JEREMIA 46:27 - Khumi Common Language Bible

²⁷ “Kai i khumichi awi, jei u moh, Israela khumichi awi, kaso tahyn theu u moh. Nangchi ai langheng y hawi iy dei u ai nai pri, huni pri kamlora i dengdairei, nangchi ai kaimy atleu ai. Nangchi ly vawi u ali teang iy tlamsa naimy awm u ai. Chymme naira awm ai; ami my py nangchi ai ka-jeira tym hai ai ny y.

JEREMIA 46:27 ပူးပေါင်းရင်းမြစ်များ

ISAIA 14:3

Areng ly Israela chengchi ai, mychi avum nai patang naira hawi ngari kamtangchira i nai py, kalop karam sa naichira i nai py, alawra pei ai.

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 43:5

Jei u moh, kai ly nangchi hawi vanrei awm! Kamlo parai nai nisi hawi nidym mang, kangtem keh meingtym dengdairei, nangchi ai nangmychi pri y, kaimy kang hawi ai.

ISAIA 44:1

Areng my, “Kai i miseaung Israela chengchi awi, kai i vawi takhra nai khumichi awi, Jakob i katu chanauchi awi, vai tangai u.

ISAIA 44:2

Kai ly nangchi ai sa nai keung Areng ne. Nangchi tapen khyp khala i dengdairei, nangchi ai kang sabawm bo. Jei u moh, nangchi ly kai i miseaung, kai my kang tamen iy, vawi takhra nai khumichi ne.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 32:37

Kai ly khrikhri pa-rei kado theu nai y nichi ai ahei hai nai prichira i dengdairei, kapangym ali teang ai. Naibaly nichi ai hini meingtym y kapahawi ali teang iy, chymme naimy awm hai ai.

JEREMIA 33:16

Huni neng tym nai khala y, Juda pri ly atleu naira nga ai. Jerusalem mary i khumichi py chymme naira nga ai. Mychi i mary pui ai, ‘Kaichi ai atleu nai keung Areng,’ nanai amyn palau ai.

JEREMIA 50:19

Israela khumichi ai mymychi i pri mang y kaimy pahawi ali teang ai. Nichi ly Karamela mawi saleung hawi Bashan meingtym y pati nai amti amjangchi cha u ai. Ephraim hawi Kilead khu ka-peangchira y prau nai amti amjangchi ai, bym pa-rei cha ai nai nga u ai.

JEREMIA 51:46

Nangchi thai u nai satang kamthangchi deaungkho y jei u moh ly, paleung phra u moh. Saneng tlei tleirei satang takhra takhra amthang reng. Pri theung y khrukhra nai satangchi, samrang leaungrei hawi leaungrei tavai atiu nai satangchi amtang reng nai ne.

Ezekiela 16:53

Areng my Jerusalem mary ai leu pei nai ly “Sodom mary hawi huni mary i chaniuchi, Samari mary hawi huni mary i chaniuchi ai kai ly sareaung hawi hai ali teang ai. Nang ai py sareaung hawi hai ali teang ai.

Ezekiela 36:24

Kai ly nangchi ai pri tlei tleirei i nai pangym achu iy, nangmychi i saleaung khutengra y pahawi ali teang ai.

Ezekiela 39:25

Sa thai naira angym nai Areng my, “Na i py vai kai ly Jakob i katu chanau ne nai Israela chengchi ai pahen iy, nang chawn hai ali teang ai. Kai i amyn kachai ai ama hai ai.

AMOS 9:14

Kai ly kaimy i khumichi ai, mychi i pri y kapahawi ali teang ai. Nichi ly phra nai marychi sa teang iy, huni marychira y awm ai nai nga u teang ai. Kreip akhochi sa iy kreip hang nei ai nai nga u ai. Akho baichi sa u iy amy i pati nai amti amjangchi ai amychi my cha ai nai nga u ai.