JEREMIA 46:21 - Khumi Common Language Bible

²¹ Alai nai tavaimichi malawn py si chochi kamta jeaungmang u nai ne. Nichi ly amtang u y naimy angpreng u pawn bo. Nichi sum u ai nai kani, taham kasi avum ai nai neng kani ly tym dudu nai ne.

JEREMIA 46:21 ပူးပေါင်းရင်းမြစ်များ

2 SAMUELA 10:6

Ammon khumichi ly Davida ai mychi i paleung ka-e y khai u lawh bo, nanai apany u nai deaungkho y, Betherhoba mary hawi Zobah mary i Suria tavaimi leaung 20,000 rei, Toba mary i khumi leaung 12,000 rei bo y, samrang Maaka hawi khumi leaung 1,000 reichi ai alai u nai ne.

2 ARENG KEH 7:6

Areng my Suria khumichi teng y, keaungngo atang nai risachi, tavai ka-richi hawi tavaimi kamkawm pui tavai thau nai katyn thai hai nai deaungkho y, Suria khumichi my, “Israela samrang ly achi ai tiu ai nai Hiti samrang hawi Aikupta samrangchi teng y kasabawmra hnei nai bo,” nanai thui u.

SAM 37:13

Na i py huni khumi ly kra y naimy phra ai bo, nanai Areng my pany nai deaungkho y, ni ai khen iy panui hai bo.

LEU KACHENG 15:17

Amy tengtawi atamen leungtang naichi hawi vanrei, antheng seaungngam tlenrei cha nai ly amy tengtawi aniu ngai y naichi hawi vanrei, mawi biu kahawi cha nai tleaung y hawi keh.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 34:7

Mipuichi ly palawi cho y nai sichi, si katai beaungjeaungchi kamta atlym u ai. Khaileaung ly thichi pasen jawn iy, thauchi hawi paleung myn naimy awm ai.

JEREMIA 18:17

Kai ly kaimy i khumichi ai nisi ali my hm nai spryhchi kamta, paleung ka-echi mo y ahei hai ai. Kai ly nichi ai nithun kathun vui ai. Kai ly nichi ka-jeira avum nai khala y, kasabawm pi ai ny y,” napi.

JEREMIA 46:22

Paleung ka-e tavaimichi kasa dudu baly Aikupta pri ly leu sa nai pavui kamta preang nai ne. Khumichi my dengkeaung ai paliu nai kamta paleung ka-echi ly ni ai marengchi hawi tiu u bo.

JEREMIA 46:5

Na i py Areng my, “Kai i niu nai ly ati mana nai mo? Nichi ly jei i nithun mang y anaw u bo. Nichi i tavaimi risachi ly sum u nai ne. Nichi ly khri pa-rei jei u nai deaungkho y nithun mang y khen y naimy, athorei my angpreng u kaliki na bo,” napi.

JEREMIA 46:9

Keaungngochi lyn u; ka-richi awi, athorei my amli u! Khupui syn nai Ethiopia neampachochi hawi Libia neampacho, Juda neampacho thailiho syn nai tavaimichi awi, tavai thau u jau,’ nanai thui bo,” nanai Areng my leu pei nai ne.

JEREMIA 48:44

Jei hyn ai hawi naira i law tleaung ai nai atho sa naichi ly huni angawm theung y tla u ai. Hum angawmra i lyn kalau nai khumichi ly deaungchira y man u ai. Ati mana nai mo nabaly Moba pri ai tamyh ai nai neng ly kaimy khai takhra yb nai deaungkho y ne.

JEREMIA 49:8

Aw Didan mary i khumichi awi, alengli iy angpreng u jau! Aheu u pawn! Esaw i kangpreangchi ai pajeng ai nai neng tym dudu nai deaungkho y, kai ly nichi ai tamyh ai.

JEREMIA 50:11

Areng my leu pei nai ly “Babulon mary i khumichi awi, nangchi ly kai i pri ai lawm u bo. Nangchi ly choh ati nai si nu kamta py, hang nai keaungngo kamta py, amo theu naimy aki aleaung u teu i py,

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

Ezekiela 30:22

Huna nai y vai, sa thai naira angym nai kai, Areng my leu pei nai ly kai ly Aikupta samrang i paleung ka-e ne. Ni i kiuban nyhrei khei vui ai. Tleu nai kiu hawi tleu y nai kiu ai py khei ai. Huna nai khala ni kiu i haisau ly tla vui ai.

Ezekiela 35:5

“Nang ly Israela pri y paleung ka-e khai jojo. Huni pri ly mymy i hawi y sa nai deaungkho y, pajeng naira avum iy ka-jeira tym nai neng khala, nang ly huni pri i khumichi ai padei hai bo.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

AMOS 6:4

Kasai nuh kadangchira y aseaung nai khumichi awi, beramcho, sichochi i ngan kanau cha iy, pangpaho nibai tleaung y aseaung naimy akeng anam pataw nai khumichi awi, nangchi i vui ka-jei awm nai neng kani lawm ai!

OBADIA 1:13

Nang ly kai i khumichi ngari kamtang avum nai ai paleung ateng hai iy nichi ka-jeira avum nai thym khala nichi i mary theung y kun ai nai avo y. Nichi i vawnsaichi la pi vui ai nai avo y.

MIKHA 7:4

Kawp keh, pany keh napi nai khumichi malawn py, acha keung kamta vang teng y nai ne. Tameuh ly nichi ai typ nai tamcheaung lawm nai amochi dengdairei, pany hai nai kamta, khumichi ai Tameuh my pajeng ai nai neng tym bo. Nichi ly vai, tapai taveang u na bo.

MATTHAI 22:4

Naibaly mymy ly, ‘Kai i heang naichi teng y ly, khen cham, kai i pawi sa rym nai pajau bo i, kai i si kataichi hawi kai i tawnbawi pacho patyp naichi ly tleh i, ati cheaungkhang sa rym bo; aju palyn nai pawi y biu cha ai nai jeu u jau, tapi u’ napi nai miseaung takhrachi ai pato bi bo.

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.