JEREMIA 46:18 - Khumi Common Language Bible

¹⁸ Ati cheaungkhang sa thai nai keung kai, Areng ly samrang ne. Kai ly heng nai Tameuh ne. Tabor mawi ly mawi cheaungkhangchi tleaung y asang keh nai kamta py, Karamela mawi py pangli sahawi y asang parai naimy awm nai kamta py, nangchi ai ang tiu ai nai khumi ly khri pa-rei atho awm ai.

JEREMIA 46:18 ပူးပေါင်းရင်းမြစ်များ

SAM 89:12

Nang ly tosyh ngan hawi tokalawi ngan ai sa nai ne. Tabor mawi hawi Heramon mawichi ly nang ai amo theu naimy palo u bo.

ISAIA 47:4

Israela chengchi i chai parai nai Tameuh ly kaichi ai law tleaung hai bo. Mymy i amyn ly ati cheaungkhang sa thai nai Areng ne.

ISAIA 48:2

Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 44:26

Na i py Aikupta pri y awm nai Israela chengchi teng y kai, Areng ly kaimy i nang parai nai amyn y adeu nai ly vai nangchi tangai u. Nangchi vaineng asa u naira y, ‘Areng ly heng nai ne!,’ nanai kai i amyn thui ai nai mo mang y mana khala py nangchi ai kang pei ai ny y.

JEREMIA 48:15

Moba pri hawi marychi ly phra iy nichi i vui vawi patyp nai thawndeang deaungdichi ly tleh naira avum u ai. Kai ly ati cheaungkhang sa thai nai keung, napi nai samrang ne. Huni ly kai i thui nai leu ne.

JEREMIA 51:17

Hina nai sa nai deaungkho y khumi bawibawichi ly cheng naira, pany thai naira by y nai khumichi lawm u bo. Myn sa nai khumi ngiereichi ly mymychi i sa nai mynchi ly tameuh tatang ny y nai deaungkho y paleung phra u bo. Huni mynchi ly hengra py by y.

JEREMIA 51:57

Huni mary i peang nai keungchi, khumi kachengchi, lu sa naichi hawi tavaimi risachi ai pavui tapai hai ai. Nichi ly i ngym chum baly, mana khala py anglaw u ai ny y. Hini ly kai samrang i thui nai leu ne; Kai ly ati cheaungkhang sa thai nai Areng ne.

AMOS 4:13

Mawichi ai sa iy ali aho hai nai keung ly Tameuh ne. Mymy ly my i dawn naichi ai khumichi teng y pany hai bo; mymy ly kanithun ai vum mang y angpeang hai bo. Mymy ly kani khaileaung i asang keh nai mang aleaung nai ne. Mymy i nang parai nai amyn ly ati cheaungkhang sa thai nai Areng Tameuh ne.

MALAKHI 1:14

Nangmychi i beram kanghuchi theung y, no-na by y nai beramchi awm i py, kai ai tapawp iy vang teng y nai tawnbawi ai talam nai khumi ly amsawi lawi na sy. Ati mana nai mo na baly kai ly nang parai nai samrang ne iy, kai i amyn ai khumi cheng cheaungkhangchi my tahm khai jei u nai deaungkho y ne,” napi.

MATTHAI 5:35

Khaileaung y tauh iy py abeu u reng moh, huni ly mymy i kheu khai naira ne; Jeursalem y tauh iy py abeu u reng moh, huni ly Nang Parai nai Samrang i avang ne.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

JOSUA 12:22

Kadesa mary, (Karamela mawi salo y awm nai) Jokanem mary, (pangli peang y awm)

JOSUA 19:22

Khujyh ly Tabor mary, Shahazumah mary hawi Beth Semesh marychi ai takoleu iy, Jordan tavora tem nai ne. Hini khu ka-peang theung y, mary kalen holai tariurei hawi, hunichi tengpang i marychi abawi.

TARA CHIH NAI KEUNGCHI 4:12

Sisera my Tabor mawi mang y lyn nai satang thai nai khala,

TARA CHIH NAI KEUNGCHI 4:6

Kanirei nai khala ni ly Naphtali khu ka-peang, Kedesh mary dengdairei Abinoam i chapo Barak ai palau iy, Israela chengchi i Areng Tameuh my, ‘Nang ly Naphtali nupai hawi Zebulon nupai theung i khumi leaung meaung kateaungreichi ai palau iy, Tabor mawi mang y chei ai nai tla.