JEREMIA 46:6 - Khumi Common Language Bible

⁶ Angpreng rang naichi ly tleaung u y; Tavaimi risachi py tleaung u y, Nichi ly tosyh ngan Euphrat tavo sahawi y athei iy atlym u nai ne.

JEREMIA 46:6 ပူးပေါင်းရင်းမြစ်များ

2 ARENG KEH 23:29

Samrang Joseah i peang nai thym khala y Aikupta samrang Neko ly Asuria empara samrang ai sabawm ai nai tavaimichi hawi Euphrat tavo mang y amsa bo. Samrang Joseah ly Mekido mary y Aikupta tavaimichi ai paka ai nai atho sa i, tavai keung y dei nai ne.

2 ARENG KEH 24:7

Aikupta samrang hawi ni i tavaimichi ly mana khala py Aikupta pri i dengdairei theu ai nai ngo u y bo. Ati mana nai mo nabaly Euphrat tavo dengdairei Aikupta pri tosyh ngan khu ka-peang tym pa-rei, Aikupta khu ngierei ai Babulon samrang my peang vui nai deaungkho y ne.

SAM 27:2

Khumi hawi y naichi my kai ai padei ai nai atho sa u nai khala y, nichi ly pathuikhe iy atlym u bo.

Parip nai leu 9:11

Kai i pany nai takhra leaungsai harei nai ly hini ne he: hini khaileaung pri y angpreng rang parai nai khumi ly ampreng acham naira tleirei y eaung jojo ai, nanai thui pajau y; sorai paleung awm nai khumi ly tavai atiu naira y eaung jojo ai, nanai thui pajau y; khumi kachengchi ly teicha teinei avaw vai y ai, nanai thui pajau y; tau cheng nai khumi ly nang jojo ai, nanai thui pajau y; sa thai naira awm nai khumi ly kalop kalenra y atheng jojo ai, nanai thui pajau y nai ne. Khumi luteng ly taham si naira avum reng.

ISAIA 8:15

Khumi neangneangchi py pathuikhe iy atlym u ai. Nichi ly huna nai atlym u iy tamo kalem nga u ai. Nichi ly deaung y man u ai,” napi.

JEREMIA 1:14

Mymy ly kai teng y, “Hini pri y awm nai khumi bawibawichi tlang tleaung y tosyh mang dengdairei, patang naira tym ai.

JEREMIA 20:11

Na i py aw Areng, nang ly sa thai naira haiho len nai tavaimi risa kamta, kai mang y asa hai nai deaungkho y, kai ai pahyp y naimy ana nai khumichi ly athei iy atlym u ai. Nichi ly mana khala py eaung u ai ny y. Nichi ly eaung naira ngo pajau y nai deaungkho y, kangji nga u jojo ai. Nichi i kangji ly mana khala py tami pajau ai ny y.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 4:6

Zion mary mang y chei tapai u! Chymme naira mang y angpreng u! Patyh u moh! Areng my khri pa-rei phra naira hawi ka-jeira ai tosyh mang dengdairei ang tym hai ai.

JEREMIA 46:10

Vaini ly ati cheaungkhang sa thai nai keung Areng i kani ne. Mymy ly vaini my vawitheung tha ai. Mymy ly paleung ka-echi ai vaini my pajeng ai. Mymy i haisau ly nichi ngan bym pa-rei cha iy nichi i thi bym pa-rei nei ai. Vaini ati cheaungkhang sa thai nai keung ly Euphrat tavo sahawi tosyh ngan mang y, tawnbawichi apathyp nai ne.

JEREMIA 46:12

Khumi cheng cheaungkhangchi ly nangchi i kangji nga nai thai u veng bo. Nangchi i vo nai raawi khumi lutengchi my thai u nai ne. Tavaimi risa ly leaung leaungrei adeng nai deaungkho y, leaung nyhrei khaileaung y atlym hawi mei bo.

JEREMIA 46:16

Nangchi i tavaimi risachi ly athei iy atlym u bo. Nichi leaung leaungrei ly ‘Jeu u kaliki! Achi ly amychi i saleaung khuteng pri mang y vawi u sina. Paleung ka-echi i haisau i nai tleaung ai nai angpreng u sina!,’ nanai thui u nai ne.

JEREMIA 50:32

Amlyh am-e nai nangchi i pri ly athei iy atlym ai. Angthau teang ai nai nang ai ami py sabawm ai ny y. Kai ly nangchi i marychi ai mai kang hai ai i, nangchi tengpang sahawi y awm nai ngiereichi ly phra ai,” napi.

JEREMIA 6:1

Benjamin mipuichi awi, chymme naira mang y angpreng u! Jerusalem mary i nai theu u! Tekoa avang y baw eng u. Bethekarin avang y ka-ma-ra maiteaung to u. Ka-jeira hawi phra naira ly tosyh mang dengdairei ang tym ai.

DANIELA 11:19

Samrang ly my i pri y awm nai amtangra meingtym mang y vawi teang ai. Na i py ni ly sum ai i, tama vui ai.

DANIELA 11:22

Ni ai ka-awi sa nai khumi ly Tameuh i pathyp pi nai keung kalen py ne sy, taphra vui naira avum ai.