⁵ Jeaungmang iy patang naira avum nai khumichi ly Hesabon mary y abyh ai nai hau u nai ne. Na i py, vaichi khala Sihon samrang my peang nai Hesabon mary ly mai angveaung pun veng bo. Mai ly tavai atiu ham parai nai Moba khumichi i khuteng meingtymchi hawi mawi ka-sangchi ai kang nai ne.

JEREMIA 48:45 ပူးပေါင်းရင်းမြစ်များ

SAM 135:11

Amori samrang Sihon, Bashan samrang Oka hawi, Kanan pri i samrang bawibawichi ai padei pawn nai ne.

SAM 78:63

Thawndeang ka-chengchi ly tavai keung y dei be nai deaungkho y, anglo ka-cheangchi hawi apom ai nai leaungrei py by y leang bo.

JEREMIA 2:16

Memphi mary i khumichi hawi Tapan mary i khumichi ly nang i lu keuru ai khei u bo.

JEREMIA 48:2

Moba pri i phum-ang ly tama veng bo. Paleung ka-echi ly Hesabon mary peang vui iy, Moba pri ai tamyh vui ai nai tau u nai ne. Madmanah mary ly tyn kryh y naimy awm ai. Tavaimi risachi ly huni mary y tavai tiu u ai.

AMOS 2:2

Kai ly Moba pri salo y mai kani nai hai iy, Kerioth mary i amtangra yhmchi ai maidym satlawi palawn vui ai. Tavaimichi i aeu nai raawi, baw katyn hawi atiu nai katynchi amsau nanai neng khala y, Moba khumichi dei u ai.

ZEKHARIAH 10:4

Kai i khumichi ai peang ai nai nichi theung i dengdairei samrangchi, lu sa naichi, tavailu areng napi nai khumichi amthawn ai.

Kati Nai 21:21

Israela chengchi ly Amori samrang Sihon teng savaichi pato iy,

Kati Nai 21:26

Hesabon mary ly samrang Sihon i mary pui ne. Samrang Sihon i khu ka-peang ly Arnon tavo khrairei kau nai, vaichi khala Moba pri samrang i khu ka-peang ne. Huni khu ka-peang ai tiu i, pajau vui bo.

Kati Nai 21:28

Vaichi khala samrang Sihon i tavai kamkawm ly Hesabon mary i dengdairei theu nai mai kadeu kamta tavai thau nai, Moba pri Ara mary ai taphra vui iy, Arnon Tavo leng mang i mawichi kang hai bo.

Kati Nai 21:29

Moba pri i khumichi awi, nangchi ly khri pa-rei ngari kamtang avum u na bo ly! Khemosa tameuh ai chiu nai khumichi py phra u be bo! Nangchi i tameuhchi ly nangmychi i chengchi ai tavai kapreangchi lawm hai iy, neampachychi ai Amori samrang i langhengchi lawm hai bo.

Kati Nai 24:17

Kai ly mo mang i satang dawn nai khala, Israela pri ai kaniu. Huni pri y samrang leaungrei ly angvang parai nai ka-si kamta amteng ai. Huni samrang ly ka-si tempo kamta Israela pri y amteng ai. Ni ly Moba chengchi i lu sa nai keungchi ai tiu iy Setha theaungchi ai pajau vui ai.

MATTHAI 21:42

Isu my ly nichi teng y, “Yhm sa nai keungchi i lengseaung ngai y nai ly, Huni kypkyp ly taki i lengseaung avo keh nai palawn bo: Huni ly Areng i sa nai ne i, Achi i mei ka-niu y rengrang tlai nai ne,’ nanai ly Tameuh i cha-iu y phai u vai y a?