JEREMIA 48:40 - Khumi Common Language Bible

⁴⁰ Pakhichi kadai nai ahmtlau kamta, paleung ka-echi ly Moba pri tlang tleaung y ni kathiu ai, nanai Areng my leu pei yb bo.

JEREMIA 48:40 ပူးပေါင်းရင်းမြစ်များ

LEU KACHENG 30:19

Kani laileaung y ahmtlau i akheang nai sai, lengseaung salo y pavui i jawn nai sai, pangli y sampho i so nai sai hawi thawndeang anglochi i akhrei nai saichi ne,

ISAIA 11:14

Huni pri nyhreichi ly amkawm iy nidym mang y awm nai Philistin chengchi ai tiu iy, nisi pri mang y awm nai khumichi i yhmtheaung katuichi lawm u ai. Nichi ly Edom chengchi hawi Moba chengchi ai pajau iy, Ammon chengchi ai py mychi i sa thai naira anui y awm hai ai.

ISAIA 8:8

Asuria samrang hawi tavaimichi napi nai, lem heu nai tavo tui ly Juda pri verei y leaung naimy meingtym tleireira y, khumichi i kaneaung tym pa-rei um ai,” nanai kai ai leu pei bo. Aw Emmanuela Tameuh ly kaichi hawi vanrei awm na a! Mymy ly my i tamen nai pakhi kadai iy, kaichi i pri ang kry pi nai ne.

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 49:22

Kani mang dengdairei pakhi kadai naimy ni kathiu nai ahmtlau kamta, paleung ka-e ly Bozarah mary y tiu ai. Huna nai khala Edom tavaimichi ly deaungdi tapen ai nai achai nai neampachy kamta kaso theu u ai,” napi.

TANGAM NAI LEU 4:19

Nichi ly kani salo mang dengdairei, taba kathiu nai ahmtlauchi kamta, kaichi ai ang patiu u. Mawi aheungchi mang y kaichi ai kheulawi ang padyh bo; daichi ka-vymra y athang khai y naimy ang patiu u bo.

Ezekiela 17:3

sa thai naira angym nai kai, Areng my ati mana leu pei mo, nanai nichi ai pany ha ba. Vaichi khala ham parai nai pakhi kalenchi hawi, mui kasauchi awm nai ahmtlau pui harei awm. Ni teng y apu parai nai muichi awm. Huni ahmtlau pui ly Lebanon mawi saleung y akheang kalau iy saitleang keung salyh y chym bo.

DANIELA 7:4

Angchei i mawi kasi ly khrangsi hawi atawm i, ahm kamta pakhichi awm. Kai ly khen nai thym khala y huni mawi kasi ly pakhichi amui pawn i, khaileaung salo y achaw naimy, khumi kamta angdo bo. Naibaly ni ly khumi paleung nga nai ne.

HOSEA 8:1

Areng my, “Baw eng iy pany hai ba! Paleung ka-echi ly ahmtlau kamta, kai i pri y ang nih u bo! Kai i khumichi ly kai hawi asa nai Leu Maikawm ai taphra iy, kai i khumichi ly kai hawi reita ai khai u su bo.

HABAKKUK 1:8

“Nichi i keaungngochi ly takaikheng tleaung y rang iy, teicha alam nai kasui tleaung y malawn py jei ai nai hawi. Keaungngo atang nai risachi ly keaungngochi ai kamlo mang dengdairei, athorei my ang jeu hai bo. Nichi i keaungngochi ly khaileaung y muiken hawi kaseu u bo. Nichi ly teicha ni nai ahmtlau kamta, athorei my ang jeu u nai ne.

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.